తాజాగా విడుదలైన హురున్ ఇండియా రిచ్ లిస్ట్ 2025లో ఊహించని పేరు వెలుగులోకి వచ్చింది. దీపికా, ఆలియా వంటి టాప్ హీరోయిన్లను అధిగమించి జూహీ చావ్లా ఇండియాలో అత్యంత ధనిక నటిగా నిలిచింది. 13 ఏళ్లుగా ఒక్క హిట్ లేకపోయినా, ఆమె సంపద రూ.7790 కోట్లు కావడం ఆశ్చర్యకరం.
Key Points
జూహీ చావ్లా రూ.7790 కోట్ల సంపదతో ఇండియాలో రిచెస్ట్ హీరోయిన్గా నిలిచింది.
ఆమె సంపదకు ప్రధానంగా ఆమె భర్త జై మెహతా వ్యాపారాలే కారణం.
రెడ్ చిల్లీస్ ప్రొడక్షన్ హౌస్, నైట్ రైడర్స్ క్రికెట్ జట్లలో వాటా ఉంది.
ఆమె చివరి బాక్స్ ఆఫీస్ సక్సెస్ 2012లో వచ్చిన 'సన్ ఆఫ్ సర్దార్'.
ఇండియా రిచెస్ట్ హీరోయిన్ జూహీ చావ్లా
ఇండియాలో ప్రస్తుతం అత్యంత సక్సెస్ఫుల్ హీరోయిన్లు ఎవరు? ఈ ప్రశ్న వినగానే.. వెంటనే దీపికా పదుకోన్, ఆలియా భట్, నయనతార లాంటి పేర్లు వినిపిస్తాయి. కొంతమంది ఐశ్వర్య రాయ్ తన పాపులారిటీ కారణంగా ఈ లిస్ట్లో ఉండాలని వాదించవచ్చు. అటు ప్రియాంక చోప్రా తన అంతర్జాతీయ సక్సెస్ కారణంగా ఈ లిస్ట్లోకి వస్తుంది. వీళ్లలోనే ఒకరు ఇండియాలో రిచెస్ట్ హీరోయిన్ కావచ్చని భావిస్తారు. కానీ వీళ్లలో ఎవరూ ఆమె దరిదాపుల్లో కూడా లేరంటే నమ్మగలరా?
ఇండియాలో రిచెస్ట్ హీరోయిన్ జూహీ చావ్లా
తాజాగా విడుదలైన హురున్ ఇండియా రిచ్ లిస్ట్ 2025 ప్రకారం.. జూహీ చావ్లా ఇండియాలో రిచెస్ట్ హీరోయిన్ కావడం విశేషం. ఈ లిస్ట్ ప్రకారం ఆమె నెట్ వర్త్ ఆశ్చర్యకరంగా రూ.7790 కోట్లు (దాదాపు 880 మిలియన్ డాలర్లు). ఇది ఆమెను ఇండియాలోనే కాకుండా ప్రపంచవ్యాప్తంగా అత్యంత ధనిక నటులలో ఒకరిగా నిలబెట్టింది. జూహీ సంపద ఎక్కువగా సినిమాల నుంచి కాకుండా ఆమె భర్త జై మెహతాకు సంబంధించిన వివిధ వ్యాపారాల నుండి వచ్చింది. వాటిలో రెడ్ చిల్లీస్ ప్రొడక్షన్ హౌస్, ప్రపంచవ్యాప్తంగా ఉన్న నైట్ రైడర్స్ క్రికెట్ జట్లు ఉన్నాయి.
జూహీ చావ్లా సంపదకు మూలం ఏమిటి?
ఈ లిస్ట్ లో ఉన్న ఇతర ప్రముఖ ఇండియన్ హీరోయిన్ల నెట్ వర్త్ ను ప్రస్తావించనప్పటికీ.. ఇతర సోర్సెస్ రిపోర్ట్ల ప్రకారం ఐశ్వర్య రాయ్ మాత్రమే 100 మిలియన్ డాలర్ల (రూ.880 కోట్లు) కంటే ఎక్కువ సంపద కలిగిన ఏకైక ఇండియన్ హీరోయిన్.
జూహీ చావ్లా 1990లలో బాలీవుడ్లో ఒక టాప్ స్టార్. కానీ 2000ల్లో సపోర్టింగ్ రోల్స్ చేయడం మొదలుపెట్టింది. 2010 నుంచి ఆమె సినిమాల విషయంలో చాలా సెలెక్టివ్గా ఉంది. గులాబ్ గ్యాంగ్, చాక్ అండ్ డస్టర్, ఏక్ లడ్కీ కో దేఖా తో ఐసా లగా, శర్మజీ నమ్కీన్, ఫ్రైడే నైట్ ప్లాన్ లాంటి కొన్ని సినిమాల్లోనే కనిపించింది. గత దశాబ్దంలో జూహీ నటించిన సినిమాలలో దాదాపు అన్నీ స్ట్రెయిట్-టు-ఓటీటీ రిలీజ్లు లేదా చిన్న ఇండిపెండెంట్ ఫిల్మ్లు మాత్రమే. ఆమె చివరి బాక్స్ ఆఫీస్ సక్సెస్ 2012లో వచ్చిన అజయ్ దేవగన్ సినిమా ‘సన్ ఆఫ్ సర్దార్’.
13 ఏళ్లుగా హిట్ లేకపోయినా ఎలా?
హురున్ రిచ్ లిస్ట్ గురించి
ప్రతి సంవత్సరం విడుదల చేసే ఈ రిచ్ లిస్ట్ను హురున్ రీసెర్చ్ ఇన్స్టిట్యూట్ బుధవారం (అక్టోబర్ 1) విడుదల చేసింది. సినిమా రంగంతో సంబంధం లేకుండా ముఖేష్ అంబానీ మొత్తం లిస్ట్లో మళ్లీ అగ్రస్థానంలో నిలిచారు. ఇండియాలో అత్యంత ధనిక వ్యక్తిగా తన స్థానాన్ని పదిలం చేసుకున్నారు. గౌతమ్ అదానీని అంబానీ వెనక్కి నెట్టారు.
మొత్తంగా, జూహీ చావ్లా సంపద కేవలం సినీ కెరీర్కు మాత్రమే పరిమితం కాలేదు. ఆమె భర్త జై మెహతా వ్యాపారాల ద్వారానే ఈ భారీ సంపదను కూడబెట్టింది. హురున్ రిచ్ లిస్ట్ ద్వారా వెల్లడైన ఈ విషయం చాలా ఆసక్తికరంగా ఉంది.
