యశ్ రాజ్ ఫిల్మ్స్ స్పై యూనివర్స్ లో భాగంగా షారుక్ ఖాన్ మరియు సల్మాన్ ఖాన్ హీరోలుగా ఒక భారీ బడ్జెట్ చిత్రం తెరకెక్కనున్నట్లు వార్తలు వస్తున్నాయి. ఎన్టీఆర్ మరియు హృతిక్ రోషన్ గెస్ట్ రోల్స్ లో కనిపించనున్నారని తెలుస్తోంది.
Key Points
షారుక్ ఖాన్ మరియు సల్మాన్ ఖాన్ హీరోలుగా భారీ బడ్జెట్ చిత్రం
ఎన్టీఆర్ మరియు హృతిక్ రోషన్ గెస్ట్ రోల్స్లో కనిపించనున్నారు
సిద్ధార్థ్ ఆనంద్ దర్శకత్వం వహించే అవకాశం
'వార్ 2' మరియు 'ఆల్ఫా' చిత్రాల తర్వాత విడుదల అవుతుందని భావిస్తున్నారు
షారుక్-సల్మాన్ కాంబినేషన్
వైఆర్ఎఫ్ (యశ్ రాజ్ ఫిల్మ్స్) స్పై యూని వర్స్లో భాగంగా ఇప్పటివరకు సల్మాన్ ఖాన్ హీరోగా చేసిన ‘ఏక్తా టైగర్’ (2012), ‘టైగర్ జిందా హై’ (2017), ‘టైగర్ 3’ (2023), హృతిక్ రోషన్ ‘వార్’ (2019), షారుక్ ఖాన్ ‘పఠాన్’ (2023) వంటి సినిమాలు సూపర్ హిట్స్గా నిలిచాయి. ఈ యూనివర్స్లోనే హృతిక్ రోషన్ – ఎన్టీఆర్ హీరోలుగా చేసిన ‘వార్ 2’, ఆలియా భట్ – శర్వారీ లీడ్ రోల్స్ చేసిన ‘ఆల్ఫా’ చిత్రం రిలీజ్కు సిద్ధమౌతున్నాయి. ‘వార్ 2’ సినిమా ఆగస్టు 14న విడుదల కానుంది. ‘ఆల్ఫా’ చిత్రం ఈ ఏడాది డిసెంబరు 25న విడుదల కానుంది.
గెస్ట్ రోల్స్లో స్టార్స్
కాగా… రెండు సంవత్సరాలుగా ఈ ‘వైఆర్ఎఫ్’ స్పై యూనివర్స్లో భాగంగానే ‘పఠాన్ వర్సెస్ టైగర్’(Pathaan Vs Tiger)చిత్రం రానుందని, ఈ మూవీలో షారుక్ ఖాన్, సల్మాన్ ఖాన్ హీరోలుగా చేస్తారని, అలాగే ‘పఠాన్ వర్సెస్ టైగర్’ సినిమాలో ఈ యూనివర్స్లో భాగమైన హృతిక్ రోషన్, జాన్ అబ్రహాం, ఆలియా భట్, ఎన్టీఆర్ గెస్ట్ రోల్స్లో కనిపిస్తారనే ప్రచారం జరుగుతోంది. భారీ బడ్జెట్తో రూపొందనున్న ఈ సినిమాని ‘వార్, పఠాన్’ సినిమాలకు దర్శకత్వం వహించిన సిద్ధార్థ్ ఆనంద్ తెరకెక్కిస్తారనే టాక్ బాలీవుడ్లో వినిపిస్తోంది.
సినిమా విడుదల విషయంలో అనిశ్చితి
దీంతో ఈ సినిమాపై అంచనాలు ఏర్పడ్డాయి. కానీ హఠాత్తుగా ‘పఠాన్ వర్సెస్ టైగర్’ చిత్రం ఆగిపోయిందనే టాక్ తెరపైకి వచ్చింది. కానీ అలాంటిది ఏమీ లేదని, ‘వార్ 2’, ‘ఆల్ఫా’ చిత్రాలు విడుదలైన తర్వాత ‘పఠాన్ వర్సెస్ టైగర్’ సినిమా గురించి ఓ స్పష్టత వస్తుందని జాతీయ ఆంగ్ల మీడియాలో వార్తలు వస్తున్నాయి. దీంతో సిల్వర్ స్క్రీన్పై ‘పఠాన్–టైగర్’ల పోరు ఉంటుందని, కాకపోతే కొంత సమయం పడుతుందని తెలుస్తోంది.
ప్రస్తుతం ‘పఠాన్ వర్సెస్ టైగర్’ చిత్రం విడుదల తేదీ గురించి అనిశ్చితి నెలకొంది. ‘వార్ 2’ మరియు ‘ఆల్ఫా’ చిత్రాల తర్వాత మాత్రమే స్పష్టత వచ్చే అవకాశం ఉంది.
