📌 Key Points
- బాలీవుడ్లో కనీసం కూర్చోవడానికి కుర్చీ కూడా దొరికేది కాదని దుల్కర్ సల్మాన్ వెల్లడి.
- ఖరీదైన కారులో వస్తేనే అక్కడ పెద్ద స్టార్గా భావిస్తారని దుల్కర్ ఆవేదన.
- ఇది తనకు కల్చరల్ షాక్ అని, ఒక పాఠం నేర్పిందని దుల్కర్ సల్మాన్ అభిప్రాయం.
- తన సిబ్బంది, లగ్జరీ ఖర్చులన్నీ తానే భరిస్తానని దుల్కర్ స్పష్టం చేశారు.
మలయాళ స్టార్ హీరో దుల్కర్ సల్మాన్ బాలీవుడ్లో తన అనుభవాలను పంచుకున్నారు. అక్కడ కనీసం కూర్చోవడానికి కుర్చీ కూడా ఇవ్వరని, ఖరీదైన కారులో వస్తేనే స్టార్గా చూస్తారని ఆయన ఆశ్చర్యం వ్యక్తం చేశారు. ఇది తనకు ఒక కల్చరల్ షాక్ అని దుల్కర్ పేర్కొన్నారు.
బాలీవుడ్లో దుల్కర్ ఎదుర్కొన్న పరిస్థితులు
మలయాళ స్టార్ హీరో దుల్కర్ సల్మాన్ బాలీవుడ్పై ఇంట్రెస్టింగ్ కామెంట్స్ చేశాడు. అక్కడ తనకు కనీసం కూర్చోవడానికి కుర్చీ కూడా దొరికేది కాదని, ఓ పెద్ద ఫ్యాన్సీ కారులో వస్తే స్టార్ హీరో అనుకుంటారని అతడు అనడం విశేషం.
దక్షిణాదిలో స్టార్ హీరోగా వెలుగొందుతున్నాడు దుల్కర్ సల్మాన్. మలయాళం నటుడు అయినా కూడా తెలుగు, తమిళంలోనూ మంచి పేరు సంపాదించాడు. మొత్తంగా ఇండియన్ సినీ ఇండస్ట్రీలో పదేళ్లుగా ఉన్నాడు. 2018లో ‘కార్వాన్’ (Karwaan) సినిమాతో బాలీవుడ్లోకి అడుగుపెట్టిన అతడు.. అక్కడ తనకు ఎదురైన వింత పరిస్థితులను తాజాగా గుర్తు చేసుకున్నాడు. ‘ది హాలీవుడ్ రిపోర్టర్ ప్రొడ్యూసర్స్ రౌండ్ టేబుల్ 2025’లో పాల్గొన్న దుల్కర్.. అక్కడ సెట్స్ లో గౌరవం దక్కించుకోవడానికి తాను ఏం చేయాల్సి వచ్చిందో వివరించాడు.
స్టార్డమ్, గౌరవంపై దుల్కర్ కామెంట్స్
కుర్చీ కోసం స్టార్డమ్ ‘బిల్డప్’
అదొక కల్చర్ షాక్ అని, అయితే అది తనకు ఒక పాఠం నేర్పిందని అతడు అన్నాడు. “మీరు ఖరీదైన కారులో, కొంతమంది మనుషులతో దిగితే.. అప్పుడు హఠాత్తుగా ‘ఓహో.. ఇతను పెద్ద స్టార్’ అనే భావన వారికి కలుగుతుంది. ఇది చాలా విచారకరమైన విషయం. ఎందుకంటే నా ఎనర్జీని నేను అక్కడ పెట్టకూడదు” అని దుల్కర్ పేర్కొన్నాడు.
దుల్కర్ పాటించే నియమం, రానాతో చర్చ
తాను, రానా దగ్గుబాటి ఈ విషయంపై చర్చించుకున్నామని దుల్కర్ చెప్పాడు. హిందీ పరిశ్రమ చాలా పెద్దది కావడం, మార్కెట్ విస్తృతంగా ఉండటం వల్ల ఈ పరిస్థితులు ఉండవచ్చని అభిప్రాయపడ్డారు. “నేను ఏ పరిశ్రమనూ తక్కువ చేయడం లేదు. కానీ ఇదొక సాంస్కృతిక విషయం అనుకుంటా” అని అన్నాడు.
ఈ సంభాషణలో భాగంగా దుల్కర్ తాను పాటించే ఒక నియమాన్ని చెప్పాడు. “నాకు ఏమైనా కావాలంటే నేనే చెల్లించుకుంటాను. నాకు ఎంత రెమ్యునరేషన్ ఇస్తున్నారో, అందులో నుంచే నా సిబ్బంది ఖర్చులు, నాకు కావాల్సిన లగ్జరీ ఖర్చులు నేనే భరిస్తాను. నిర్మాతలకు ఆ భారం వేయను” అని స్పష్టం చేశాడు.
దుల్కర్ సల్మాన్ వ్యాఖ్యలు సినీ పరిశ్రమలో గౌరవం, బాహ్యరూపాల ప్రాముఖ్యతపై చర్చకు దారితీస్తున్నాయి. ఏ పరిశ్రమని తక్కువ చేయనంటూనే, ఇదొక సాంస్కృతిక విషయంగా దుల్కర్ అభివర్ణించారు.
