📌 Key Points
- సముద్రఖని, గౌతమ్ మీనన్ లతో ‘కార్మేని సెల్వం’ చిత్రం ఏప్రిల్ 3న విడుదల!
- టీజర్ విడుదల: డబ్బు సంపాదన మార్గాలపై సముద్రఖని వాయిస్ ఓవర్ తో ఆసక్తి రేపుతున్న చిత్రం!
- లక్ష్మీ ప్రియా భార్యగా నటిస్తుండగా, గౌతమ్ మీనన్ పాత్ర గోప్యంగా ఉంచడం మరింత ఉత్కంఠ కలిగిస్తోంది.
- పీవీఆర్ ఐనాక్స్ పిక్చర్స్ ద్వారా గ్రాండ్ గా విడుదల కానున్న ‘కార్మేని సెల్వం’!
సముద్రఖని హీరోగా వస్తున్న ‘కార్మేని సెల్వం’ టీజర్ విడుదలై టాలీవుడ్ లో సెన్సేషన్ క్రియేట్ చేస్తోంది. ఈ సినిమాలో గౌతమ్ వాసుదేవ్ మీనన్ కీలక పాత్రలో నటిస్తున్నారు. సినిమా ఏప్రిల్ 3న విడుదల కానుంది.
సముద్రఖని మార్క్ డైలాగ్స్ తో టీజర్!
పాత్వే ప్రొడక్షన్స్ బ్యానర్పై అరుణ్ రంగరాజులు నిర్మాతగా రామ్ చక్రి దర్శకత్వంలో తెలుగు, తమిళ భాషల్లో రూపొందుతున్న ద్విభాషా చిత్రం ‘కార్మేని సెల్వం’. విలక్షణ నటులు సముద్రఖని ప్రధాన పాత్ర పోషిస్తున్న ఈ చిత్రంలో గౌతమ్ వాసుదేవ్ మీనన్ కీలక పాత్రలో కనిపించనున్నారు. లక్ష్మీ ప్రియా, అభినయ, కార్తిక్ కుమార్, బడవ గోపీ, కోతండం, కరణ్ చక్రవర్తి, శంకర నారాయణ్ వి, హరిత పరాకోడ్ ఇతర పాత్రలు పోషిస్తున్నారు.
ఈ చిత్రాన్ని ఏప్రిల్ 3న తెలుగు, తమిళ భాషల్లో గ్రాండ్ గా థియేట్రికల్ రిలీజ్ చేస్తున్నారు. ప్రముఖ డిస్ట్రిబ్యూషన్ సంస్థ పీవీఆర్ ఐనాక్స్ పిక్చర్స్ ద్వారా ఈ చిత్రం థియేటర్స్ లోకి రాబోతుంది. ఆధునిక కాలానికి అనుసంధానమైన ఈ కథ ఇప్పటికే విడుదలైన ఫస్ట్ లుక్ పోస్టర్తో మంచి ఆసక్తిని పెంచగా.. తాజాగా తెలుగు టీజర్ ను రిలీజ్ చేసింది చిత్ర యూనిట్.
“డబ్బు సంపాదించడానికి చాలా మార్గాలు ఉన్నాయి” అని సముద్రఖని వాయిస్ ఓవర్ తో ప్రారంభమైన టీజర్ సినిమాపై క్యూరియాసిటిని పెంచుతుంది.అధిక ఖర్చులు, భారీ లోన్లు, క్రిప్టో పెట్టుబడులు, త్వరగా ధనవంతులు కావాలనే ఆశతో చేసే ప్రయత్నాలు వంటి విషయాలను వివిధ కోణాల్లో చూపిస్తూ నేటి సమాజంలో డబ్బు పట్ల ఉన్న ఆలోచనలను చూపించిన విధానం ఆకట్టుకుంటోంది .
గౌతమ్ మీనన్ పాత్రపై భారీ ఉత్కంఠ!
ముఖ్యంగా ఈఎంఐలు, క్రెడిట్ కార్డ్ ఆధారిత జీవనశైలి, డబ్బు కోసం మనుషులు తీసుకునే నిర్ణయాలు కథలో కీలక పాత్ర పోషించబోతున్నాయని అర్థమవుతుంది. సముద్రఖని కుటుంబంతో కనిపించే సన్నివేశాలు హృదయానికి హత్తుకునేలా ఉంటాయి. లక్ష్మీ ప్రియా ఆయన భార్యగా కుటుంబ జీవితం చూపిస్తుండగా, మరోవైపు విదేశాల్లో ఒంటరిగా కనిపించే కొన్ని షాట్లు కథపై మరింత ఆసక్తిని పెంచుతున్నాయి. గౌతమ్ వాసుదేవ్ మీనన్ పాత్రను గోప్యంగా ఉంచడం కూడా ప్రేక్షకుల్లో ఉత్కంఠను పెంచుతోంది.
టీజర్ చివర్లో..“రిచ్ కావాలంటే రిచ్ మనిషిలా ఖర్చు చేయడం నేర్చుకోవాలి… డబ్బు లేకపోతే అప్పు తీసుకుని ఖర్చు చేయాలి” అని సముద్రఖని చెప్పే డైలాగ్ ప్రేక్షకులలో ఆసక్తిని పెంచుతోంది.
ఏప్రిల్ 3న థియేటర్లలో విడుదల!
విడుదల తేది: ఏప్రిల్ 3, 2026
సముద్రఖని, గౌతమ్ వాసుదేవ్ మీనన్, లక్ష్మీ ప్రియా, అభినయ, కార్తిక్ కుమార్, బడవ గోపీ, కోతండం, కరణ్ చక్రవర్తి, శంకర నారాయణ్ వి, హరిత పరాకోడ్
సముద్రఖని ‘కార్మేని సెల్వం’ టీజర్ సినిమాపై అంచనాలు పెంచేసింది. ఏప్రిల్ 3న సినిమా విడుదల కోసం ఎదురుచూద్దాం. మరిన్ని అప్డేట్స్ కోసం చూస్తూ ఉండండి.
