జబర్దస్త్ కామెడీ షో ద్వారా పాపులర్ అయిన రీతూ చౌదరి, బిగ్ బాస్ 9 లో పాల్గొననున్నట్లు వార్తలు వస్తున్నాయి. సోషల్ మీడియాలో భారీ ఫాలోయింగ్ ఉన్న ఈ నటి, గతంలో కొన్ని వివాదాలను కూడా ఎదుర్కొంది.
Key Points
జబర్దస్త్ నటి రీతూ చౌదరి బిగ్ బాస్ లోకి ఎంట్రీ.
సోషల్ మీడియాలో భారీ ఫాలోయింగ్ ఉన్న రీతూ.
గతంలో కొన్ని వివాదాల్లో చిక్కుకున్న రీతూ.
బిగ్ బాస్ ద్వారా తన ఇమేజ్ మెరుగుపరచుకోవాలని రీతూ ఆశ.
రీతూ చౌదరి బిగ్ బాస్ లో?
కామెడీ షో జబర్దస్త్ నటి రీతూ చౌదరి బిగ్బాస్-9లో ఎంట్రీ ఇవ్వనుంది. సోషల్ మీడియా ఇన్ఫ్లుయెన్సర్గా ఆమెకు భారీగానే ఫాలోవర్స్ ఉన్నారు. ఎప్పటికప్పుడు గ్లామర్ ఫోటోలు షేర్ చేస్తూ ఫ్యాన్స్ను షేక్ చేస్తుంది ఈ బ్యూటీ.. బిగ్బాస్ సెప్టెంబర్ 7న ప్రారంభం కానుంది. ఇప్పటికే కంటెస్టెంట్స్ లిస్ట్ రెడీ అయిపోయింది. అందులో రీతూ చౌదరి ఉందని దాదాపు ఖాయమైంది.
సోషల్ మీడియా ప్రభావం
రీతూ చౌదరి గతంలో బెట్టింగ్ యాప్స్ ప్రమోట్ చేసి పోలీసుల విచారణ కూడా ఎదుర్కొంది. ఆపై ఏకంగా రూ. 700 కోట్ల ల్యాండ్ స్కామ్లో ఆమె పాత్ర కూడా ఉందంటూ రూమర్స్ వచ్చాయి. అయితే, అందులో ఎలాంటి నిజం లేదని కావాలనే కొందరు తన పేరును ఇందులోకి లాగుతున్నారని చెప్పుకొచ్చింది. అంతడబ్బులు తన వద్ద ఉంటే ఇలాంటి కష్టాలు ఎందుకు పడుతానంటూ పేర్కొంది. అయితే, బిగ్బాస్ ద్వారా తనపై వచ్చిన నెగటివిటిని కాస్త అయినా తగ్గించుకోవచ్చని ఆమె హౌస్లోకి ఎంట్రీ ఇస్తున్నట్లు సమాచారం.
గత వివాదాలు మరియు బిగ్ బాస్
సుమారు రెండేళ్ల క్రితం తన తండ్రి మరణంతో రితూ చౌదరినే తన కుటంబానికి పెద్ద దిక్కు అయింది. పలు టీవీ కార్యక్రమాల్లో పాల్గొంటూ సంపాదన మొదలుపెట్టింది. ఆపై సోషల్మీడియా ద్వారా కూడా తన ఫ్యామిలీ కోసం కష్టపడుతుండటంతో ఆమె గురించి తెలిసినవాళ్లు మాత్రం ఫ్యాన్స్ అయిపోయారు. అయితే, బిగ్బాస్9 ద్వారా మరికొందరి ప్రేక్షకుల ప్రేమను గెలవచ్చు అనే రితూ చౌదరి ఎంట్రీ ఇస్తున్నట్లు సమాచారం.
బిగ్ బాస్ షో ద్వారా రీతూ చౌదరి తన కెరీర్ లో మరో మలుపు తిరగనుందని అభిమానులు భావిస్తున్నారు. ఆమె ఈ షోలో ఎలాంటి ప్రదర్శన ఇస్తుందో చూడాలి.
