📌 Key Points
- 24 క్యారెట్ల బంగారం 10 గ్రాముల ధర రూ.1420 పెరిగి రూ.1,55,350కి చేరిక.
- 22 క్యారెట్ల బంగారం 10 గ్రాముల ధర రూ.1300 పెరిగి రూ.1,42,400 వద్ద కొనసాగుతోంది.
- కిలో వెండిపై ఏకంగా రూ.10,000 పెరిగి, ప్రస్తుతం రూ.2,75,000గా ఉంది.
- పెరిగిన ధరలు సామాన్యులకు భారంగా మారనున్నాయి, కొనుగోలుదారుల్లో ఆందోళన.
బంగారం, వెండి ధరలు వరుసగా రెండో రోజు కూడా భారీగా పెరగడంతో కొనుగోలుదారులకు షాక్ తగిలింది. హైదరాబాద్ బులియన్ మార్కెట్లో బంగారం, వెండి ధరలు ఆకాశాన్నంటుతున్నాయి. ఈ ధరల పెరుగుదల మధ్యతరగతి ప్రజలను కలవరానికి గురిచేస్తోంది.
బంగారం ధరలు: తాజా పెరుగుదల
బంగారం, వెండి ధరలు మళ్లీ ఆకాశమే హద్దుగా దూసుకెళ్తున్నాయి. వరుసగా రెండో రోజు ఈ లోహాల ధరలు భారీగా పెరిగాయి. హైదరాబాద్ బులియన్ మార్కెట్లో ఉదయం 10 గంటలకు లైవ్ ట్రేడింగ్ లో 24 క్యారెట్ల బంగారం 10 గ్రాముల ధర రూ.1420 పెరిగి.. రూ.1,55,350కి చేరింది. అలాగే 22 క్యారెట్ల బంగారం 10 గ్రాముల ధర రూ.1300 పెరిగి.. రూ.1,42,400 వద్ద కొనసాగుతోంది. ఇదే సమయంలో వెండి ధర కూడా భారీగానే పెరిగింది. కిలో వెండిపై ఏకంగా రూ.10,000 పెరిగింది. ప్రస్తుతం కిలో వెండి ధర రూ.2,75,000గా ఉంది. పెరిగిన ధరలపై జీఎస్టీ, తరుగు అదనంగా ఉండనున్నాయి. కాగా.. తెలుగు రాష్ట్రాల్లోని ప్రధాన నగరాల్లో బంగారం, వెండి ధరల్లో స్వల్ప మార్పులుండొచ్చు. జూన్ వరకూ ఓ వైపు పెళ్లిళ్లు, మరోవైపు ఇతర శుభకార్యాలున్న వేళ.. బంగారం, వెండి కొనుగోలు చేయాలనుకునేవారికి పెరిగిన ధరలు భారమవుతున్నాయి. ముఖ్యంగా మధ్యతరగతి వారిలో బంగారం మళ్లీ అందని ద్రాక్షవుతుందా అన్న ఆందోళన మొదలైంది.
వెండి ధరల్లో భారీ మార్పు
సామాన్యులపై ధరల ప్రభావం
బంగారం, వెండి ధరలు పెరుగుతుండటంతో కొనుగోలుదారుల్లో ఆందోళన నెలకొంది. ధరలు మరింత పెరిగే అవకాశం ఉండటంతో పెట్టుబడిదారులు వేచి చూసే ధోరణిని అవలంబిస్తున్నారు.
