బిగ్ బాస్ తెలుగు సీజన్ 9 లో రెండవ వారం నామినేషన్లు జోరుగా సాగుతున్నాయి. మాస్క్ మ్యాన్ హరీష్ అందరి టార్గెట్ గా మారాడు. అతను నిరాహార దీక్ష చేస్తుండడంతో రాము రాథోడ్ కు ఇబ్బందులు ఎదురవుతున్నాయి.
Key Points
మాస్క్ మ్యాన్ హరీష్ ని అందరూ టార్గెట్ చేస్తున్నారు.
హరీష్ నిరాహార దీక్ష చేస్తున్నాడు.
రాము రాథోడ్ హరీష్ ను చూసుకునే బాధ్యత వహిస్తున్నాడు.
హరీష్ ఈ వారం ఎలిమినేట్ అయ్యే అవకాశం ఉంది.
మాస్క్ మ్యాన్ హరీష్ పై టార్గెట్
సెలబ్రిటీలు వర్సెస్ కామనర్లు అంటూ మొదలైన బిగ్ బాస్ తెలుగు 9వ సీజన్ రెండో వారానికి చేరుకుంది. ఫస్ట్ వీక్ లో కొరియోగ్రాఫర్, డ్యాన్సర్ శ్రష్టి వర్మ ఎలిమినేట్ అయిపోయింది. ఇప్పుడు సెకండ్ వీక్ నామినేషన్లు జోరుగా సాగుతున్నాయి. ఈ నామినేషన్ ప్రక్రియ హౌస్ లో హీట్ ను మరింత పెంచేసింది. ముఖ్యంగా అందరూ కలిసి మాస్క్ మ్యాన్ హరీష్ ను టార్గెట్ చేసినట్లు కనిపిస్తోంది. ఈ వీకెండ్ లేదా అంతకంటే ముందే హరీష్ హౌస్ నుంచి వెళ్లిపోతాడనే కామెంట్లు వినిపిస్తున్నాయి.
బిగ్ బాస్ తెలుగు సీజన్ 9లో రెండో వారం నామినేషన్ ప్రక్రియ మరింత రసవత్తరంగా సాగుతోంది. ఈ వారం కెప్టెన్ సంజనను మినహాయించి మిగతా హౌస్ మేట్స్ ను నామినేట్ చేయాలని బిగ్ బాస్ చెప్పాడు. ఒక్కొక్కరూ ఇద్దరిని నామినేట్ చేయాలి. ఇందులో అత్యధికంగా మాస్క్ మ్యాన్ హరీష్ నే నామినేట్ చేశారు. ఈ వారం బిగ్ బాస్ హౌస్ నుంచి వెళ్లిపోయేందుకు నామినేట్ అయిన వాళ్లలో హరీష్, భరణి, మనీష్, ప్రియ, పవన్, ఫ్లోరా సైనీ, తనూజ, రీతూ, సుమన్ శెట్టి ఉన్నట్లు తెలుస్తోంది.
నిరాహార దీక్ష మరియు రాము రాథోడ్
మాస్క్ మ్యాన్ హరిత హరీష్ బిగ్ బాస్ హౌస్ లో నిరాహార దీక్ష చేస్తున్నాడు. ఇలాంటి మనుషుల మధ్య ఉండలేనని, ఇంటి నుంచి వెళ్లిపోతానని అంటున్నాడు. కన్ఫెషన్ రూమ్ లోకి బిగ్ బాస్ పిలిచి అడిగినా హరీష్ అదే మాట చెప్పాడు. దీంతో హరీష్ ను చూసుకునే బాధ్యతలను రాము రాథోడ్ కు అప్పజెప్పాడు బిగ్ బాస్.
హరీష్ తో భోజనం చేయించలేక రాము రాథోడ్ తిప్పలు పడుతున్నాడు. ఇతర హౌస్ మేట్స్ చెప్పినా అన్నం తినట్లేదు హరీష్. హౌస్ నుంచి వెళ్లిపోయేంత వరకూ తినను, తాగనని తెగేసి చెప్పాడు. ఈ నేపథ్యంలో ఈ వారం వీకెండ్ లో లేదా అంతకంటే ముందే హరీష్ హౌస్ నుంచి ఎలిమినేట్ అయ్యేలా కనిపిస్తాడని టాక్.
హరీష్ ఎలిమినేషన్ అవకాశం
గత వీకెండ్ ఎపిసోడ్లో హోస్ట్ నాగార్జున వచ్చి మాస్క్ మ్యాన్ హరీష్ మాస్క్ తీసేసిన సంగతి తెలిసిందే. రెడ్ ఫ్లవర్, ఆడంగోళ్లు అని హరీష్ అన్న మాటలను వీడియోతో సహా చూపించాడు నాగ్. దీంతో హరీష్ సింపతీ గేమ్ ఆడుతున్నాడనే టాక్ వినిపిస్తోంది. మరి హరీష్ గేమ్ ప్లాన్ ఛేంజ్ చేస్తాడా? లేదా మధ్యలోని వెళ్లిపోతాడా? అన్నది వేచి చూడాలి.
హరీష్ యొక్క నిరాహార దీక్ష మరియు ఇతర హౌస్ మేట్స్ తో ఉన్న విభేదాలతో ఈ వారం ఎలిమినేషన్ ఫలితం ఆసక్తికరంగా ఉంటుంది. హరీష్ ఇంటి నుంచి వెళ్ళిపోతాడా లేదా అనేది వేచి చూడాలి.
