బిగ్బాస్ తెలుగు 9 హౌస్లో కెప్టెన్సీ రేసు ఉత్కంఠగా మారింది. కల్యాణ్ కెప్టెన్సీ ముగియడంతో, వైల్డ్కార్డ్ కంటెస్టెంట్లతో పాటు సుమన్, గౌరవ్, నిఖిల్లు కెప్టెన్సీ కంటెండర్లుగా నిలిచారు. ఈ ముగ్గురిలో ఎవరు కెప్టెన్ అవుతారో తెలియాలంటే మరింత ఎదురుచూడాలి.
Key Points
కల్యాణ్ కెప్టెన్సీ ముగింపుతో కొత్త కెప్టెన్ ఎంపికకు రంగం సిద్ధం.
వైల్డ్కార్డ్లకు కెప్టెన్సీ కంటెండర్షిప్ను గెలుచుకునే సవాల్.
గార్డెన్ ఏరియాలో బాల్తో గోల్ చేసే టాస్క్లో కంటెస్టెంట్ల మధ్య పోటీ.
చివరికి సుమన్, గౌరవ్, నిఖిల్ కెప్టెన్సీ కంటెండర్లుగా నిలిచారు.
వైల్డ్కార్డ్స్కు షరతులతో కూడిన కంటెండర్షిప్
బిగ్బాస్ ( Bigg Boss Telugu 9 ) హౌస్లో కల్యాణ్ కెప్టెన్సీ ముగియనుంది. మరో కెప్టెన్ను ఎంచుకునేందుకు సమయం ఆసన్నమైంది. వైల్డ్కార్డ్ కంటెస్టెంట్లను కెప్టెన్సీ కంటెండర్లుగా ప్రకటించాడు బిగ్బాస్ . కాకపోతే ఆ కండెండర్షిప్ను కాపాడుకునే బాధ్యత మీదే అని ఓ మెలిక పెట్టాడు. వైల్డ్ కార్డులు ఎంచుకున్న హౌస్మేట్స్తో తలపడి గెలిచి కంటెండర్షిప్ కాపాడుకోవాలన్నాడు.
కెప్టెన్సీ టాస్క్లో హోరాహోరీ పోరు
కెప్టెన్సీ కంటెండర్లుగా ఆ ముగ్గురు గార్డెన్ ఏరియాలో బాల్తో గోల్ చేయమని గేమ్ పెట్టాడు. ఇందులో అందరూ పోటాపోటీగా ఆడారు. ఒకరినొకరు తోసుకునే క్రమంలో కిందామీదా పడ్డారు. భరణిని అదుపు చేసే క్రమంలో రమ్య కిందపడిపోయింది. ఈ సమయంలో తన తలకు చిన్న దెబ్బ తగిలినట్లు తెలుస్తోంది. వయొలెన్స్ వద్దని వైల్డ్ కార్డ్స్ అంటుంటే.. స్టార్ట్ చేసిందే మీ వాళ్లు అని మండిపడింది తనూజ. ఈ గేమ్స్ తర్వాత ఫైనల్గా సుమన్, గౌరవ్ ( Gaurav Gupta ) కెప్టెన్సీ కంటెండర్లయ్యారని తెలుస్తోంది. హౌస్లో అడుగుపెట్టినప్పుడు నాగార్జున.. నిఖిల్కు ఇచ్చిన పవర్ ద్వారా అతడు కూడా కెప్టెన్సీ కంటెండరయ్యాడు. మరి ఈ ముగ్గురిలో ఎవరు కెప్టెన్ అవుతారో చూడాలి!
తుది కెప్టెన్సీ కంటెండర్లుగా సుమన్, గౌరవ్, నిఖిల్
బిగ్బాస్ హౌస్లో కెప్టెన్సీ టాస్క్లు ఎప్పుడూ ఆసక్తికరంగా ఉంటాయి. వైల్డ్కార్డ్స్ను తట్టుకుని సుమన్, గౌరవ్, నిఖిల్లు కంటెండర్స్గా వచ్చారు. మరి ఈ ముగ్గురిలో ఎవరు కెప్టెన్ పీఠాన్ని అధిరోహిస్తారో చూడాలి.
