సూపర్ స్టార్ రజనీకాంత్, కమల్ హాసన్ కాంబో మల్టీస్టారర్పై భారీ అంచనాలు నెలకొన్నాయి. ప్రదీప్ రంగనాథన్ ఈ ప్రాజెక్ట్కు దర్శకత్వం వహిస్తారని వార్తలు రాగా, తాజాగా ఆయన సంచలన వ్యాఖ్యలు చేశారు. తాను ఈ మల్టీస్టారర్లో భాగం కాదని, నటనపై దృష్టి పెట్టాలని అనుకుంటున్నానని ప్రదీప్ స్పష్టం చేశారు.
Key Points
రజనీకాంత్, కమల్ హాసన్ కాంబో మల్టీస్టారర్ వార్తలు కోలీవుడ్లో హాట్ టాపిక్గా మారాయి.
దర్శకుడు ప్రదీప్ రంగనాథన్ ఈ ప్రాజెక్ట్లో తాను భాగం కాదని స్పష్టం చేశారు.
ప్రదీప్ ప్రస్తుతం దర్శకత్వం కంటే నటనపై ఎక్కువ ఫోకస్ పెడుతున్నట్లు వెల్లడించారు.
ప్రదీప్ నటించిన 'డ్యూడ్' చిత్రం అక్టోబర్ 17న దీపావళి కానుకగా విడుదల కానుంది.
రజనీకాంత్-కమల్ మల్టీస్టారర్పై అంచనాలు
సూపర్ స్టార్ రజనీకాంత్(Rajinikanth), కమల్ హాసన్(Kamal Haasan) కాంబోలో మల్టీస్టారర్ రాబోతున్న విషయం తెలిసిందే. వీరిద్దరు 46 ఏళ్ల తర్వాత కలిసి స్క్రీన్ పంచుకోబోతున్నారు. ఈ ప్రాజెక్ట్ను కోలీవుడ్ దర్శకుడు ప్రదీప్ రంగానాథన్ తెరకెక్కించనున్నట్లు పలు వార్తలు వైరల్ అవుతున్నాయి. ఈ సినిమాకు సంబంధించిన పలు విషయాలు సోషల్ మీడియాలో హాట్ టాపిక్గా మారాయి. ఈ మల్టీస్టారర్ వ్యవహారం కోలీవుడ్లో సెన్సేషనల్ క్రియేట్ చేస్తోంది.ఈ ఇద్దరి కాంబోలో భారీ యాక్షన్ సినిమా రాబోతున్నట్లు ఇటీవల కమల్ హాసన్ ఈ విషయంపై క్లారిటీ ఇచ్చారు.
దర్శకుడు ప్రదీప్ రంగనాథన్ షాకింగ్ కామెంట్స్
దీంతో ప్రేక్షకుల్లో భారీ అంచనాలు నెలకొన్నాయి. ఈ క్రమంలో.. తాజాగా, ఓ ఇంటర్వ్యూలో పాల్గొన్న ప్రదీప్ రంగనాథన్ ఈ మల్టీస్టారర్పై షాకింగ్ కామెంట్స్ చేశాడు. ‘‘నాకు ఈ సినిమాకు దర్శకత్వం వహించడానికి అవకాశం వచ్చిందా? లేదా అనేది నేను చెప్పాలనుకోవడం లేదు. కానీ గత కొద్ది కాలంగా వస్తున్న తప్పుడు వార్తలకు మాత్రం క్లారిటీ ఇవ్వాలనుకుంటున్నాను. నేను రజనీకాంత్-కమల్ హాసన్ కాంబోలో రాబోతున్న మల్టీస్టారర్లో భాగం కాదు. ఎందుకంటే ఇప్పుడు నేను దర్శకత్వం మీద కంటే.. యాక్టింగ్ మీదే ఎక్కువ ఫోకస్ పెట్టాలనుకుంటున్నాను. ఈ సినిమా గురించి ఇంతకంటే ఏం చెప్పలేను.
నటనపై దృష్టి.. ‘డ్యూడ్’ మూవీ రిలీజ్
నేను సూపర్ స్టార్కు వీరాభిమానిని. ఇప్పటివరకూ విడుదలైన ఆయన మూవీస్ను మొదటి షో చూశాను. నేను నటించిన ‘డ్రాగన్’ రిలీజ్ సమయంలో.. ఆయన ప్రశంసించారు. రజనీకాంత్ సార్ మాటలు నేను ఎప్పటికీ మర్చిపోలేను’’ అని చెప్పుకొచ్చారు. ప్రస్తుతం ఇందుకు సంబంధించిన వీడియోలు నెట్టింట చక్కర్లు కొడుతున్నాయి. కాగా.. ప్రస్తుతం ప్రదీప్ రంగనాథన్ ‘డ్యూడ్’ మూవీతో ప్రేక్షకుల ముందుకు రాబోతున్నాడు. షూటింగ్ పూర్తి చేసుకున్న ఈ చిత్రం దీపావళి కానుకగా అక్టోబర్ 17న థియేటర్స్లో విడుదల కాబోతుంది.
మొత్తంగా, రజనీకాంత్-కమల్ హాసన్ మల్టీస్టారర్పై వస్తున్న వార్తలకు ప్రదీప్ రంగనాథన్ క్లారిటీ ఇచ్చారు. ఆయన దర్శకత్వం కంటే నటనపై దృష్టి పెడుతున్నట్లు వెల్లడించారు. ప్రదీప్ ‘డ్యూడ్’ చిత్రం దీపావళికి రానుంది.
