📌 Key Points
- సీఎం రేవంత్ రెడ్డి: సినీ పరిశ్రమకు ప్రభుత్వం నుండి పూర్తి సహకారం!
- సింగిల్ విండో విధానం ద్వారా ఆన్లైన్లోనే అనుమతులు
- హైదరాబాద్లో నెట్ఫ్లిక్స్, డాల్బీ అట్మాస్ రాకతో హాలీవుడ్ దృష్టి
- భట్టి విక్రమార్కకు సీఎం సూచన: ఆన్లైన్ ప్లాట్ఫామ్ ఏర్పాటు చేయండి!
తాజా సంచలనం! సీఎం రేవంత్ రెడ్డి టాలీవుడ్ అభివృద్ధికి సంబంధించి ఒక భారీ ప్రకటన చేశారు. సినీ పరిశ్రమకు ఇకపై తిరుగుండదని ఆయన అన్నారు. దీనికి సంబంధించిన పూర్తి వివరాలు ఇప్పుడు చూద్దాం.
సినీ పరిశ్రమకు సీఎం రేవంత్ భరోసా!
CM Revanth Reddy : మార్చ్ 19న ఉగాది సందర్భంగా తెలంగాణ గద్దర్ ఫిలిం అవార్డ్స్ ఉత్సవం హైదరాబాద్ హైటెక్స్ లో ఘనంగా నిర్వహించారు. 2025 సంవత్సరానికి గాను ఇటీవల ఈ గద్దర్ అవార్డులను ప్రకటించారు. ఈ ఈవెంట్ కి సీఎం రేవంత్ రెడ్డి, డిప్యూటీ సీఎం భట్టి విక్రమార్క, చిరంజీవి, కమల్ హాసన్, నాగార్జున, రష్మిక.. లతో పాటు భారీగా సెలబ్రిటీలు, సినీ, రాజకీయ ప్రముఖులు హాజరయ్యారు.
ఈ ఈవెంట్లో సీఎం రేవంత్ సినీ పరిశ్రమ గురించి, గద్దర్ అవార్డుల గురించి మాట్లాడారు. అవార్డులు గెలుచుకున్న వారికి అభినందనలు తెలిపారు.
ఆన్లైన్ ప్లాట్ఫామ్ ఏర్పాటుకు ఆదేశాలు!
ఈ క్రమంలో సీఎం రేవంత్ మాట్లాడుతూ.. ఐటీ, ఫార్మా పరిశ్రమలను గుర్తించినట్టే సినీ పరిశ్రమని కూడా గుర్తిస్తున్నాం. అందుకే 10 ఏళ్లుగా ఆగిపోయిన అవార్డులను మొదలుపెట్టి ప్రోత్సాహం ఇస్తున్నాం. వేరే దేశాల్లో అక్కడి ప్రభుత్వాలు తీసుకున్న పాలసీలతో సినిమా పరిశ్రమలు బాగా ఎదిగాయి. అందుకే మా ప్రభుత్వం కూడా సినీ పరిశ్రమను ప్రోత్సహిస్తుంది. ఇటీవల హైదరాబాద్ కి నెట్ ఫ్లిక్స్ వచ్చింది, డాల్బీ అట్మాస్ వచ్చింది, హాలీవుడ్ ఇక్కడికి వస్తుంది. ప్రపంచ సినీ పరిశ్రమకు ఒకే ఒక నగరం హైదరాబాద్.
హైదరాబాద్లో హాలీవుడ్ హవా!
తెలంగాణ ప్రభుత్వం సినిమాలను ప్రోత్సహించడానికి, ఇక్కడ షూటింగ్స్ చేసుకోడానికి సింగిల్ విండో అనుమతులను ప్రభుత్వం అందిస్తుంది. రాష్ట్ర ప్రభుత్వం నుంచి కావాల్సిన పర్మిషన్లు అన్ని సింగిల్ విండోలో ఇవ్వడానికి ఈ రోజు మా ఉప ముఖ్యమంత్రి భట్టి విక్రమార్క గారికి సూచన చేస్తున్నా మనం పర్మిషన్లు అన్ని ఆన్లైన్ లోనే ఇచ్చేలా ఒక ప్లాట్ ఫామ్ క్రియేట్ చేయాలి. వాళ్ళు ఆఫీసుల చుట్టూ తిరగకూడదు. సినిమా వాళ్ళు పర్మషన్స్ కోసం వర్రీ అవ్వకూడదు. సినీ పరిశ్రమను ఎంకరేజ్ చేయడానికి అన్ని పర్మిషన్లు ఇచ్చేలా ఆన్లైన్ ప్లాట్ ఫామ్ తయారు చేయాలి అని అన్నారు.
సీఎం రేవంత్ రెడ్డి తీసుకున్న ఈ నిర్ణయం టాలీవుడ్కు కొత్త ఊపిరి పోస్తుందని చెప్పవచ్చు. మరిన్ని అప్డేట్స్ కోసం చూస్తూ ఉండండి.
