ఈ రోజు నుండి దక్షిణాయనం ప్రారంభమవుతోంది. ఈ కాలంలో పితృదేవతలను పూజించడం, విష్ణువును ఆరాధించడం, దానధర్మాలు చేయడం వల్ల అనేక శుభ ఫలితాలు కలుగుతాయని నమ్ముతారు.
Key Points
దక్షిణాయనంలో పితృదేవతలను ఆరాధించడం శుభప్రదం.
విష్ణు సహస్రనామం, గాయత్రీ మంత్రం జపించడం మంచిది.
దానధర్మాలు, అన్నదానం చేయడం వల్ల ఐశ్వర్యం, ఆరోగ్యం లభిస్తాయి.
చాతుర్మాస దీక్ష చేయడం ద్వారా ఆధ్యాత్మిక ప్రగతి సాధ్యం.
దక్షిణాయనం: ప్రాముఖ్యత మరియు ఆచరణలు
గ్రహాలు ఎప్పటికప్పుడు వాటి రాశిని మారుస్తూ ఉంటాయి. సూర్యుడు కూడా ప్రతి నెల ఒక రాశి నుంచి మరో రాశిలోకి ప్రవేశిస్తాడు. సూర్యుడి గమనాన్ని ఆధారంగా తీసుకుని కాలాన్ని రెండు భాగాలుగా విభజించడం జరిగింది. భూమధ్యరేఖకు ఉత్తరం వైపు సూర్యుడు కనబడితే అది ఉత్తరాయణం, అదే భూమధ్యరేఖకు దక్షిణంగా సంచరిస్తే అది దక్షిణాయనం. అంటే సంవత్సరంలో ఆరు నెలలు ఉత్తరాయణం, మరో ఆరు నెలలు దక్షిణాయనం.
కర్కాటక సంక్రాంతి నుంచి దక్షిణాయనం
దేవతలకు ఉత్తరాయణం, దక్షిణాయనం:
పితృదేవతలను పూజించే విధానం
దేవతలకు ఉత్తరాయణం అంతా పగలు, దక్షిణాయనం అంతా రాత్రి. దక్షిణాయనంలో మహావిష్ణువు యోగనిద్రలో ఉంటాడు. ఈ సమయంలో ఉపవాసాలు చేయడం, పూజలు చేయడం వలన శుభ ఫలితాలను పొందవచ్చు. మఠాధిపతులు, పీఠాధిపతులు, యోగులు చాతుర్మాసంలో దీక్ష చేస్తారు. చాతుర్మాసం ఆషాఢ మాసంలో వచ్చే ఏకాదశి నుంచి కార్తీక పూర్ణిమ ముందు వచ్చే ఏకాదశి వరకు ఉంటుంది.
దక్షిణాయనం సమయంలో పితృదేవతలను ఆరాధిస్తే మంచి జరుగుతుంది. సంతానం అందించే తర్పణాలు స్వీకరించడానికి భూమిపైకి పితృదేవతలు వస్తారని అంటారు. మహాలయ పక్షాలను పాటించే వారికి సంతానం వృద్ధి జరుగుతుంది. సుఖ సంతోషాలు కలుగుతాయి. పెద్దల రుణం తీర్చుకోవడానికి ఇది చాలా ఉత్తమ మార్గం.
కర్కాటక సంక్రాంతి నాడు ఏం చేస్తే మంచిది?
దక్షిణాయనంలో చేయాల్సిన మంచి పనులు
మనం మకర సంక్రాంతి నాడు సూర్యుడికి అర్ఘ్యం సమర్పించి దానధర్మాలు చేస్తాము. కర్కాటక సంక్రాంతి నాడు కూడా దానధర్మాలు చేస్తే మంచిది. ఈ రోజు మహావిష్ణువు కవచం, విష్ణు సహస్రనామం పఠిస్తే శుభ ఫలితాలను పొందవచ్చు. గాయత్రి మంత్రం జపిస్తే కూడా మంచి జరుగుతుంది. ఆరోగ్యం బాగుంటుంది. పేదలకు అన్నదానం, పక్షులకు ఆహారం అందిస్తే మంచి జరిగి సంతోషంగా ఉండొచ్చు.
గమనిక : ఈ కథనంలో మీకు అందించిన సమాచారం, సూచనలు పూర్తిగా నిజమైనది, ఖచ్చితమైనది అని మేము చెప్పలేము. నిపుణుల సూచనల ప్రకారమే మేము ఈ సమాచారాన్ని అందిస్తున్నాం. వీటిని పాటించే ముందు ఖచ్చితంగా సంబంధిత రంగంలోని నిపుణుల సలహా తీసుకోవడం మంచిది.
దక్షిణాయన కాలంలో పితృకార్యాలు, దానధర్మాలు, భగవంతుని ఆరాధన చేయడం ద్వారా మనం ఐశ్వర్యం, ఆరోగ్యాన్ని పొందవచ్చు. ఈ సమయాన్ని సద్వినియోగం చేసుకుందాం.
