📌 Key Points
- యాంకర్ సావిత్రిగా పేరు పొందిన శివ జ్యోతి బిగ్ బాస్ కంటెస్టెంట్గా గుర్తింపు.
- హౌస్ తర్వాత యూట్యూబ్ ఛానల్ ద్వారా మరింత పాపులారిటీ.
- సాఫ్ట్వేర్ ఇంజనీర్ గంగూలీతో వివాహం, పదేళ్ల తర్వాత తల్లి కాబోతోంది.
- ఇన్స్టాగ్రామ్లో బేబీ బంప్ ఫొటోలు షేర్ చేయగా, నెటిజన్ల నుండి శుభాకాంక్షలు.
బిగ్ బాస్ బ్యూటీ, యాంకర్ సావిత్రి అలియాస్ శివ జ్యోతి తల్లి కాబోతున్న వార్త ప్రస్తుతం వైరల్గా మారింది. పదేళ్ల వివాహ బంధం తర్వాత ఈ తీపి కబురు చెప్పిన ఆమె, తన బేబీ బంప్ ఫొటోలను పంచుకున్నారు. ఈ శుభవార్తతో అభిమానులు, నెటిజన్లు శుభాకాంక్షలు తెలుపుతున్నారు.
యాంకర్ సావిత్రి నుండి బిగ్ బాస్ వరకు
బిగ్ బాస్(Bigg Boss) కంటెస్టెంట్ శివ జ్యోతి గురించి స్పెషల్గా చెప్పాల్సిన పనిలేదు. యాంకర్ సావిత్రి(Savitri)గా పరిచయమైన శివ జ్యోతి (Shiva Jyoti) ఓ న్యూస్ ఛానల్లో తీన్మార్ కథలతో మంచి క్రేజ్ సంపాదించుకుంది. దీంతో బిగ్ బాస్ హౌస్లోకి అడుగుపెట్టే అవకాశం వచ్చింది. అక్కడ తన ఆటతీరుతో మెప్పించినప్పటికీ ప్రతి చిన్నదానికి ఎమోషనల్ అవుతూ డ్రామా క్వీన్గా పేరు తెచ్చుకుంది. ఇక హౌస్ నుంచి బయటకు వచ్చాక ఈ చిన్నది తన కంటూ ఓ సపరేట్ యూట్యూబ్ ఛానల్ పెట్టుకొని పలు వ్లాగ్స్ చేస్తూ మరింత ఫేమ్ అయింది.
పదేళ్ల తర్వాత శివ జ్యోతి తల్లిగా
ఇక ఈ భామ పర్సనల్ లైఫ్ విషయానికి వస్తే.. సాఫ్ట్వేర్ ఇంజనీర్గా పని చేస్తున్న గంగూలీ(Ganguli)ను ప్రేమించి పెళ్లి చేసుకుంది. అయితే మ్యారేజ్ అయిన దాదాపు 10 ఏళ్ల తర్వాత ఈ చిన్నది తల్లి కాబోతుంది. ఇందులో భాగంగా తాజాగా ఇన్స్టాగ్రామ్(Instagram)లో తన బేబీ బంప్ ఫొటోలు షేర్ చేసింది. బ్లూ అండ్ బేబీ పింక్ కలర్ అవుట్ ఫిట్ వేసుకుని చాలా హ్యాపీగా కనిపించింది.
వైరల్ అవుతున్న బేబీ బంప్ ఫొటోలు
ఇక బేబీ బంప్ను పట్టుకొని ఫొటోస్కు స్టిల్స్ ఇచ్చింది. అయితే వీటికి.. ‘నా హృదయంలో శాశ్వతంగా నడవడానికి… ఒక చిన్న జంట పాదాల కోసం నేను ఎదురు చూస్తున్నాను’ అంటూ బ్లూ అండ్ బేబీ పింక్ కలర్ హార్ట్ సింబల్స్ను జోడించింది. దీంతో ఈ పోస్ట్ కాస్త నెట్టింట వైరల్గా మారింది. ఇక దీన్ని చూసిన నెటిజన్లు ఈ జంటకు కంగ్రాట్స్ చెప్పడంతో పాటు మీకు అబ్బాయి పుడతారని, అమ్మాయి పుడతారని కామెంట్స్ చేస్తున్నారు.
బిగ్ బాస్ బ్యూటీ శివ జ్యోతి తల్లి కాబోతుండటంతో అభిమానులు, నెటిజన్లు సంతోషం వ్యక్తం చేస్తున్నారు. పదేళ్ల తర్వాత వస్తున్న ఈ శుభవార్త వారికి మరింత ఆనందాన్ని కలిగిస్తుందని అందరూ ఆశిస్తున్నారు. శివ జ్యోతి కుటుంబానికి శుభాకాంక్షలు.
