నిర్మాత బన్నీ వాసు అల్లు అర్జున్ – పవన్ కళ్యాణ్ ఫ్యాన్ వార్స్పై కీలక వ్యాఖ్యలు చేశారు. ఇద్దరు హీరోల మధ్య వ్యక్తిగతంగా ఎలాంటి విభేదాలు లేవని, సోషల్ మీడియాలో ఫ్యాన్ వార్స్ చూసి తాను బాధపడ్డానని వెల్లడించారు. తనకు ఫోన్స్ చేసి ఇద్దరితో మాట్లాడమనేవారని చెప్పారు.
Key Points
గత ఎన్నికల సమయంలో ప్రారంభమైన అల్లు అర్జున్-పవన్ ఫ్యాన్స్ వివాదం.
పవన్ కళ్యాణ్, అల్లు అర్జున్ వ్యక్తిగతంగా మంచి సంబంధాలను కలిగి ఉన్నారని బన్నీ వాసు స్పష్టం చేశారు.
ఫ్యాన్ వార్స్ వల్ల ఫోన్లు చేసి ఇద్దరితో మాట్లాడమని ప్రజలు కోరేవారని బన్నీ వాసు వెల్లడి.
ఇద్దరు హీరోలు ఫ్యాన్ వార్స్పై స్పందించరని, వారికి అవసరం లేదని బన్నీ వాసు పేర్కొన్నారు.
అల్లు అర్జున్ – పవన్ కళ్యాణ్ ఫ్యాన్ వార్స్: అసలు వివాదం
Bunny Vasu : గత ఎన్నికల సమయంలో అల్లు అర్జున్ వైసీపీ కంటెస్టెంట్ కి ప్రచారం చేయడం, గతంలో జరిగిన పలు సంఘటనలతో పవన్ ఫ్యాన్స్ అల్లు అర్జున్ పై విమర్శలు చేయడం మొదలు పెట్టారు. దీంతో బన్నీ ఫ్యాన్స్ కూడా పవన్ ఫ్యాన్స్ ని, పవన్ ని విమర్శించడం మొదలుపెట్టారు. వాళ్లిద్దరూ ఎలా ఉన్నా ఫ్యాన్స్ మాత్రం సోషల్ మీడియాలో ఒకర్నొకరు తిట్టుకోవడమే పనిగా పెట్టుకున్నారు. ఇదే మంచి టైం అని పవన్ రాజకీయ ప్రత్యర్థులు కూడా ఫ్యాన్స్ తో కలిసి పవన్ పై విమర్శలు చేసారు.(Bunny Vasu)
ఈ బన్నీ ఫ్యాన్స్ – పవన్ ఫ్యాన్స్ వివాదం సోషల్ మీడియాలో కొన్ని రోజులు బాగా నడిచింది. ఇటీవల అల్లు అర్జున్ నానమ్మ చనిపోయిన తర్వాత పవన్ కళ్యాణ్ వాళ్ళింటికి వెళ్లి అల్లు అర్జున్ ని పరామర్శించడం, పదకొండో రోజు కార్యక్రమాలకు కూడా వెళ్లి బన్నీని పలకరించడం, వాళ్ళ ఫొటోలు వైరల్ అవ్వడంతో కొంతమంది ఫ్యాన్స్ కూల్ అయ్యారు. ఇంకా కొంతమంది మాత్రం ఇప్పటికి ఒకరి హీరోపై ఒకరు విమర్శలు చేసుకుంటున్నారు సోషల్ మీడియాలో.
బన్నీ వాసు మధ్యవర్తిత్వం: ఆయన పాత్ర
ఈ ఇద్దరికీ మధ్యలో ఎక్కువగా ఉండేది నిర్మాత బన్నీ వాసు. అల్లు అర్జున్ కి బన్నీ వాసు క్లోజ్ అని తెలిసిందే. అటు జనసేనలో కూడా బన్నీ వాసు కీలకంగా ఉన్నారు. గతంలోనే పలు మార్లు ఈ వివాదంపై స్పందిస్తూ వాళ్ళ మధ్య ఏం లేదు, వాళ్ళు బానే ఉన్నారు అని చెప్పారు.
తాజాగా ఓ ఛానల్ కి ఇచ్చిన ఇంటర్వ్యూలో బన్నీ వాసు మాట్లాడుతూ.. సోషల్ మీడియాలో జరిగే ఫ్యాన్ వార్స్ పవన్ గారికి, బన్నీకి సంబంధం లేకుండా జరిగిపోతాయి. నాకు ఇద్దరి గురించి తెలుసు. వాళ్ళు వ్యక్తిగతంగా ఒకరి మీద ఒకరు అనుకునే మనస్తత్వాలు కావు. ఒకరి మీద ఒకరు కోపాలు పెట్టుకునే మనస్తత్వాలు కావు. మధ్యలో ఫ్యాన్ వార్స్, వాళ్ళు రాసే విధానం వాళ్ళు పెట్టే కామెంట్స్ చూసి చాలా బాధపడేవాడిని. నేను ఇద్దరితో ట్రావెల్ చేస్తున్నాను కాబట్టి నాకు కొంతమంది ఫోన్స్ చేసేవాళ్ళు. నాకు ఫోన్ చేసి ఫ్యాన్స్ ఇలా అంటున్నారు వాళ్ళతో మాట్లాడండి అని, వాళ్లకు చెప్పండి అని చెప్పేవాళ్ళు. పవన్ గారు, బన్నీ ఇద్దరూ దీనిపై స్పందించరు. ఎందుకంటే వాళ్ళ మధ్య ఏం లేదు, వాళ్లకు అవసరం లేదు అని అన్నారు.
సంచలన ఇంటర్వ్యూలో బన్నీ వాసు వ్యాఖ్యలు
దీంతో బన్నీ వాసు కామెంట్స్ వైరల్ గా మారాయి. మరి ఇప్పటికైనా అభిమానులు ఫ్యాన్ వార్స్ ఆపుతారేమో చూడాలి. ఈ ఫ్యాన్ వార్స్ వల్ల సినిమాలకు కూడా నష్టం జరుగుతుంది. ఇటీవలే OG సక్సెస్ మీట్ లో పవన్ కళ్యాణ్ కూడా ఈ ఫ్యాన్ వార్స్ వద్దని, మేము అంతా ఒక్కటే అని, ఒకర్నొకరు గౌరవించుకుంటాం అని చెప్పారు.
బన్నీ వాసు వ్యాఖ్యలు ఇద్దరు హీరోల అభిమానుల మధ్య వివాదాన్ని తగ్గించగలవని ఆశిద్దాం. వ్యక్తిగతంగా వారి మధ్య ఎలాంటి సమస్యలు లేవని స్పష్టం చేయడం ద్వారా అభిమానులకు సరైన సందేశం ఇచ్చినట్లయింది.
