హైదరాబాద్లో జరిగిన సినీ కార్మికుల అభినందన సభలో ముఖ్యమంత్రి రేవంత్ రెడ్డి పాల్గొన్నారు. సినీ కార్మికుల సమస్యలను పరిష్కరించి, చిత్ర పరిశ్రమ అభివృద్ధికి కృషి చేస్తానని హామీ ఇచ్చారు. డిసెంబర్ 9న సినీ కార్మికుల కోసం ఏం చేయబోతున్నామో ప్రకటిస్తానని తెలిపారు.
Key Points
CM రేవంత్ సినీ కార్మికుల సమస్యలు పరిష్కరిస్తానని హామీ ఇచ్చారు.
గద్దర్ ఫిల్మ్ అవార్డును ప్రకటించి పరిశ్రమను ప్రోత్సహిస్తామని తెలిపారు.
ఫ్యూచర్ సిటీలో సినీ ఫైటర్స్కు ట్రైనింగ్ స్థలం కేటాయిస్తామని కీలక ప్రకటన చేశారు.
డిసెంబర్ 9న సినీ కార్మికుల కోసం చేయబోయే పనులు ప్రకటిస్తానని వెల్లడి.
సినీ కార్మికుల సభలో సీఎం రేవంత్ ప్రసంగం
హైదరాబాద్లోని యూసుఫ్గూడలో సినీ కార్మికులు(Film Workers) అభినందన సభ నిర్వహించారు. ఈ సభకు ముఖ్యమంత్రి రేవంత్ రెడ్డి(CM Revanth Reddy) హాజరయ్యారు. ఈ సందర్భంగా ఆయన మాట్లాడారు. సినీ కార్మికుల ఆత్మబంధువు డా.ప్రభాకర్ రెడ్డి అని గుర్తుచేశారు. డా.ప్రభాకర్రెడ్డి చిత్రపురిలో తన సొంత భూమిని సినీ కార్మికుల కోసం ఇచ్చారని తెలిపారు. మర్రి చెన్నారెడ్డి లాంటి ఎంతోమంది నాయకులు చిత్రపరిశ్రమను చెన్నై నుంచి హైదరాబాద్కు తీసుకొచ్చేందుకు కృషి చేశారని కొనియాడారు.
‘హాలీవుడ్ను ఇక్కడికి తీసుకువచ్చే బాధ్యత నాది. చిన్న సినిమాలను తక్కువచేసి చూసే ప్రసక్తే లేదు. ప్రజాయుద్ధ నౌక గద్దర్ పేరుమీద.. గద్దర్ ఫిల్మ్ అవార్డ్ను ప్రకటించి చిత్ర పరిశ్రమను ప్రోత్సహిస్తున్నాం. సినీ కార్మికుల శ్రమ నాకు తెలుసు. అధికారంతో నాకళ్లు మూసుకుపోలేదు.. కార్మికుల కష్టాలు నాకు తెలుసు. ఆస్కార్ స్థాయికి తెలుగు పరిశ్రమ వెళ్లింది అంటే కారణం కార్మికులే’ అని సీఎం రేవంత్ రెడ్డి అన్నారు.
డిసెంబర్ 9న కీలక ప్రకటన
సినీ కార్మికుల సమస్యలు పరిష్కరించే బాధ్యత తనదని హామీ ఇచ్చారు. కార్మిక సంఘాల అసోసియేషన్ కోసం భవన్ నిర్మాణానికి ఆర్థిక సాయం చేస్తామని భరోసా ఇచ్చారు. ఫ్యూచర్ సిటీలో సినీ ఫైటర్స్కు ట్రైనింగ్ స్థలం కేటాయిస్తామని కీలక ప్రకటన చేశారు. నవంబర్ చివరి వారంలో సినీ కార్మికులతో మాట్లాడుతాం.. సినీ కార్మికుల కోసం ఏం చేస్తామో డిసెంబర్ 9వ తేదీన ప్రకటిస్తామని అన్నారు. తెలుగు ఫిల్మ్ ఇండస్ట్రీ నుంచి ఇతర ఇండస్ట్రీలు నేర్చుకునేలా తయారు చేస్తా అని తెలిపారు.
చిత్ర పరిశ్రమ అభివృద్ధికి హామీలు
నగరంలో పలు చోట్ల ట్రాఫిక్ జామ్.. తెలుగు ఫిల్మ్ ఇండస్ట్రీ యూనియన్ ర్యాలీ.. మరోవైపు వర్షం
మొత్తంగా, సీఎం రేవంత్ రెడ్డి సినీ కార్మికులకు పూర్తి మద్దతు ప్రకటించారు. వారి సమస్యల పరిష్కారానికి, తెలుగు చిత్ర పరిశ్రమ పురోగతికి కట్టుబడి ఉన్నానని డిసెంబర్ 9న చేసే ప్రకటనతో రుజువు చేస్తానని ఆశాభావం వ్యక్తం చేశారు.
