📌 Key Points
- పటాస్ ప్రవీణ్ తండ్రి మరణానంతరం ఎదుర్కొన్న ఆర్థిక సవాళ్లు, ఆయన్ని నిలబెట్టిన తండ్రి మద్దతు.
- నాన్న పేరు నిలబెట్టడానికి తనకున్న డబ్బంతా ఖర్చు చేసిన ప్రవీణ్.. సన్నాఫ్ సత్యమూర్తి సీన్ రిపీట్.
- తల్లి మరణం, తండ్రి రెండో పెళ్లి చేసుకోకుండా పిల్లల కోసం చేసిన త్యాగం, ప్రవీణ్ ఎమోషనల్ కామెంట్స్.
- జబర్దస్త్ కమెడియన్ ప్రవీణ్ జీవితంలో జరిగిన షాకింగ్ సంఘటనలు, ఇండస్ట్రీలో నిలబడటానికి చేసిన పోరాటం.
జబర్దస్త్ కమెడియన్ ప్రవీణ్ ప్రస్తుతం టాలీవుడ్లో బిజీ స్టార్. కానీ, తాజాగా ఆయన తన జీవితంలోని ఓ అత్యంత ఎమోషనల్ విషయాన్ని పంచుకున్నారు. తండ్రి కోసం ప్రవీణ్ చేసిన త్యాగం, ఆయన జీవితంలోని కష్టాలు ఇప్పుడు వైరల్ అవుతున్నాయి. పూర్తి వివరాలు తెలుసుకుందాం!
తండ్రి కోసం అప్పులు తీర్చిన ప్రవీణ్: సన్నాఫ్ సత్యమూర్తి సీన్!
Praveen : పటాస్ షోతో ఫేమ్ తెచ్చుకున్న ప్రవీణ్ ఇప్పుడు జబర్దస్త్, శ్రీదేవి డ్రామా కంపెనీ.. లాంటి పలు షోలతో బిజీగా ఉన్నాడు. అప్పుడప్పుడు పలు సినిమాల్లో కూడా నటిస్తున్నాడు. ఇటీవలే వంశిత అనే నటి, డ్యాన్సర్ ని ప్రేమించి పెళ్లి చేసుకున్నాడు.
తాజాగా ప్రవీణ్ ఓ ఛానల్ కి ఇచ్చిన ఇంటర్వ్యూలో తన తండ్రి గురించి మాట్లాడుతూ ఎమోషనల్ అయ్యాడు. ప్రవీణ్ తండ్రి 2022 లో మరణించారు.
అమ్మ చనిపోయినప్పుడు ఇచ్చిన మాట.. తండ్రి త్యాగం!
పటాస్ ప్రవీణ్ మాట్లాడుతూ.. కొన్నేళ్ల క్రితం మా నాన్న చనిపోయారు. మా నాన్న కొన్ని షూరిటీ సంతకాలు పెట్టడంతో ఆ డబ్బులు మేము కట్టాల్సిన పరిస్థితి వచ్చింది. మా నాన్న పేరు బ్యాడ్ అవ్వకూడదు అని నేను దాచుకున్న డబ్బులు అన్ని వాటికి కట్టేసాను. అలా ఫైనాన్షియల్ గా ఒకటి రెండు దెబ్బలు పడ్డాయి. నేను ఆయన చేసింది కదా అని డబ్బులు ఇవ్వకపోతే, జనాల డబ్బులు ఎగ్గొట్టి నేను ఇల్లు, కార్ కొనుకున్నా అంటారు. అందుకే ఆయనకు చెడ్డపేరు రాకూడదు అని మొత్తం తీర్చేసా.
పటాస్ ప్రవీణ్ కెరీర్ వెనుక ఉన్న ఎమోషనల్ స్టోరీ!
ఆయన సపోర్ట్ వల్లే నేను ఇక్కడే ఉన్నా. టెన్త్ అవ్వగానే ఇండస్ట్రీకి వచ్చా. మా నాన్న సపోర్ట్ చేశారు. నా 9వ తరగతిలోనే మా అమ్మ చనిపోయింది. మా అమ్మ చనిపోయేటప్పుడే మా అందర్నీ దగ్గరకు తీసుకొని మా నాన్నకు ఇంకో పెళ్లి చేసుకోవద్దు, నా పిల్లల్ని చూసుకో, వాళ్ళు గొప్పవాళ్ళు అవుతారు అని చెప్పి చనిపోయింది. నేను ఇండస్ట్రీకి వచ్చాక భయపడితే ఆయనే చాలా ధైర్యం ఇచ్చారు అంటూ ఎమోషనల్ అయ్యాడు.
జబర్దస్త్ ప్రవీణ్ జీవితంలో జరిగిన ఈ సంఘటనలు నిజంగా అందరినీ కదిలించాయి. ఆయన ఆత్మవిశ్వాసం, కుటుంబం పట్ల అంకితభావం ఎంతో మందికి స్ఫూర్తినిస్తాయి. మరిన్ని ఆసక్తికరమైన సినిమా అప్డేట్స్ కోసం మా ఛానెల్ను చూస్తూ ఉండండి!
