బ్రహ్మముడి సీరియల్ లేటెస్ట్ ఎపిసోడ్ లో కావ్య అప్పు లంచం కేసులో ఇరుక్కుంటుంది. యామిని కావ్య మరియు ఆమె చెల్లిని జైలుకు పంపించడానికి కుట్ర పన్నుతుంది. రాజ్ కూడా ఈ కథలో కీలక పాత్ర పోషిస్తాడు.
Key Points
కావ్యకు అప్పు లంచం కేసులో శిక్ష విధించబడుతుంది.
యామిని, కావ్య మరియు ఆమె చెల్లి అపూర్వను జైలుకు పంపించేందుకు పన్నాగం పన్నుతుంది.
రాజ్, కిడ్నాప్ చేయబడిన శీనును రౌడీల నుండి రక్షిస్తాడు.
రాజ్ తలపై రౌడీ దాడి చేస్తాడు.
కావ్యకు కోర్టు శిక్ష
బ్రహ్మముడి సీరియల్ లేటెస్ట్ ఎపిసోడ్ ప్రోమోలో కావ్యను విచారించాలని యామిని తరఫు లాయర్ పీపీ అంటాడు. ఆమెకు కేసుకు సంబంధం ఉందని చెప్పడంతో జడ్జ్ ఒప్పుకుంటాడు. నీతోనే నీ చెల్లిని ఇరికించబోతున్నాను అని యామిని అంటుంది. కావ్య వచ్చి కోర్టు బోనులో నిల్చుంటుంది.
అప్పు లంచం అడిగిన శీను అనే వ్యక్తిని కలిసేందుకు మీరు ప్రయత్నించారా అని లాయర్ ప్రశ్నిస్తాడు. దానికి ఏం చెప్పాలో అర్థం కాక కలిసేందుకు ప్రయత్నించాను. కానీ, అతను మాకు దొరకలేదు. ఇంతలోనే కిడ్నాప్ అయ్యాడు అని కావ్య చెబుతుంది. దానికి పీపీ లాయర్ నవ్వుతాడు.
అప్పు లంచం అడిగిన శీనును కలిసి భయబ్రాంతులకు గురి చేసి తమకు నచ్చినట్లుగా చెప్పిద్దామని కావ్య ప్లాన్ చేసింది. అందుకే అతన్ని కలవడానికి అతని ఇంటికి వెళ్లింది. శీనుతో కావ్య మాట్లాడింది. కానీ, కావ్య డీల్కు శీను ఒప్పుకోలేదు. అప్పు లంచం అడిగింది నిజమని, అదే కోర్టులో చెబుతానని శీను గట్టిగా చెప్పాడు.
దాంతో కోపంతో ఊగిపోయిన కావ్య శీనను తన మనుషులతో కిడ్నాప్ చేయించింది. కిడ్నాప్ చేయించి ఎక్కడో దాచిపెట్టి ఇక్కడ ఏం తెలియనట్లు నటిస్తోంది అని లాయర్ చెప్పుకుంటూ పోతాడు. అందుకే పోలీసులకు శీను జాడ తెలియలేదు. శీను కోర్టుకు వస్తే ఎక్కడ తన చెల్లి అపూర్వ తప్పు చేసినట్లు రుజువు అయి శిక్ష పడుతుందో అనే భయంతోనే కావ్య ఇలా చేసింది అని లాయర్ అంటాడు.
యామిని యొక్క కుట్ర
అదంతా అబద్ధం, నా చెల్లిని కావాలనే ఈ లంచం కేసులో ఇరికించారని కావ్య అంటుంది. కానీ, దానిని వారిస్తూ లంచం తీసుకున్నందుకు అప్పుకు మాత్రమే కాకుండా సాక్ష్యాన్ని మాయం చేసినందుకు కావ్యకు కూడా శిక్ష విధించాలని కోర్టువారిని కోరుతున్నాను అని లాయర్ అంటాడు. దాంతో కావ్య ఉలిక్కిపడుతుంది.
నేను వేసిన స్కెచ్ ఇదే కావ్య. అప్పును లంచం కేసులో ఇరికించి నిన్ను నీ చెల్లిని జైలుకు పంపించడమే. ఒక్క దెబ్బకు రెండు పిట్టలు. ఎలా ఉంది నా మాస్టర్ ప్లాన్ అని యామిని మనసులో అనుకుంటుంది. మరోవైపు శీను లొకేషన్ తెలుసుకున్న రాజ్ అక్కడికి వెళ్తాడు. రాజ్ వెళ్లేసరికి శీను మెడపై కత్తి పెట్టి రౌడీ రంగా ఉంటాడు.
సర్ మీరా. నన్ను కాపాడండి. మా అమ్మకు యాక్సిడెంట్ అయింది, నేను త్వరగా వెళ్లాలి అని శీను అంటాడు. మీ అమ్మను హాస్పిటల్లో జాయిన్ చేసింది నేనే, మీ అమ్మ నీ మీద బెంగపెట్టుకుందని వచ్చాను అని రాజ్ అంటాడు. తర్వాత రౌడీలను చితక్కొడతాడు రాజ్. రౌడీలతో ఫైట్ చేసిన రాజ్ శీనును కారులో కూర్చోబెడతాడు. ఇంతలో రాజ్ తలపై రౌడీ రంగా కర్రతో కొడతాడు.
రాజ్ మరియు రౌడీల మధ్య ఘర్షణ
దాంతో రాజ్ స్పృహ కోల్పోతాడు. ఆ తర్వాత రాజ్కు తన గతం గుర్తుకు వస్తుంది. అంతకుముందు రాజ్కు జరిగిన యాక్సిడెంట్, ఆ తర్వాత రామ్గా కావ్యతో ఉన్నది అంతా రాజ్ గుర్తు చేసుకుంటాడు. యామిని చేసిన నేరాలు సైతం రాజ్కు గుర్తుకు వస్తాయి.
మరోవైపు కావ్య, అప్పు వైపు శిక్ష పడే ఛాన్స్ ఎక్కువ ఉండంటతో కాస్తా టైమ్ ఇస్తే సరైన సాక్ష్యాలను సబ్మిట్ చేస్తానని అప్పు వైపు లాయర్ అంటాడు. కానీ, దానికి జడ్జ్ ఒప్పుకోడు.
సమయం ఇవ్వడం కుదరదు. తప్పుడు సాక్ష్యాలు పుట్టించడానికి అవకాశం ఉంది. అందుకే కుదరదు. మీరు తప్పు చేసినట్లుగా అంగీకరిస్తున్నారా అని అప్పును అడుగుతాడు జడ్జ్. దాంతో అప్పు బిక్కుబిక్కుమంటు చూస్తుంది. అక్కడితో బ్రహ్మముడి సీరియల్ లేటెస్ట్ ఎపిసోడ్ ప్రోమో ముగుస్తుంది.
అప్పు లంచం కేసులో కావ్యకు శిక్ష పడటంతో, యామిని ప్రణాళిక సఫలమవుతుంది. రాజ్ శీనును కాపాడినప్పటికీ, రౌడీల దాడితో కథ ఉత్కంఠభరితంగా ముగుస్తుంది.
