📌 Key Points
- కెనడాలోని సరౌ నగరంలో కపిల్ శర్మ కేఫ్పై బిష్ణోయ్ గ్యాంగ్ కాల్పులు జరిపింది.
- ‘పద్ధతి మార్చుకోకపోతే తీవ్ర పరిణామాలు’ అంటూ సోషల్ మీడియాలో హెచ్చరిక.
- కెనడాతో పాటు ముంబైలోని కపిల్ నివాసాన్ని కూడా టార్గెట్ చేస్తామని బెదిరింపు.
- ప్రవాస భారతీయులు, కపిల్ అభిమానుల్లో ఈ ఘటన తీవ్ర ఆందోళన రేకెత్తించింది.
కెనడాలోని సరౌ నగరంలో ప్రముఖ కమెడియన్ కపిల్ శర్మ కేఫ్పై లారెన్స్ బిష్ణోయ్ గ్యాంగ్ కాల్పులు జరిపింది. సోషల్ మీడియా ద్వారా నేరుగా కపిల్ శర్మను హెచ్చరించిన గ్యాంగ్, పద్ధతి మార్చుకోకపోతే తీవ్ర పరిణామాలుంటాయని బెదిరించింది. ఈ ఘటన ప్రవాస భారతీయుల్లో తీవ్ర ఆందోళన రేకెత్తించింది.
కెనడాలో కపిల్ కేఫ్పై దాడి
కెనడా (Canada)లోని బ్రిటిష్ కొలంబియా స్టేట్ సరౌ (Surrey) నగరంలో లారెన్స్ బిష్ణోయ్ గ్యాంగ్ మరోసారి కాల్పులతో విరుచుకుపడింది. ఇవాళ ఉదయం జరిగిన ఈ ఘటనలో ప్రముఖ భారతీయ కమెడియన్ కపిల్ శర్మ (Kapil Sharma)కు చెందిన ‘క్యాప్స్ కేఫ్’ (Kap’s Cafe), పక్కనే ఉన్న ‘చాయ్ సుట్టా బార్’ లక్ష్యంగా దుండగులు కాల్పులు జరిపారు. అయితే, ఈ దాడికి తామే బాధ్యులమని లారెన్స్ బిష్ణోయ్ సిండికేట్కు చెందిన ‘టైసన్ బిష్ణోయ్ జోరా సిద్ధూ’ అనే ఫేస్బుక్ ఖాతా ద్వారా సోషల్ మీడియాలో పోస్ట్ చేశారు. అంతటితో ఆగకుండా, ఆ పోస్ట్లో నేరుగా కపిల్ శర్మకు హెచ్చరికలు జారీ చేయడం సంచలనం రేపుతోంది.
పద్ధతి మార్చుకో.. లేకపోతే తీవ్ర పరిణామాలు ఉంటాయని బిష్ణోయ్ గ్యాంగ్ కపిల్ శర్మను హెచ్చరించింది. 2025లో ఇప్పటికే కపిల్ కేఫ్ (Kapil’s Café)పై రెండుసార్లు కాల్పులు జరిగాయని గుర్తు చేస్తూ.. తమ మాట వినకపోతే కెనడాలోని కేఫ్తో పాటు ముంబైలోని ఆయన నివాసాన్ని కూడా టార్గెట్ చేస్తామని బెదిరించారు. ఈసారి ఎలాంటి రికమెండేషన్లను తాము అంగీకరించబోమని బిష్ణోయ్ గ్యాంగ్ స్పష్టం చేసింది. కాగా, కపిల్ శర్మ 2025 జూలైలో సరౌలో ఈ కేఫ్ను ప్రారంభించారు. అప్పటి నుంచి వరుసగా దాడులు జరుగుతూనే ఉన్నాయి. తాజా దాడిలో కపిల్ కేఫ్ పక్కనే ఉన్న అవుట్లెట్పై కాల్పులు జరిపి, ఆయనను నేరుగా బెదిరించడం ప్రవాస భారతీయులను, కపిల్ అభిమానులను తీవ్ర ఆందోళనకు గురి చేస్తోంది. ఈ ఘటనపై కెనడా పోలీసులు కేసు నయోదు చేసుకుని దర్యాప్తును ముమ్మరం చేశారు.
సోషల్ మీడియాలో బిష్ణోయ్ గ్యాంగ్ వార్నింగ్
ముంబై నివాసంపై కూడా బెదిరింపులు
బిష్ణోయ్ గ్యాంగ్ బెదిరింపులు, కెనడాలో భారతీయ ప్రముఖులపై దాడులు అంతర్జాతీయంగా చర్చనీయాంశంగా మారాయి. ఈ ఘటనపై కెనడా పోలీసులు దర్యాప్తు ముమ్మరం చేశారు. ప్రవాస భారతీయుల భద్రతపై ప్రభుత్వాలు దృష్టి సారించాల్సిన అవసరం ఉంది.
