బిగ్ బాస్ 9 తెలుగు హౌస్ లో రెండవ వారం నామినేషన్స్ ముగిశాయి. ఏడుగురు నామినేట్ అయిన వారిలో ఒక కామనర్ బయటకు వెళ్లనున్నారు. ప్రియా శెట్టి ఎలిమినేషన్ నుంచి బయటపడినట్లు తెలుస్తోంది.
Key Points
బిగ్ బాస్ 9 తెలుగులో రెండవ వారం నామినేషన్స్ జరిగాయి.
ఈ వారం ఎలిమినేషన్ లో ఒక కామనర్ బయటకు వెళ్ళనున్నారు.
మర్యాద మనీష్ ఎలిమినేట్ అవ్వడం దాదాపుగా ఖాయం.
రెండవ వారం నామినేషన్స్
బిగ్ బాస్ 9 తెలుగు సీజన్ కామనర్స్ వర్సెస్ సెలబ్రిటీస్ అంటూ హోరాహోరీగా సాగుతోంది. ఇప్పుడు బిగ్ బాస్ హౌస్ నుంచి మరొకరు ఎలిమినేట్ అవ్వాల్సిన టైమ్ దగ్గరపడింది. వీకెండ్ ఎపిసోడ్ కు రంగం సిద్ధమైంది. అయితే బిగ్ బాస్ 9 తెలుగు సెకండ్ వీక్ నామినేషన్లలో ఏడుగురు ఉండగా.. వీళ్లలో నుంచి ఎవరు ఎలిమినేట్ అవుతారాన్నది ఇంట్రెస్టింగ్ గా మారింది.
బిగ్ బాస్ 9 తెలుగు నామినేషన్స్
బిగ్ బాస్ 9 తెలుగు నామినేషన్ల లో రెండో వారం ఏడుగురున్నారు. సుమన్ శెట్టి, భరణి, ఫ్లోరా సైని, మర్యాద మనీష్, ప్రియా శెట్టి, హరిత హరీష్, డీమాన్ పవన్ సెకండ్ వీక్ నామినేట్ అయ్యారు. ఇందులో సుమన్ శెట్టి, భరణి, ఫ్లోరా సైని సెలబ్రిటీలు. మిగతా నలుగురు కామనర్స్. ఈ సారి బిగ్ బాస్ 9 తెలుగు నుంచి ఎలిమినేట్ అయ్యేది వంద శాతం కామనర్ అని సమాచారం.
ఎలిమినేషన్ అప్డేట్స్
బిగ్ బాస్ 9 తెలుగు సీజన్ సెకండ్ వీక్ లో హౌస్ నుంచి ఓ కామనర్ ఎలిమినేట్ కానున్నారు. ఫస్ట్ వీక్ లో సెలబ్రిటీ శ్రష్టి వర్మ ఎలిమినేట్ అయిన సంగతి తెలిసిందే. సెకండ్ వీక్ లో నామినేషన్లలో ఉన్న కామనర్స్ హరిత హరీష్, ప్రియా శెట్టి, మర్యాద మనీష్, డీమాన్ పవన్ లో నుంచి ఒకరు హౌస్ నుంచి వెళ్లిపోవాల్సిందే.
బిగ్ బాస్ 9 తెలుగు సీజన్ లో సెకండ్ వీక్ ఓటింగ్ ఎలా ముగిసిందో ఓ సారి చూద్దాం. ఈ వారం కూడా జనాలు సెలబ్రిటీలకే ఎక్కువ ఓట్లు వేశారు. 42.39 ఓట్ల శాతంతో సుమన్ శెట్టి టాప్ ప్లేస్ లో ఉన్నారు. ఆ తర్వాత భరణి 24.57 శాతం, ఫ్లోరా సైని 7.78 శాతం ఓట్లతో సెకండ్, థర్డ్ ప్లేస్ ల్లో ఉన్నారు.
ఓటింగ్ ఫలితాలు
కామనర్స్ చూసుకుంటే ప్రియా శెట్టి ఈ వారం ఎలిమినేషన్ నుంచి బయట పడ్డట్లేనని టాక్. ఆమెకు 7.01 శాతం ఓట్లు పడ్డాయి. ఆ తర్వాత డీమాన్ పవన్ 6.9 శాతం, హరిత హరీష్ 6.66 శాతం, మనీష్ మర్యాద 4.7 శాతంతో వరుసగా చివరి మూడు స్థానాల్లో ఉన్నారు.
బిగ్ బాస్ 9 తెలుగు సీజన్ సెకండ్ వీక్ లో మర్యాద మనీష్ హౌస్ నుంచి ఎలిమినేట్ కావడం దాదాపుగా ఖాయమైందని తెలిసింది. ఈ వారం ఓటింగ్ లో అతనికే తక్కువ ఓట్లు వచ్చాయి. పైగా హౌస్ లోనూ పెద్దగా ఇంపాక్ట్ చూపించలేకపోయాడు. అగ్ని పరీక్షలో తెలివిగా ఆడినా హౌస్ లో మాత్రం మనీష్ తేలిపోయాడు. పైగా తమ కామనర్స్ నే ఇష్టం వచ్చిన మాటలన్నాడు. ఈ నేపథ్యంలో ఈ వారం బిగ్ బాస్ హౌస్ నుంచి మర్యాద మనీష్ తన ఓన్ హౌస్ కు వెళ్లిపోవడం ఫిక్స్ అని తెలిసింది.
చివరగా, బిగ్ బాస్ 9 తెలుగు రెండవ వారం ఎలిమినేషన్ లో మర్యాద మనీష్ బయటకు వెళ్ళే అవకాశం ఎక్కువగా ఉంది. ప్రియా శెట్టి మాత్రం సేఫ్ గా ఉన్నారు.
