మలయాళ సూపర్ హీరో సినిమా ‘లోకా ఛాప్టర్ 1 – చంద్ర’ బాక్సాఫీస్ వద్ద సంచలన విజయం సాధించింది. ఈ సినిమా విజయం గురించి దుల్కర్ సల్మాన్ మరియు కల్యాణి ప్రియదర్శన్ ఆసక్తికర విషయాలను వెల్లడించారు.
Key Points
దుల్కర్ సల్మాన్ మరియు కల్యాణి ప్రియదర్శన్ తండ్రులు 'లోకా' సినిమాపై మొదట్లో సందేహాలు వ్యక్తం చేశారు.
'లోకా ఛాప్టర్ 1 – చంద్ర' సినిమా రూ.200 కోట్లు వసూలు చేసి సంచలనం సృష్టించింది.
కల్యాణి తండ్రి ప్రియదర్శన్ సినిమా విజయంపై ఆమెకు ప్రోత్సాహక సందేశం పంపారు.
దుల్కర్ సల్మాన్ ఈ సినిమాను వేఫేరర్ ఫిల్మ్స్ పతాకంపై నిర్మించారు.
‘లోకా’ సినిమా విజయం
మలయాళం సూపర్ హీరో సినిమా ‘లోకా ఛాప్టర్ 1 – చంద్ర’ బాక్సాఫీస్ దగ్గర సంచలనం సృష్టించింది. ఈ సినిమాతో కల్యాణి ప్రియదర్శన్ రూ.200 కోట్లు వసూలు చేసిన మొదటి మలయాళీ నటిగా రికార్డు సృష్టించింది. ‘ది హాలీవుడ్ రిపోర్టర్ ఇండియాకు’ ఇటీవల ఇచ్చిన ఒక ఇంటర్వ్యూలో.. ఈ సినిమా ప్రొడ్యూసర్ దుల్కర్ సల్మాన్ తమ ఇద్దరి తండ్రులు (దుల్కర్ తండ్రి మమ్ముట్టి ఇంకా కల్యాణి తండ్రి ప్రియదర్శన్) సినిమా గురించి మొదట్లో కంగారు పడ్డారని, కానీ ఇప్పుడు గర్వపడుతున్నారని చెప్పాడు. కల్యాణి కూడా సినిమా సక్సెస్ గురించి తన తండ్రి ప్రియదర్శన్ ఎలా రియాక్ట్ అయ్యారో తెలిపింది.
మమ్ముట్టి , ఫిల్మ్ మేకర్ ప్రియదర్శన్కి ‘లోకా ఛాప్టర్ 1 – చంద్ర’ మీద సందేహాలు ఉన్నాయని దుల్కర్ సల్మాన్ చెప్పాడు. “ఆమె నాన్న ఈ సక్సెస్ని ఊహించలేదు. ‘మీరు ఏం ఆలోచించారు? ఎందుకు ఈ రిస్క్ తీసుకున్నారు?’ అని ఆయన అన్నారు. నేను ఆయనతో నిజాయితీగా చెప్పాను.. నాకు తెలియదు. కానీ నేను ఈ ఐడియాను నమ్మాను. ఇది కరెక్ట్ అనిపించింది. మా నాన్న (వెటరన్ యాక్టర్ మమ్ముట్టి) కూడా కంగారు పడ్డారు. వాళ్ళందరూ మేము కొంచెం పిచ్చివాళ్ళం అనుకున్నారు. కానీ ఇప్పుడు చాలా గర్వపడుతున్నారు” అని దుల్కర్ అన్నాడు.
తండ్రుల ప్రతిస్పందన
అప్పుడు కల్యాణి కూడా మాట్లాడుతూ.. ‘ లోకా ‘ సక్సెస్ గురించి ప్రియదర్శన్ ఎలా రియాక్ట్ అయ్యారో చెప్పింది. “సినిమా బ్లాక్బస్టర్ అయిన తర్వాత ఆయన నాకు పంపిన మొదటి మెసేజ్ ఏమిటంటే.. ‘సక్సెస్ని నీ నెత్తి మీదకి ఎక్కనివ్వకు ఫెయిల్యూర్కి నీ గుండెల్లో చోటివ్వకు’ అన్ని అన్నారు. ఆయన ఈ విషయం తరచుగా చెబుతుంటారు. కానీ ఈసారి గుర్తు చేయడానికి పంపారు. ఆయన నాకు ప్రతిరోజు గుర్తు చేస్తూనే ఉంటారు. అదే నేను నమ్ముతాను” అని కల్యాణి చెప్పింది.
డొమినిక్ అరుణ్ డైరెక్ట్ చేసిన లోకా ఛాప్టర్ 1 సినిమాను దుల్కర్ సల్మాన్ తన బ్యానర్ అయిన వేఫేరర్ ఫిల్మ్స్లో ప్రొడ్యూస్ చేశాడు. ఈ సినిమాలో కల్యాణి ప్రియదర్శన్, నస్లెన్, శాండీ మాస్టర్తో పాటు సపోర్టింగ్ రోల్స్లో అరుణ్ కురియన్, చందు సలీమ్కుమార్, నిశాంత్ సాగర్, రఘునాథ్ పాలేరి, విజయరాఘవన్, నిత్య శ్రీ, శరత్ సభ నటించారు.
దుల్కర్ మరియు కల్యాణి కామెంట్స్
ఈ సినిమా కల్యాణి పోషించిన ఒక శక్తివంతమైన, మైథలాజికల్ హీరోయిన్ అయిన ‘చంద్ర’ పాత్ర చుట్టూ తిరుగుతుంది. ఈ సినిమా మొదటిసారి ఒక మహిళా సూపర్ హీరోని పరిచయం చేసింది. ఈ సినిమా కేవలం 13 రోజుల్లో రూ.200 కోట్లు వసూలు చేసింది. ఈ ఏడాది రూ.200 కోట్లకుపైగా వసూలు చేసిన మూడో మలయాళం మూవీ ఇది.
మొదట్లో సందేహాలున్నా, ‘లోకా’ సినిమా భారీ విజయం సాధించడంతో దుల్కర్ మరియు కల్యాణి తండ్రులు గర్వపడుతున్నారు. ఈ సినిమా మహిళా సూపర్ హీరో సినిమాలకు కొత్త మార్గం చూపింది.
