📌 Key Points
- రాజమౌళి-మహేష్ బాబుల ‘వారణాసి’పై ప్రేక్షకులు, సినీ స్టార్స్లో భారీ అంచనాలు.
- హాలీవుడ్ దిగ్గజ దర్శకుడు జేమ్స్ కామెరూన్ ‘వారణాసి’ సెట్స్ను సందర్శించాలని ఆసక్తి చూపారు.
- రాజమౌళి ‘వారణాసి’ షూటింగ్ మరో ఏడెనిమిది నెలలు కొనసాగుతుందని అప్డేట్ ఇచ్చారు.
- కామెరూన్ పులులలో షూట్ ఉంటే చెప్పమని, కొన్ని సీన్స్ తాను తీస్తానని ఆసక్తి కనబరిచారు.
రాజమౌళి దర్శకత్వంలో మహేష్ బాబు హీరోగా తెరకెక్కుతున్న ‘వారణాసి’ సినిమాపై ప్రేక్షకుల్లో ఉత్కంఠ నెలకొంది. ఈ చిత్రం సెట్స్ను హాలీవుడ్ దిగ్గజ దర్శకుడు జేమ్స్ కామెరూన్ సందర్శించాలనుకున్నారు. ఈ విషయంపై రాజమౌళి స్పందన, చిత్రం అప్డేట్స్ ఇప్పుడు సోషల్ మీడియాలో వైరల్ అవుతున్నాయి.
అంచనాలు పెంచుతున్న ‘వారణాసి’
దర్శకధీరుడు రాజమౌళి(Rajamouli), సూపర్ స్టార్ మహేష్ బాబు (Mahesh Babu)కాంబోలో రాబోతున్న ‘వారణాసి’ (Varanaasi)సినిమాపై ప్రేక్షకులతో పాటు సినీ స్టార్స్కు కూడా ఆసక్తి నెలకొంది. ఈ చిత్రం ఎప్పుడెప్పుడు థియేటర్స్లోకి వస్తుందా? అనే ఆతృతగా ఎదురుచూస్తున్నారు. ఇక ఇప్పటికే ఈ మూవీ నుంచి విడుదలైన అప్డేట్ అంచనాలను రెట్టింపు చేశాయి. షూటింగ్ శరవేగంగా జరుపుకుంటున్న ఈ సినిమా నుంచి టైటిల్ , నటీనటులకు సంబంధించిన పోస్టర్లు వచ్చినప్పటికీ అంచనాలు పీక్స్లో ఉన్నాయి. అవకాశం వస్తే ఈ మూవీ సెట్స్కి వెళ్లేందుకు హాలీవుడ్ దర్శకుడు సైతం ఆసక్తి చూపించడం విశేషం ఆయన మరెవరో కాదు.. ప్రముఖ దర్శకుడు కామెరూన్. తాజాగా, ఇదే విషయాన్ని ఆయన దర్శకుడు రాజమౌళికి చెప్పారు. ‘వారణాసి’ షూటింగ్స్ సెట్స్ చూడాలని ఉంది.
వచ్చి చూడవచ్చా? అని అడగ్గా.. దీనికి దర్శకధీరుడు స్పందిస్తూ.. మూవీ అప్డేట్ ఇచ్చారు. ‘‘ ప్రస్తుతం మా సినిమాకు సంబంధించిన షూటింగ్ ఏడాదిగా జరుగుతోంది. మరో ఏడెనిమిది నెలల పాటు షూటింగ్ ఉందని వివరించారు. అలాగే కామెరూన్ సెట్కి వస్తాను అని చెప్పడంతో సంబరపడిపోయిన రాజమౌళి.. మీరు రావడం ఎంతో సంతోషకరమైన విషయమని. మా ‘వారణాసి’ టీమ్ మాత్రమే కాదు మొత్తం సినిమా ఇండస్ట్రీ థ్రిల్ అవుతుందని పేర్కొన్నారు. దానికి కామెరూన్ పులులలో ఏదైనా షూట్ ప్లాన్ చేస్తుంటే తనకు చెప్పాలని కోరారు. అంతేకాకుండా తను కెమెరా పట్టుకుని కొన్ని సీన్స్ కూడా తీస్తానని చెప్పడంతో వీరిద్దరి సంభాషన సోషల్ మీడియాలో వైరల్గా మారింది.
కామెరూన్ ఆసక్తి: రాజమౌళి స్పందన
వైరల్ అవుతున్న సంభాషణ
‘వారణాసి’ సినిమాపై జేమ్స్ కామెరూన్ చూపిన ఆసక్తి చిత్ర స్థాయిని పెంచుతుంది. రాజమౌళి ఇచ్చిన అప్డేట్ సినిమాపై మరింత ఉత్కంఠను సృష్టించింది. ఈ ఇద్దరు దిగ్గజాల సంభాషణ సినీ ప్రపంచంలో హాట్ టాపిక్గా మారింది.
