తెలుగు ఓటీటీలో క్రైమ్ థ్రిల్లర్స్కు ఎప్పుడూ మంచి ఆదరణ ఉంటుంది. ఇప్పుడు ఆ జాబితాలో గరుడ 2.0 సినిమా అగ్రస్థానంలో ఉంది. ఈ సినిమా 6.8 IMDb రేటింగ్తో ట్రెండింగ్లో దూసుకుపోతోంది.
Key Points
ఓటీటీలో టాప్ 1 ట్రెండింగ్లో గరుడ 2.0
ఐశ్వర్య రాజేష్ అద్భుతమైన నటనతో ఆకట్టుకుంది
తమిళ హిట్ చిత్రం ఆరతు సినమ్ తెలుగులో గరుడ 2.0గా రీరిలీజ్
క్రైమ్ థ్రిల్లర్ ప్రేమికులకు అద్భుతమైన వినోదం
గరుడ 2.0: ఓటీటీలో సంచలన విజయం
ఓటీటీలో వచ్చే సినిమాల్లో ఆడియెన్స్కు నచ్చే జోనర్స్లో క్రైమ్ థ్రిల్లర్స్ ఒకటి. మంచి ట్విస్టులు, ఊహించని థ్రిల్లింగ్ సీన్లతో తెరకెక్కిస్తే వాటికి మంచి ఆదరణ వస్తుంటుంది. అయితే, ఇలాంటి క్రైమ్ థ్రిల్లర్స్ ఎక్కువగా ఓటీటీ లో మంచి పేరు తెచ్చుకుంటాయి.
ఇప్పుడు అలాగే, ఓటీటీలో దుమ్ములేపుతోన్న క్రైమ్ సస్పెన్స్ థ్రిల్లర్ మూవీ గరుడ 2.0. సుమారు తొమ్మిది సంవత్సరాల క్రితం అంటే 2016లో ఫ్రిబ్రవరి 26న థియేటర్లలో విడుదలైన ఈ సినిమా రీసెంట్గా ఓటీటీలోకి వచ్చింది. అయితే, ఈ సినిమా తమిళంలో ఆరతు సినమ్ అనే టైటిల్తో ముందుగా రిలీజ్ అయింది.
తమిళంలో ఆరతు సినమ్ మంచి హిట్ కొట్టింది. అలాగే, అదిరిపోయే కలెక్షన్స్తో బాక్సాఫీస్ వద్ద ఆరతు సినమ్ మంచి విజయం సాధించింది. అయితే ఐఎమ్డీబీ నుంచి ఆరతు సినమ్ 6.8 రేటింగ్ సాధించుకుంది. అలాంటి ఆరతు సినమ్ తొమ్మిదేళ్లకు ఓటీటీలోకి వచ్చింది. అది కూడా తెలుగులో గరుడ 2.0 అనే టైటిల్తో ఓటీటీ స్ట్రీమింగ్ అవుతోంది.
ఐశ్వర్య రాజేష్ అద్భుతమైన నటన
గరుడ 2.0లో సంక్రాంతికి వస్తున్నాం హీరోయిన్ ఐశ్వర్య రాజేష్ మెయిన్ లీడ్ రోల్ పోషించడంతో ఈ సినిమాపై మంచి బజ్ క్రియేట్ అయింది. దీంతో గరుడ 2.0 ఓటీటీ ట్రెండింగ్లో దూసుకుపోతోంది. ఏప్రిల్ 29న ఆహాలో గరుడ 2.0 ఓటీటీ రిలీజ్ అయింది. తాజాగా ఆహాలో టాప్ 1 ప్లేస్లో గరుడ 2.0 ఓటీటీ ట్రెండింగ్ లో ఉందని మేకర్స్ తెలిపారు.
ఇందులో ఐశ్వర్య రాజేష్ తన నటనతో ఆకట్టుకుందని, అద్భుతంగా ఉందని కామెంట్స్ వినిపించాయి. ఇక ఈ సినిమాలో హీరోగా తమిళ పాపులర్ కథానాయకుడు అరుళ్ నిధి చేశాడు. డిమాంటీ కాలనీ, డిమాంటీ కాలనీ 2 వంటి హారర్ సినిమాలతో పాటు ఎక్కువగా క్రైమ్ థ్రిల్లర్స్ చేసే హీరోగా అరుళ్ నిధి పేరు తెచ్చుకున్నాడు.
క్రైమ్ థ్రిల్లర్ ప్రేక్షకులకు పండగ
గరుడ 2.0 సినిమాను హనుమాన్ బ్యానర్పై నిర్మించారు. ఈ బ్యానర్పై గతంలో సూపర్ మచ్చి, శాకాహారి, కాళరాత్రి, నేనే నా, కాజల్ కార్తీక, టీనెజర్స్, కథ కంచికి మనం ఇంటికి లాంటి ఎన్నో సినిమాలు తెలుగులో రిలీజ్ అయ్యాయి. ఈ సినిమాలతో సక్సెస్ఫుల్ నిర్మాత బాలు చరణ్ గరుడ 2.0 సినిమాను తెలుగులో విడుదల చేశారు.
ఆరతు సినమ్ సినిమాకు అరివాజగన్ వెంకటాచలం దర్శకత్వం వహించారు. క్రైమ్ థ్రిల్లర్స్ ఇష్టపడేవారు ఆహా ఓటీటీ లో స్ట్రీమింగ్ అవుతోన్న గరుడ 2.0 సినిమాపై కచ్చితంగా లుక్కేయవచ్చు.
గరుడ 2.0 సినిమా ఓటీటీలో అద్భుతమైన విజయం సాధిస్తున్న విషయం అందరికీ తెలిసిందే. క్రైమ్ థ్రిల్లర్ ప్రేమికులు తప్పకుండా చూడదగిన సినిమా ఇది.
