📌 Key Points
- ప్రేయసి రావే క్లైమాక్స్తో దర్శకుడు చంద్ర మహేష్ సవాళ్లు!
- నిర్మాత రామానాయుడు క్లైమాక్స్ మార్చమని దర్శకుడికి సూచన!
- శ్రీకాంత్ చనిపోతే ప్రేక్షకులు పట్టించుకోరని ఆర్.బి. చౌదరి సలహా!
- క్లైమాక్స్ మార్పుకు దర్శకుడు నిరాకరణ, రామానాయుడు కాళ్లపై పడి వేడుకోలు!
టాలీవుడ్ చరిత్రలో సంచలనం! ఒక సినిమా బ్లాక్బస్టర్ హిట్ అయింది, కానీ దాని క్లైమాక్స్ను మొదట విన్న వాళ్లంతా నవ్వుకున్నారు! అసలు ఏం జరిగిందో తెలుసా?
క్లైమాక్స్పై డాక్టర్ రాజు అభ్యంతరం!
ప్రేయసి రావే సినిమా క్లైమాక్స్ షూటింగ్ సమయంలో దర్శకుడు చంద్ర మహేష్ తీవ్ర ఒత్తిడిని, సవాళ్లను ఎదుర్కొన్నారు. ఈ విషయాన్ని స్వయంగా ఆయనే ఓ ఇంటర్వ్యూలో చెప్పుకొచ్చారు. సినిమా జర్నీలో ఎన్నో అవాంతరాలు ఎదురైనా, క్లైమాక్స్ చిత్రీకరణనే అతిపెద్ద సవాలుగా నిలిచిందని వివరించారు.
నిర్మాత రామానాయుడికి మొదట కథ చెప్పినప్పుడు.. ఆయనకు తెగ నచ్చేసిందని.. వచ్చిన ప్రతీ ఒక్కరికి ముఖ్యంగా క్లైమాక్స్ గురించి వివరించేవారని మహేష్ తెలిపారు. ఈ క్రమంలో ఒకసారి కేర్ హాస్పిటల్ ప్రముఖ డాక్టర్ రాజు కథ విని క్లైమాక్స్ విషయంలో అభ్యంతరం వ్యక్తం చేశారు. “ఎవడో ట్రైన్ కింద చచ్చిపోతే, వాడి హార్ట్ ఆపరేషన్ ఎలా చేస్తారయ్యా? హార్ట్ ఆపరేషన్కు కొన్ని ఫండమెంటల్స్ ఉంటాయి, బ్లడ్ గ్రూప్ ఉండాలి” అంటూ వైద్యపరమైన డౌట్స్ ఎత్తిచూపారు.
దర్శకుడిని క్లైమాక్స్ మార్చమని కోరిన రామానాయుడు!
ఆ తర్వాత రెండు రోజులకు ఆర్.బి. చౌదరి.. రామానాయుడిని కలవడానికి వచ్చారు. ఆయనకు కూడా కథ చెప్పగా, “కథ బాగుంది రామానాయుడు, క్లైమాక్స్ మార్చండి” అని సూచించారు. శ్రీకాంత్ వరుస ఫ్లాపుల్లో ఉన్నారని, అతడు చనిపోతే ప్రేక్షకులు పట్టించుకోరని, వెంకటేష్ లాంటి హీరో నాలుక కోసుకుంటేనే జనం పట్టించుకోలేదని, శ్రీకాంత్ గుండె ఆపరేషన్ గురించి ఆలోచించరని ఆయన అన్నారు.
ఆర్.బి. చౌదరి మాటలకు రామానాయుడు మరింతగా ఆలోచన చేశారు. “మహేష్ మనం అనుకున్న క్లైమాక్స్ కరెక్ట్ కాదు, అందరూ నెగెటివ్గా చెబుతున్నారు, క్లైమాక్స్ మార్చండి” అని డైరెక్టర్ను కోరారట. అయితే, చంద్ర మహేష్ తాను ముందుగా అనుకున్న మొదటి క్లైమాక్స్ ఆలోచనను వదులుకోవడానికి ఇష్టపడలేదు. అప్పుడే “సార్, క్లైమాక్స్ లాస్ట్లో పెడదాం. ఇప్పుడే క్లైమాక్స్ గురించి ఆలోచిస్తే షూటింగ్ డేట్స్ అన్నీ పోతాయి. కథ అదే ఉంటుంది, క్లైమాక్స్ ఒక్కటే కదా మార్చాలి. శ్రీకాంత్ చనిపోకూడదు, బతకాలి. నేను దీనిపై కొత్తగా ఆలోచిస్తాను” అని చెప్పి, చివరి రెండు రోజుల పనిని పెండింగ్ పెట్టారు.
మొదటి క్లైమాక్స్కే కట్టుబడిన డైరెక్టర్!
ఎంత తట్టినా.. రెండో క్లైమాక్స్ కోసం ఎలాంటి ఆలోచన రాలేదు. వెంటనే రామానాయుడు దగ్గరకు వెళ్లి ఆయన కాళ్లపై పడిపోయాను. “సార్, నేను ఎవరో మీకు తెలియదు. మీ సంస్థలో అసిస్టెంట్గా పెట్టుకున్నారు, ప్రోత్సాహం ఇచ్చారు, డైరెక్టర్గా అనౌన్స్ చేశారు. మొదట చెప్పిన కథకు మీరు ఎంతో ఫీల్ అయ్యారు. మధ్యలో ఎవరెవరో ఏదేదో అన్నారు అని చెప్పి మీరు అది మార్చమన్నారు. దాన్ని మించి క్లైమాక్స్ నాకు రావట్లేదు. పాసాని మురళి ఎన్ని చెప్పినా నాకు ఎక్కట్లేదు. ఈ ఒక్క అవకాశం ఇవ్వండి సార్. నేను మీరు అనుకున్న దానికన్నా నాలుగైదు రోజులు ముందే సినిమా తీశాను. ఒక్క రోజు నాకు కేటాయించండి, రెండు రోజులు కూడా వద్దు, ఒకే ఒక్క రోజు ఇవ్వండి సార్. నేను తీసి పెడతాను ఈ క్లైమాక్స్. ఈ క్లైమాక్స్ నచ్చలేదు అనుకోండి సార్, మీరు చెప్పింది వేరే క్లైమాక్స్ చేద్దాం సార్. ఒక్క అవకాశం సార్ ఇది” అని కన్నీళ్లతో అడిగా.. ఆయన ఒప్పుకున్నారు. ఆ తర్వాత సినిమా ఎంత పెద్ద హిట్ అయిందో ప్రత్యేకంగా చెప్పనక్కర్లేదు.
ఇలాంటి ఆసక్తికర విషయాలతో టాలీవుడ్ ఎప్పుడూ మనల్ని అలరిస్తూనే ఉంటుంది. మరిన్ని సినిమా అప్డేట్స్ కోసం చూస్తూ ఉండండి.
