పవన్ కళ్యాణ్ నటించిన హరిహర వీరమల్లు సినిమా రిలీజ్కు మళ్ళీ వాయిదా పడినట్లు వార్తలు వస్తున్నాయి. జూన్ 12న విడుదల కావాల్సిన సినిమా జులైకి వాయిదా పడే అవకాశం ఉందని తెలుస్తోంది. సిజి వర్క్, ఫైనాన్స్ సమస్యలు కారణాలని చెబుతున్నారు.
Key Points
హరిహర వీరమల్లు సినిమా రిలీజ్ జూన్ 12 నుండి వాయిదా
సిజి వర్క్ పూర్తి కాకపోవడం ఒక కారణం
సినిమా ఫైనాన్స్ క్లియరెన్స్ ఇంకా పెండింగ్లో ఉంది
ఓవర్సీస్ టికెట్ బుకింగ్స్ కు డబ్బులు తిరిగి ఇస్తున్నారు
రిలీజ్ డేట్ వాయిదా
పవన్ కళ్యాణ్(Pawan Kalyan) ఫ్యాన్స్ కి మరో షాక్ తగిలింది. ఆయన సినిమా నుంచి అభిమానులను డిజప్పాయింట్ చేసే వార్త బయటకు వచ్చింది. ఎన్నో రోజులుగా వెయిట్ చేస్తున్న `హరిహర వీరమల్లు`(HariHara VeeraMallu) మూవీ మరోసారి వాయిదా పడుతుంది. జూన్ 12న ఈ మూవీని గ్రాండ్గా విడుదల చేయబోతున్నట్టు టీమ్ ప్రకటించిన విషయం తెలిసిందే.
ఈ మేరకు ప్రమోషన్స్ కూడా స్టార్ట్ చేశారు. సాంగ్స్ రిలీజ్ చేశారు. అంతేకాదు ఓవర్సీస్లో బుకింగ్స్ కూడా ఓపెన్ చేశారు. టికెట్ రేట్లు పెంచడానికి నిర్మాత ఏఎం రత్నం తెలుగు ఫిల్మ్ ఛాంబర్ కి రిక్వెస్ట్ లెటర్ పెట్టారు. తిరుపతిలో ప్రీ రిలీజ్ ఈవెంట్కి కూడా ప్లాన్ చేశారు.
పవన్ కళ్యాణ్ ఫ్యాన్స్ ఈ మూవీ కోసం ఈగర్గా వెయిట్ చేస్తున్నారు. కానీ ఇంతలోనే షాకిచ్చే వార్త బయటకు వచ్చింది. `హరిహర వీరమల్లు` మరోసారి వాయిదా పడుతుందనే వార్తలు గుప్పుమంటున్నాయి. అవి సోషల్ మీడియాలో వైరల్ అవుతున్నాయి.
చిత్ర బృందం నుంచి తెలుస్తున్న సమాచారం మేరకు ఈ మూవీ వాయిదా కన్ఫమ్ అయినట్టు తెలుస్తుంది. జూన్ 12న ఈ చిత్రం విడుదల కావడం లేదని కన్ఫమ్ చేస్తున్నారు. జులైకి వాయిదా పడే అవకాశం ఉందట. జులై 4నగానీ, ఆ తర్వాత వారం గానీ విడుదల చేసే అవకాశం ఉందని తెలుస్తుంది.
వాయిదాకు కారణాలు
`హరిహర వీరమల్లు` సినిమా వాయిదాకి కారణాలేంటనేది చూస్తే, రెండు మూడు ప్రధాన కారణాలు వినిపిస్తున్నాయి. సీజీ వర్క్ పూర్తి కాలేదని అంటున్నారు. ఇటీవలే పవన్ కళ్యాణ్ షూటింగ్లో పాల్గొన్నారు. వేగంగా చిత్రీకరణ పూర్తి చేశారు.
అయితే వాటికి సంబంధించిన కొంత సీజీ వర్క్ పెండింగ్లో ఉందట. అనుకున్న టైమ్కి ఫైనల్ కాపీ రాలేని పరిస్థితి ఏర్పడిందని, దీంతో వాయిదా వేస్తున్నట్టు తెలుస్తుంది.
ఈ సినిమా వాయిదాకి మరో కారణం కూడా వినిపిస్తుంది. సినిమా ఫైనాన్స్ క్లీయరెన్స్ కూడా కావాల్సి ఉందట. అందుకే ఇటీవల పవన్ కళ్యాణ్ తన పారితోషికంలో రూ.11 కోట్లు వెనక్కి ఇచ్చారట. అయినా ఇంకా సెటిల్ కాలేదని అంటున్నారు.
భవిష్యత్తు ప్రణాళికలు
దీనికితోడు `హరిహర వీరమల్లు` సినిమా బిజినెస్ కూడా కాలేదనే టాక్ వినిపిస్తుంది. ఈ విషయంలోనే నిర్మాత ఇబ్బంది పడుతున్నట్టు తెలుస్తుంది. అందుకే రిలీజ్ విషయంలో వెనకగడుగు వేసినట్టు సమాచారం. సినిమా వాయిదా పడుతున్న నేపథ్యంలో ఓవర్సీస్లో అడ్వాన్స్ గా టికెట్స్ బుక్ చేసుకున్న వారికి మనీ రిటర్న్ చేస్తున్నారట. మరి ఇందులో నిజమెంతా అనేది తెలియాల్సి ఉంది.
కానీ ఏపీ డిప్యూటీ సీఎం, పవర్ స్టార్ పవన్ కళ్యాణ్ మూవీకి ఇలాంటి పరిస్థితి రావడం విచారకరం. ఇప్పటికే ఈ మూవీ అనేకసార్లు వాయిదా పడింది. ఇప్పుడైనా రిలీజ్ అవుతుందని ఆశగా ఎదురు చూస్తున్న ఫ్యాన్స్ కి నిరాశనే ఎదురు కావడం బాధాకరం.
పవన్ కళ్యాణ్ హీరోగా రూపొందుతున్న `హరిహర వీరమల్లు` చిత్రానికి జ్యోతికృష్ణ దర్శకుడు. ఏఎం రత్నం నిర్మిస్తున్నారు. ఇందులో బాబీ డియోల్ నెగటివ్ రోల్ చేస్తుండగా, నిధి అగర్వాల్ హీరోయిన్గా నటిస్తుంది.
చివరగా, హరిహర వీరమల్లు సినిమా వాయిదాతో పవన్ కళ్యాణ్ అభిమానులు నిరాశ చెందారు. సినిమా విడుదల ఎప్పుడు అనేది ఇంకా తెలియాల్సి ఉంది.
