గుండె నిండా గుడి గంటలు టుడే ఎపిసోడ్: ఇల్లు తాకట్టు పెట్టమన్న మనోజ్.. రోహిణి కొత్త నాటకం.. ఇరికించిన మటన్ కొట్టు మాణిక్యం

స్టార్ మా లో ప్రసారమయ్యే ‘గుండె నిండా గుడి గంటలు’ సీరియల్ బుధవారం ఎపిసోడ్‌లో ఆసక్తికరమైన ట్విస్టులు చోటుచేసుకున్నాయి. ప్రభావతి ఆగ్రహం, మనోజ్ ఒత్తిడి, రోహిణి కొత్త నాటకం – ఈ ఎపిసోడ్‌లో ఏం జరిగిందో చూద్దాం.

ప్రభావతి ఆగ్రహం మరియు రోహిణిపై ప్రశ్నలు

స్టార్ మా సీరియల్ ‘గుండె నిండా గుడి గంటలు’ బుధవారం (జులై 16) 768వ ఎపిసోడ్ ఆసక్తికర మలుపులతో సాగింది. అసలు నీకు తండ్రి ఉన్నాడా అంటూ ప్రభావతి.. రోహిణిని నిలదీయడం, ఆమె కొత్త డ్రామా మొదలుపెట్టడం, ఇంటిని తాకట్టు పెట్టాలంటూ మనోజ్ ఒత్తిడి చేయడంతో ఈ ఎపిసోడ్ రక్తి కట్టించింది. అసలు ఈరోజు మొత్తం ఏం జరిగిందో ఒకసారి చూద్దాం.

ప్రభావతి ఆగ్రహం.. రోహిణిపై ప్రశ్నల వర్షం

గుండె నిండా గుడి గంటలు బుధవారం ఎపిసోడ్ ప్రభావతి.. రోహిణి గదిలోకి వచ్చే సన్నివేశంతో ఆరంభమవుతుంది. రోహిణి తండ్రి గురించి ప్రశ్నల మీద ప్రశ్నలు వేస్తూ ఆమెను ఒత్తిడి చేస్తుంది. “మీ నాన్న ఫంక్షన్ రోజు ఎక్కిన ఫ్లైట్ ఇంకా ఆకాశంలో గద్దలాగా తిరుగుతోందా?” అని సెటైర్ వేస్తుంది.

“ఆయనకు నీ మీద ప్రేమ ఉందా? వస్తానని చెప్పి మోసం చేశాడు. కూతురు మీద బాధ్యత లేదా?” అని కోపంగా అడుగుతుంది. “మీ నాన్న రాకపోతే నీ స్థాయి నీకు తెలిసేలా చేస్తాను” అని హెచ్చరిస్తుంది. “ఆయన మలేషియాను ఏలుతున్నాడా? ఫోన్‌ చేయడానికి కూడా సమయం లేదా?” అని రోహిణిని గజగజ వణికిస్తుంది. అసలు నీకు నాన్న ఉన్నాడా.. అసలు పుట్టిల్లు ఉందా అని నిలదీస్తుంది.

ప్రభావతి ఒత్తిడితో రోహిణి లోలోపల కంగారు పడుతుంది. సున్నితంగా సమాధానమిస్తూ, “మా నాన్న ఎందుకు రావడం లేదో నాకూ అర్థం కావడం లేదు. అమ్మ చనిపోయాక నాన్నతో కలిసి ఉండలేకపోయాను. ఆయన మరో పెళ్లి చేసుకోవడంతో కోపంలో దూరంగా ఉన్నాను. ఆ తర్వాత ఆయన్ని పట్టించుకోలేదు” అని చెబుతుంది.

మనోజ్ యొక్క ఒత్తిడి మరియు ఇంటి తాకట్టు

“మీ కోసమే ఇప్పుడు నాన్నపై కోపాన్ని తగ్గించుకుంటున్నాను” అని ప్రభావతిని ఒప్పించే ప్రయత్నం చేస్తుంది. కానీ ప్రభావతి సందేహంగా.. “నువ్వు చెప్పేది నిజమా? పార్లర్ విషయంలో అబద్ధాలు చెప్పినట్లే, ఇప్పుడు నీ నాన్న గురించి అబద్ధాలు చెబుతున్నావా?” అని అడుగుతుంది. “నీకు నాన్న ఉన్నాడా లేడా? మనోజ్‌కు అత్తగారి కుటుంబం ఉందా?” అని నానా మాటలతో రోహిణిని మరింత భయపెడుతుంది.

ప్రభావతి సందేహాలతో రోహిణి కంగారుపడి, తన మలేషియా తండ్రి డ్రామాను ముగించాలని నిర్ణయించుకుంటుంది. తన స్నేహితురాలు విద్య దగ్గరకు వెళ్లి, “మా అత్తయ్య ప్రభావతి నిప్పులు కక్కుతోంది, మా నాన్న గురించి నిజం తెలిసిపోతుందేమో” అని ఆందోళన వ్యక్తం చేస్తుంది. విద్య సలహా ఇస్తూ, “ఇవన్నీ భరించలేకపోతే, సైలెంట్‌గా ఏదైనా దేశానికి వెళ్లిపో! లేదా ఇంట్లో నిజం చెప్పి క్షమించమని అడుగు” అని చెబుతుంది.

“ఇవి కుదరకపోతే, మలేషియా తండ్రిలాగా మరో జూనియర్ ఆర్టిస్ట్‌ను తీసుకొచ్చి చూపిద్దాం” అని సూచిస్తుంది. రోహిణి నిరాశగా.. “అవన్నీ సెట్ కావు. అయినా ఆమె మా నాన్న కోసం కాదు.. ఆయన తెచ్చే బంగారం, నగలు, నగదు కోసం చూస్తోంది” అని చెబుతుంది. దీంతో మరోసారి మటన్ కొట్టు మాణిక్యాన్నే రంగంలోకి దింపాలని నిర్ణయించుకుంటుంది.

రోహిణి పరిష్కారం కోసం ‘మటన్ కొట్టు మాణిక్యం’ను తిరిగి ఇంటికి రప్పిస్తుంది. అతడు ఈసారి ఎలాగైనా తన పర్ఫార్మెన్స్ తో అదరగొట్టేయాలని అనుకుంటాడు. ఇంటికి వచ్చీ రాగానే నానా హడావిడి చేస్తాడు. డోర్లు, కిటికీలు మూసేయమంటాడు. ఫోన్లు స్విచాఫ్ చేయమంటాడు. దీంతో అసలు ఏం జరిగిందని అందరూ అతన్ని గట్టిగా నిలదీస్తారు.

రోహిణి యొక్క కొత్త నాటకం మరియు మటన్ కొట్టు మాణిక్యం

“రోహిణి తండ్రిని మలేషియా పోలీసులు అరెస్ట్ చేశారు. బిజినెస్‌లో స్నేహితులు మోసం చేసి, కేసును ఆయనపై తోశారు” అని చెబుతాడు. దీంతో అందరూ షాక్ తింటారు. మరి ఆస్తుల సంగతేంటని ప్రభావతి అడిగితే.. బాలు, సత్యం ఆమెపై అసహనం వ్యక్తం చేస్తారు.

అతడు నిర్దోషిగా బయటపడే వరకు ఆస్తులు కూడా రావని మాణిక్యం అంటాడు. అయితే అతడు ప్రతి మాటలోనూ మేక గురించి ప్రస్తావించడం, ఏం చేయాలో నువ్వే చెప్పాలంటూ రోహిణిని అడగడం ఇంట్లో వాళ్లకు అతనిపై సందేహం వచ్చేలా చేస్తాయి. ఒక దశలో రోహిణి ఇరుక్కుపోయినట్లే కనిపిస్తుంది. అక్కడితో ఈరోజు ఎపిసోడ్ ముగుస్తుంది.

ఇంటిని తాకట్టు పెట్టాలంటూ..

అయితే ఎపిసోడ్ తర్వాత రేపటి ఎపిసోడ్ ప్రోమో ఆసక్తి రేపింది. తాను కచ్చితంగా కెనడానే వెళ్తానని, అక్కడికి వెళ్తే లక్షలు సంపాదిస్తానని మనోజ్ పట్టుబడతాడు. అయినా రూ.14 లక్షలు ఇవ్వాలంటే తన వల్ల కాదని సత్యం తేల్చి చెప్పేస్తాడు. దీంతో ఈ ఇంటిని తాకట్టు పెడితే వస్తాయి కదా అని మనోజ్ అంటాడు. దీనికి సత్యంతోపాటు ప్రభావతి, బాలు కూడా కుదరదు అని చెప్పేస్తారు. అంతా నీకే ఇచ్చేస్తే మేం ఎక్కడికి పోవాలంటూ ప్రభావతి అంటుంది. ఇది రేపటి ఎపిసోడ్ పై ఎంతో ఆసక్తి రేపుతోంది.

ఈ ఎపిసోడ్‌లోని సంఘటనలు కథను మరింత ఆసక్తికరంగా మార్చాయి. రోహిణి మరియు మనోజ్ భవిష్యత్తు ఏమిటో తెలుసుకోవడానికి తదుపరి ఎపిసోడ్ కోసం ఎదురు చూడాలి.