‘సయ్యారా’ సినిమా విడుదల తర్వాత, థియేటర్లలో అభిమానులు చూపిస్తున్న ప్రతిస్పందన అందరినీ ఆశ్చర్యపరుస్తోంది. అభిమానులు ఏడుస్తున్నారు, స్పృహ కోల్పోతున్నారు. ఇది నిజమైన భావోద్వేగాలేనా లేక ప్రమోషన్లలో భాగమా అనే చర్చ జరుగుతోంది.
Key Points
సినిమా చూసి అభిమానులు ఏడుస్తున్నారు, స్పృహ కోల్పోతున్నారు.
ఇది ప్రమోషన్లలో భాగమా అనే సందేహాలు వ్యక్తమవుతున్నాయి.
ప్రేక్షకుల భావోద్వేగాలకు నిదర్శనంగా ఈ ఘటనలను నిర్మాత వివరించాడు.
సయ్యారా సినిమా ప్రేక్షకుల ప్రతిస్పందన
ప్రేక్షకులను ఓ సినిమా నవ్విస్తుంది. ఏడిపిస్తుంది. ప్రేమలో పడేలా చేస్తుంది. ఇప్పుడలాంటిదే బాలీవుడ్ లో ఓ మూవీ సంచలనం సృష్టిస్తోంది. అహాన్ పాండే, అనీత్ పడ్డా నటించిన ‘సయ్యారా’ మూవీ గురించి మనం చెప్పుకుంటున్నది. ఈ సినిమా విడుదలైన తర్వాత థియేటర్లలో అభిమానులు అరిచే, ఏడ్చే, స్పృహ కోల్పోయే వీడియోలు సోషల్ మీడియాలో చాలా వచ్చాయి. ఇది మూవీ ప్రమోషన్లలో భాగమా అనే ప్రశ్నలు పలువురు లేవనెత్తారు. అయితే, ఈ వార్తలను సినిమా నిర్మాత, యష్ రాజ్ ఫిల్మ్స్ (YRF) సీఈఓ అక్షయ్ విధాని తోసిపుచ్చాడు.
సయ్యారా మూవీ, ఆ సినిమా చూస్తున్న ప్రేక్షకుల రియాక్షన్ గురించి ప్రొడ్యూసర్ అక్షయ్ స్పందించాడు. ఇండియా టుడేతో మాట్లాడిన అక్షయ్ ఇవి ప్రమోషన్లన్న వార్తలను ఖండించాడు. “ఆ వ్యక్తుల్లో ఎవరినీ థియేటర్లలో మేము ప్లాన్ చేసి పెట్టలేదు” అని స్పష్టం చేశాడు.
“చేతికి డ్రిప్ పెట్టిన వ్యక్తి అయినా, స్క్రీన్ దగ్గర అరుస్తున్న వ్యక్తి అయినా, షర్ట్ తీసేసి డ్యాన్స్ చేస్తున్న వ్యక్తి అయినా.. వీరందరూ నిజమైన అభిమానులు. ఇది వారి నిజమైన భావోద్వేగాల స్పందన. అలాంటి ప్రేక్షకులు మనకు ఫోన్ చేసి ఎంత ఏడ్చామో చెప్పడం మొదలుపెట్టినప్పుడు, మీరు వాళ్లకు థ్యాంక్స్ చెప్పడం సరదాగా ఉంటుంది” అని అతడు అన్నాడు.
ప్రమోషన్లపై నిర్మాత స్పందన
సినిమాకు, ప్రేక్షకులకు మధ్య ఉన్న “భావోద్వేగ సంబంధం” గురించి కూడా అక్షయ్ మాట్లాడాడు. “మీరు ఏడ్చినందుకు మేం సంతోషంగా ఉన్నాం అని అనొచ్చు. ఎందుకంటే ఇంతకాలం తర్వాత మోహిత్ అలాంటి భావోద్వేగ సంబంధాన్ని సృష్టించగలిగాడు. సినిమాకు వెళ్లి అంత లోతుగా అనుభూతి చెందడం చివరిగా నాకు ఎప్పుడు జరిగిందో గుర్తు లేదు” అని అక్షయ్ చెప్పాడు.
ఇటీవల, రెడిట్లో ఒక వీడియో బయటకు వచ్చింది. అందులో ఒక వ్యక్తి తన చేతికి ఐవీ డ్రిప్ పెట్టుకుని ‘సయ్యారా’ షో చూస్తున్నాడు. అతని స్నేహితులు వీడియో రికార్డ్ చేస్తుండగా, అతడు కన్నీళ్లు తుడిచుకోవడం కనిపించింది. మరొక వీడియోలో అతడు ఐవీ డ్రిప్తో, ‘సయ్యారా’ టైటిల్ ట్రాక్ బ్యాక్గ్రౌండ్లో ప్లే అవుతుండగా.. నిర్మానుష్యమైన రోడ్డుపై రాత్రిపూట తిరుగుతూ కనిపించాడు.
సినిమా-ప్రేక్షకుల మధ్య భావోద్వేగ సంబంధం
కొత్త నటీనటులు అహాన్ పాండే, అనీత్ పడ్డా నటించిన మూవీ ఈ సయ్యారా. మోహిత్ సూరి డైరెక్ట్ చేశాడు. కేవలం రూ.30 కోట్ల బడ్జెట్ తో తెరకెక్కి.. ఇప్పటికే బాక్సాఫీస్ దగ్గర రూ.450 కోట్ల వరకూ వసూలు చేయడం విశేషం. ఒక సింగర్, ఒక లిరిసిస్ట్ అయిన కృష్ణ, వాణి ప్రేమకథను ఈ సినిమాలో చూడొచ్చు.
వారి భావోద్వేగ ప్రయాణం చాలా మంది ప్రేక్షకులను నవ్విస్తుంది, ఏడిపిస్తుంది. ఈ సినిమా ఎమోషనల్ గానే కాదు.. నటీనటుల నటన, మనసును హత్తుకునే సంగీతానికి చాలా ప్రశంసలు అందుకుంది. చాలా మంది ప్రముఖులు ఈ సినిమాను, నటీనటుల నటనను ప్రశంసించారు.
చివరగా, ‘సయ్యారా’ సినిమా ప్రేక్షకుల మనసుల్లో గట్టిగా స్థానం సంపాదించుకున్నట్లు ఈ ఘటనలు తెలియజేస్తున్నాయి. నిర్మాత అభిప్రాయం ప్రకారం, ఇది సినిమా యొక్క ప్రభావానికి నిదర్శనం.
