టాలీవుడ్లోని హీరోలు, ఎగ్జిబిటర్స్, నిర్మాతల మధ్య నెలకొన్న వివాదంపై నిర్మాత బన్నీ వాసు సంచలన ట్వీట్ చేశారు. ‘హరిహర వీరమల్లు’ సినిమా విడుదల నేపథ్యంలో ఈ వివాదం తీవ్రమైంది.
Key Points
పెద్ద హీరోలు థియేటర్లను కాపాడటంలో పాత్ర పోషించాలి.
పర్సంటేజ్ సిస్టం కాదు, ప్రేక్షకులను థియేటర్లకు తీసుకురావడం ముఖ్యం.
సినిమాలు 28 రోజుల్లోనే OTT కి వెళ్లడం వల్ల సింగిల్ స్క్రీన్స్ మూతపడే ప్రమాదం.
నిర్మాతలకు థియేటర్ల ద్వారా వచ్చే ఆదాయం కేవలం 43% మాత్రమే.
బన్నీవాస్ సంచలన ట్వీట్
టాలీవుడ్ హీరోలు, ఎగ్జిబిటర్స్, ప్రొడ్యూసర్స్ మధ్య వివాదం చెలరేగిన విషయం తెలిసిందే. నటుడు పవన్ కల్యాణ్(Pawan Kalyan) నటించిన ‘హరిహర వీరమల్లు’ (Harihara Veeramallu)సినిమా రిలీజ్ నేపథ్యంలో నెలకొన్న వివాదంపై నిర్మాత బన్నీ వాసు(Producer Bunny Vasu) స్పందించారు. ఎక్స్ వేదికగా సంచలన ట్వీట్ చేశారు. ‘‘ఎగ్జిబిటర్స్, ప్రొడ్యూసర్స్ గ్రహించవలసింది, కరెక్ట్ చేసుకోవాల్సింది పర్సంటేజ్ సిస్టం కాదు.. ప్రేక్షకులను తిరిగి థియేటర్లకు రప్పించడం ఎలా అని..!. ఇప్పుడున్న అర్ధ రూపాయి వ్యాపారంలో నీది పావుల.. నాది పావలా అని కొట్టుకోవడం కాదు. మునపటిలా మన వ్యాపారాన్ని రూపాయికి ఎలా తీసుకెళ్లాలి అనేది ఆలోచించాలి తప్ప.. ఇలాగ సినిమా విడుదలైన 28 రోజుల్లోపే ఓటిటికి ఇవ్వాలి అనే ట్రెండ్ కొనసాగితే .. రాబోయే నాలుగైదు ఏళ్లలో 90 శాతం సింగిల్ స్క్రీన్స్ మూసుకుపోతాయి. ఈ విషయం పెద్ద హీరోలు కూడా ఆలోచించాలి. మీరు రెండు సంవత్సరాలకు ఒక సినిమా, మూడు సంవత్సరాలకు ఒక సినిమా చేస్తూ పోతే థియేటర్ల నుంచి ప్రేక్షకులు కూడా దూరమైపోతారు. ఈ రెండు మూడేళ్లలో చాలా మంది థియేటర్ ఓనర్స్ వాటిని మెయింటైన్ చేయలేక మూసేస్తారు. సింగిల్ స్క్రీన్స్ మూత పడినట్టైతే ఓన్లీ మల్టీప్లెక్స్ థియేటర్స్ అయితే పెద్ద హీరోలందరూ గుర్తుంచుకోవాల్సిన విషయం ఏమిటంటే మీ సినిమా థియేటర్స్ ద్వారా వచ్చే ఆదాయం కేవలం 43% మాత్రమే నిర్మాతలకు వెళుతుంది.’’ అని పేర్కొన్నారు.
ఎగ్జిబిటర్స్, ప్రొడ్యూసర్స్ గ్రహించవలసింది, కరెక్ట్ చేసుకోవాల్సింది పర్సంటేజ్ సిస్టం కాదు.. ప్రేక్షకులను తిరిగి థియేటర్లకు రప్పించడం ఎలా అని..! ఇప్పుడున్న అర్ధ రూపాయి వ్యాపారంలో నీది పావుల.. నాది పావలా అని కొట్టుకోవడం కాదు.. మునపటిలా మన వ్యాపారాన్ని రూపాయికి ఎలా తీసుకెళ్లాలి…
టాలీవుడ్ థియేటర్ సంక్షోభం
పెద్ద హీరోల బాధ్యత
బన్నీ వాసు ట్వీట్ టాలీవుడ్లో చర్చనీయాంశమైంది. థియేటర్లను కాపాడుకోవడానికి అందరూ కలిసి పనిచేయాల్సిన అవసరం ఎంతైనా ఉందని ఆయన అభిప్రాయపడ్డారు.
