తెలుగు బిగ్ బాస్ హౌస్లో వైల్డ్ కార్డ్ ఎంట్రీల తర్వాత ఆట మరింత రసవత్తరంగా మారింది. ఈ వారం ఊహించని ఎలిమినేషన్ జరిగినట్లు వార్తలు వస్తున్నాయి. మొదట్లో వివాదాలకు కేరాఫ్ అడ్రస్గా నిలిచి, ఆ తర్వాత ఆట తీరు మార్చుకున్న దివ్వెల మాధురి హౌస్ నుంచి బయటకు వెళ్లిపోయినట్లు సమాచారం. ఇది బిగ్ బాస్ ప్రేక్షకులను ఆశ్చర్యానికి గురిచేస్తోంది.
Key Points
దివ్వెల మాధురి ఈ వారం బిగ్ బాస్ హౌస్ నుంచి ఎలిమినేట్ అయినట్లు సమాచారం.
ఆమె వైల్డ్ కార్డ్ ఎంట్రీగా వచ్చి, మొదట్లో వివాదాలకు కారణమైంది.
నాగ్ హెచ్చరికల తర్వాత తన ఆట తీరును మార్చుకొని, పాజిటివిటీని సొంతం చేసుకుంది.
ఇప్పుడిప్పుడే మంచి ట్రాక్లోకి వస్తున్న సమయంలో ఆమె ఎలిమినేషన్ అందరినీ షాక్కు గురిచేసింది.
వైల్డ్ కార్డ్ ఎంట్రీతో మాధురి ప్రయాణం
తెలుగు బిగ్ బాస్ హౌసులోకి వైల్డ్ కార్డ్ ఎంట్రీలు వచ్చాక.. ఆట తీరే మారిపోయింది. వరుస టాస్కులే కాకుండా.. హౌసులో జరిగే గొడవలు, అల్లరి చేష్టలు ప్రేక్షకులని ఇంట్రెస్టింగ్ గా టీవీల ముందు కట్టి పడేస్తోంది షో. అయితే ఈరోజు మరో ఎలిమినేషన్ జరిగినట్టు సమాచారం. ఈ వారం డేంజర్ జోన్ లో ముగ్గురు కంటెస్టెంట్స్ ఉండగా టాప్ ఓటింగ్ లో తనూజ, కళ్యాణ్ దూసుకుపోతున్నట్లు తెలుస్తోంది. తాజాగా ఈ వారం ఎలిమినేషన్ ఎవరనే న్యూస్ బయటకు వచ్చింది.
నాగ్ హెచ్చరిక తర్వాత ఆటలో మార్పు
సోషల్ మీడియాలో వినిపిస్తున్న సమాచారం ప్రకారం ఈ వారం హౌస్ నుంచి దివ్వెల మాధురి ఎలిమినేట్ అయినట్లు వార్తలు వినిపిస్తున్నాయి. వైల్డ్ కార్డ్ ఎంట్రీలో ఫైర్ బ్రాండ్ లా ఇంట్లోకి అడుగుపెట్టి, రావడంతోనే పేరు తెలియదు అని చెప్పడంతో శ్రీజపై ఫైర్ అయ్యింది. ఆ తర్వాత తనూజ-కళ్యాణ్, రీతూ-పవన్ బాండింగ్స్ పై కామెంట్స్ చేసింది. హౌస్ లో ప్రతి విషయానికి రచ్చ చేయడంతో తీరు మార్చుకోమని నాగ్ హెచ్చరించారు.
ఎలిమినేషన్ వెనుక కారణాలు ఏంటి?
దీంతో గత వారం రోజులుగా మాధురి ఆట తీరులో చాలా మార్పు వచ్చింది. హౌస్ లోకి ఎంటర్ అవుతూ విమర్శలు చేసినా.. ఇప్పుడు తనూజతో క్లోజ్ గా ఉంటుంది. అలాగే టాస్కులలోనూ అందరితో కలిసి గట్టిగానే ఫైట్ చేసింది. ఇప్పుడిప్పుడే పాజిటివిటీ సొంతం చేసుకుంటున్న సమయంలో.. మాధురి హౌస్ నుంచి బయటకు వెళ్లడం అందరినీ షాకింగ్ కి గురిచేస్తోంది. అయితే దీనిపై కొద్దిసేపట్లో అధికారిక ప్రకటన వచ్చే అవకాశం ఉంది.
దివ్వెల మాధురి ఎలిమినేషన్ వార్త అభిమానులను షాక్కు గురిచేసింది. మొదట వివాదాస్పదంగా ఉన్నా, తర్వాత తన ఆటను మెరుగుపరుచుకుంది. అధికారిక ప్రకటన కోసం ఎదురుచూస్తున్నా, ఆమె నిష్క్రమణ బిగ్ బాస్ హౌస్లో కొత్త చర్చకు దారితీస్తోంది.
