గుండె నిండా గుడి గంటలు సీరియల్లోని తాజా ఎపిసోడ్లో, బాలు శ్రుతిని కాపాడటంతో పాటు, మనోజ్ అనుకోని పరిస్థితిలో చిక్కుకుంటాడు. అతను బిచ్చగాడిలా అడుక్కుంటుండగా, మీనా అతన్ని చూసి షాక్ అవుతుంది. ఈ ఎపిసోడ్లో మరిన్ని ఉత్కంఠభరితమైన సంఘటనలు చోటుచేసుకుంటాయి.
Key Points
బాలు శ్రుతిని దొంగతనం నింద నుండి కాపాడటం
మనోజ్ గుడి మెట్లపై బిచ్చగాడిలా అడుక్కోవడం
మీనా మనోజ్ను గుడిలో చూసి షాక్ అవ్వడం
స్వామిజీ మనోజ్కు ముష్టివాళ్లను చూపించి డబ్బు సంపాదించమని సూచించడం
బాలు శ్రుతి సమస్యను పరిష్కరిస్తాడా?
గుండె నిండా గుడి గంటలు సీరియల్ లేటెస్ట్ ఎపిసోడ్ ప్రోమోలో శ్రుతిని దొంగతనం నింద నుంచి బాలు కాపాడుతాడు. నల్ల పూసల ఫంక్షన్లో జరిగిన గొడవ, సురేంద్ర చేసిన ప్లాన్ గురించి మొత్తం చెబుతాడు బాలు. అలాగే, మధ్యలో రవి ఏం తప్పు చేశాడని, వాడికి ఎందుకు దూరంగా ఉంటున్నావని అడుగుతాడు బాలు.
ఎలుకలు, బొద్దింకలు తిరిగే రూమ్లో చాలా ఇబ్బందులు పడుతూ రవి ఉంటున్నాడని బాలు చెబుతాడు. దాంతో శ్రుతి కరిగిపోతుంది. ప్రేమించి పెళ్లి చేసుకున్న రవి తనవల్ల అలా అవస్థలు పడటం చూల్లేకపోతుంది. నువ్ మా నాన్నను కొట్టినందుకు నాకు నీ మీద కోపంగానే ఉంది. కానీ, నువ్ మీనాను దొంగ అన్నందుకు కొట్టావ్ కాబట్టి అర్థం చేసుకుంటున్నాను. ఇంటికి రావడానికి ఆలోచిస్తాను అని శ్రుతి చెబుతుంది.
దాంతో నీకు చెప్పాల్సింది చేయు డబ్బుడమ్మా. కానీ, మీ కోసం మా అమ్మ నాన్న బెంగ పెట్టుకున్నారు. మీరు లేకుండా సరిగా అన్నం కూడా తినట్లేదు. ఆ విషయం గుర్తు పెట్టుకో అని బాలు చెప్పి వెళ్లిపోతాడు. దాంతో ఆలోచనలో పడుతుంది శ్రుతి. మరోవైపు పార్క్ ఫ్రెండ్ చెప్పడంతో ఓ స్వామిజీని కలుస్తాడు మనోజ్. తన కష్టాల గురించి చెప్పి, డబ్బు కావాలని, ఏదైనా పరిష్కారం చూపించమని మనోజ్ అడుగుతాడు.
మనోజ్ బిచ్చగాడిలా ఎందుకు మారాడు?
దానికి ఆ స్వామిజీ మనోజ్కు ముష్టివాళ్లను చూపిస్తాడు. పరిష్కారం అడిగితే అడుక్కుతినేవాళ్లను చూపిస్తాడేంటీ. ఇప్పుడు నా పరిస్థితి అలా ఉందని ఇన్డైరెక్ట్గా చెబుతున్నాడా అని మనోజ్ అనుకుంటాడు. ఇప్పుడు నీకున్న సమస్య డబ్బు. వారిలా నువ్ కూడా అడుక్కుంటే నీ డబ్బు సమస్య త్వరగా తీరిపోతుంది అని స్వామిజీ చెబుతాడు.
ముష్టి ఎత్తుకుంటే 14 లక్షలు వస్తాయా అని మనోజ్ అడుగుతాడు. దాంతో ముష్టి వాళ్లు ధనవంతులు ఎలా అయ్యారో చెబుతాడు స్వామిజీ. అది నమ్మిన మనోజ్ దీంట్లో ఇంత లాభం ఉందా అనుకుని ముష్టి ఎత్తుకోడానికి ఒప్పుకుంటాడు. కట్ చేస్తే అచ్చం బిచ్చగాళ్లలా మనోజ్ తయారవుతాడు. మొహానికి మసి పూసుకుని గుడి మెట్ల మీద అడుక్కుంటాడు.
అదే గుడికి మీనా వెళ్తుంది. ముష్టివాళ్లంతా దానం చేయమని అడగడంతో తలో కొంత చిల్లర వేస్తుంది మీనా. అదే సమయంలో మీనాను చూసిన మనోజ్ ముసుగు కప్పుకుని దాక్కుంటాడు. ముసుగు కప్పుకునే మీనాను అడుక్కుంటాడు. మనోజ్ను చూసి డౌట్ వచ్చిన మీనా ఆ ముసుగు తీయమంటుంది. కానీ, మనోజ్ తీయడు. దాంతో మీనానే ముసుగు తీసి చూస్తుంది.
మీనా ప్రతిచర్య ఏమిటి?
మనోజ్ను చూసి ఒక్కసారిగా షాక్ అవుతుంది మీనా. మీరేంటీ ఇక్కడ అడుక్కుంటున్నారు అని మీనా అడుగుతుంది. ఎవరు తల్లి మీరు అని ఎవరో తెలియనట్లుగా అమాయకంగా యాక్ట్ చేస్తాడు మనోజ్. కానీ, మీనా నమ్మదు. పక్కకు వెళ్లి వెంటనే బాలుకు కాల్ చేసి మీ అన్నయ్య గుడి మెట్ల మీద ముష్టి ఎత్తుకుంటున్నాడు అని కంగారుగా చెబుతుంది.
దాంతో బాలు కారు ఆపి షాక్ అవుతాడు. వాడు అడుక్కోవడం ఏంటీ, నువ్ సరిగా చూశావా అని బాలు అడిగితే అయ్యో చూశానండి, మీ అన్నయ్యే అని పూలగంప మీనా చెబుతుంది. దాంతో ఏ గుడో తెలుసుకుని బాలు అక్కడికి బయలుదేరుతాడు. అక్కడితో గుండె నిండా గుడి గంటలు సీరియల్ లేటెస్ట్ ఎపిసోడ్ ప్రోమో ముగుస్తుంది.
చివరగా, మనోజ్ యొక్క అనుకోని పరిస్థితి మరియు మీనా యొక్క ఆశ్చర్యకరమైన ప్రతిస్పందనతో ఈ ఎపిసోడ్ ముగిసింది. కథ ఎలా కొనసాగుతుందో చూడటానికి మనం వేచి చూడాల్సిందే.
