మెగాస్టార్ చిరంజీవి ఇచ్చిన అవకాశం వల్ల ప్రభుదేవా ఇండియన్ సినిమాలో నృత్య దర్శకుడిగా ఎదిగాడు. చిరు, ప్రభుదేవా మధ్య ఉన్న సంబంధం గురించి తెలుసుకుందాం. చిన్న వయసులోనే ప్రభుదేవా ప్రతిభను గుర్తించి అవకాశం ఇచ్చిన చిరంజీవి గురించి…
Key Points
చిరంజీవి ప్రభుదేవాకు లంకేశ్వరుడు సినిమాలో అవకాశం ఇచ్చారు.
ప్రభుదేవా వయసు చిన్నదైనా, చిరంజీవి అతని ప్రతిభను గుర్తించారు.
ప్రభుదేవా తండ్రి అతనికి అవకాశం ఇవ్వకూడదని చెప్పినా, చిరంజీవి పట్టుబట్టారు.
ప్రభుదేవా ఇప్పుడు ఇండియన్ సినిమాలో ప్రముఖ నృత్య దర్శకుడు.
ప్రభుదేవాను గుర్తించిన చిరంజీవి
మెగాస్టార్ చిరంజీవి కెరీర్ లో ఎప్పటికీ మరచిపోలేని దృశ్య కావ్యం లాంటి చిత్రం జగదేకవీరుడు అతిలోకసుందరి. రాఘవేంద్రరావు దర్శకత్వంలో అశ్విని దత్ నిర్మాతగా రూపొందిన ఈ చిత్రం తెలుగు సినిమా చరిత్రలో గొప్ప చిత్రాలలో ఒకటిగా నిలిచింది. ఈ మూవీలో చిరంజీవి, శ్రీదేవి జంటగా నటించారు.
ఈ చిత్రం గురించి చిరు ఓ ఇంటర్వ్యూలో మాట్లాడుతూ ప్రముఖ డ్యాన్స్ కొరియోగ్రాఫర్, డైరెక్టర్, నటుడు అయిన ప్రభుదేవా గురించి ఆసక్తికర వ్యాఖ్యలు చేశారు. ప్రభుదేవాని ఫాన్స్ ముద్దుగా ఇండియన్ మైఖేల్ జాక్సన్ అని పిలుచుకుంటారు. డ్యాన్స్ లో ప్రభుదేవా ఆ స్థాయిలో ప్రతిభ చూపించారు. తాను తొలిసారి ప్రభుదేవా కి లంకేశ్వరుడు చిత్రంలో అవకాశం ఇచ్చినట్లు తెలిపారు. అప్పటికి ప్రభుదేవా వయసు పదహారేళ్లు కూడా నిండలేదు. చిన్నపిల్లాడు అయినప్పటికీ అతని టాలెంట్ నేను గమనించాను.
చిన్న వయసులోనే అవకాశం
తన చిత్రంలో సాంగ్స్ కి డాన్స్ కొరియోగ్రఫీ చేయమని అడిగాను. అక్కడే ఉన్న అతడి తండ్రి సుందరం మాస్టర్.. వాడికి ఏం తెలుసు సార్ చిన్న పిల్లాడు అని అన్నారు. కానీ నేను బలవంతంగా ప్రభుదేవా అని కొరియోగ్రఫీ చేయమని చెప్పాను. ఆ తర్వాత స్టువర్టుపురం పోలీస్ స్టేషన్ చిత్రం కోసం మలేషియా తీసుకెళ్లాను. ఆ టైంలో కనీసం వీసా అని పలకడం చేతకాని చిన్న పిల్లాడు ప్రభుదేవా.
జగదేకవీరుడు అతిలోకసుందరి చిత్రంలో అబ్బనీ తీయని దెబ్బ సాంగ్ కి కొరియోగ్రఫీ చేసింది కూడా అతడే. ఆ తర్వాత ఘరానా మొగుడు చిత్రంలో బంగారు కోడిపెట్ట సాంగ్ కి డ్యాన్స్ కొరియోగ్రఫీ అదరగొట్టేశాడు. ఇప్పుడు ప్రభుదేవా స్థానం ఏంటో ప్రత్యేకంగా చెప్పనవసరం లేదు. అందనంత ఎత్తులో ఉన్నాడు.
ఇండియన్ సినిమాపై ప్రభావం
ఆరోజు అందరూ చిన్నపిల్లాడు వద్దని చెబుతున్నా ఎంకరేజ్ చేశాను. ఇప్పుడు ఇండియన్ సినిమాలో డ్యాన్స్ అంటే ప్రభుదేవా.. ప్రభుదేవా అంటే డ్యాన్స్ అనేంతలా ఎదిగినట్లు చిరంజీవి ప్రశంసించారు.
చిరంజీవి నిర్ణయం వల్ల ప్రభుదేవా ఇండియన్ సినిమాలో ఒక స్టార్ డ్యాన్స్ డైరెక్టర్ గా ఎదిగాడు. చిరు ఆ పట్టుదలకు ప్రభుదేవా తన విజయానికి కృతజ్ఞతలు చెప్పుకోవాలి.
