నటి హరితేజ బిగ్ బాస్ షోపై సంచలన వ్యాఖ్యలు చేసింది. మొదటి సీజన్లో హౌస్లోకి పాములు వచ్చేవి, తాను ఆ షోను ఆస్వాదించానని చెప్పింది. అయితే, సీజన్ 8 తర్వాత తనకు ఆసక్తి తగ్గిపోయిందని, డిప్రెషన్కు గురయ్యానని, మళ్ళీ వెళ్ళనని స్పష్టం చేసింది. ఈ వ్యాఖ్యలు ప్రస్తుతం వైరల్ అవుతున్నాయి.
Key Points
నటి హరితేజ బిగ్ బాస్ మొదటి, ఎనిమిదవ సీజన్లలో పాల్గొని ప్రేక్షకులను ఆకట్టుకుంది.
మొదటి సీజన్ ముంబైలోని లోనావాలా ఫారెస్ట్ లో జరగగా, రాత్రి పూట హౌస్ లోకి పాములు వచ్చేవని తెలిపింది.
బిగ్ బాస్ సీజన్ 8 తర్వాత షో పట్ల ఆసక్తి కోల్పోయానని, ఇకపై మళ్ళీ వెళ్ళనని స్పష్టం చేసింది.
సీజన్ 8 తర్వాత తనపై చాలా హేట్ చూపించారని, డిప్రెషన్ కి వెళ్ళానని హరితేజ ఆవేదన వ్యక్తం చేసింది.
బిగ్ బాస్ మొదటి సీజన్: పాములు, పులుల శబ్దాలు
Hariteja : టీవీ సీరియల్స్, షోలు, క్యారెక్టర్ ఆర్టిస్ట్ గా సినిమాలతో ఫేమ్ తెచ్చుకున్న హరితేజ తెలుగు బిగ్ బాస్ మొదటి సీజన్ లో పాల్గొని అందర్నీ మెప్పించింది. ఆ షో తర్వాత హరితేజ నటిగా బాగా బిజీ అయింది. మరోసారి గత బిగ్ బాస్ సీజన్ 8 లో వైల్డ్ కార్డు ద్వారా కూడా ఎంట్రీ ఇచ్చి అలరించింది.
తాజాగా హరితేజ ఓ ఛానల్ కి ఇచ్చిన ఇంటర్వ్యూలో బిగ్ బాస్ పై సంచలన వ్యాఖ్యలు చేసింది.
బిగ్ బాస్ కి ఇంకోసారి వెళ్ళను.. ఆసక్తి పోయింది
Also See : Siree Lella : పసుపు కొట్టి పెళ్లి పనులు మొదలుపెట్టిన హీరోయిన్.. త్వరలో నారా రోహిత్ తో పెళ్లి..
హరితేజ మాట్లాడుతూ.. బిగ్ బాస్ మొదటి సీజన్ హైదరాబాద్ లో జరగలేదు. ముంబై లోనావాలాలో జరిగింది. ఫారెస్ట్ లో సెట్ వేశారు. రాత్రి అయితే పులుల శబ్దాలు వచ్చేవి. లోపలికి పాములు వచ్చేవి. కానీ నేను హ్యాపీగానే ఫీల్ అయ్యాను. మా ఆయన కూడా బిగ్ బాస్ కి వెళ్ళమనడంతో బిగ్ బాస్ హౌస్ లో మొదటి సీజన్ లోకే వెళ్ళాను. కానీ ఇప్పుడు బిగ్ బాస్ చూడట్లేదు.
సీజన్ 8 తర్వాత తీవ్ర నిరాశలో హరితేజ
నేను వెళ్లిన ఎనిమిదవ సీజన్ తర్వాత బిగ్ బాస్ మళ్ళీ చూడకూడదు అని డిసైడ్ అయ్యాను. నేను కూడా రెండు సార్లు వెళ్లి ఇంట్రెస్ట్ పోయింది. చిరాకు కూడా వచ్చింది. మళ్ళీ నన్ను పిలిచినా వెళ్ళను. గత సీజన్ లోనే వెళ్లడం నచ్చలేదు. సీజన్ 8 తర్వాత నాకు బాగా డ్యామేజ్ అయింది. నా మీద చాలా హేట్ చూపించారు. నేను చాలా బాధపడ్డాను. నేను చాలా కాన్ఫిడెంట్ లాస్ అయ్యాను. డిప్రెషన్ కి వెళ్ళాను. అది జస్ట్ షో అని నేను కొన్నాళ్ళకు మూవ్ అయ్యాను అని తెలిపింది. దీంతో బిగ్ బాస్ గత సీజన్ తో హరితేజ బాగా బాధపడింది అని అందుకే ఈ డెసిషన్ తీసుకుందని తెలుస్తుంది.
మొత్తంగా, హరితేజ తన బిగ్ బాస్ ప్రయాణంపై చేసిన వ్యాఖ్యలు ఆ షోలోని నిజ పరిస్థితులను, సెలబ్రిటీలు ఎదుర్కొనే సవాళ్లను వెల్లడిస్తున్నాయి. ఆమె నిర్ణయం అభిమానుల్లో చర్చనీయాంశంగా మారింది.
