📌 Key Points
- రజినీకాంత్ ‘జైలర్’ అత్యధిక కలెక్షన్లు సాధించిన చిత్రంగా నిలిచింది.
- తమన్నా భాటియా ‘కావాలయ్య’ ఐటమ్ సాంగ్ సినిమాకు హైలైట్గా మారింది.
- ‘జైలర్-2’ సీక్వెల్ను నెల్సన్ దిలీప్కుమార్ తెరకెక్కిస్తున్నారు.
- బాలీవుడ్ బ్యూటీ నోరా ఫతేహి ‘జైలర్-2’ లో స్పెషల్ సాంగ్ చేయనుందని టాక్.
సూపర్ స్టార్ రజినీకాంత్ ‘జైలర్’ ఘన విజయం తర్వాత, ఇప్పుడు ‘జైలర్-2’ పై భారీ అంచనాలు నెలకొన్నాయి. నెల్సన్ దిలీప్కుమార్ దర్శకత్వంలో రానున్న ఈ సీక్వెల్లో బాలీవుడ్ హాట్ బ్యూటీ నోరా ఫతేహి ఒక స్పెషల్ సాంగ్తో సందడి చేయనుందని వార్తలు వస్తున్నాయి.
‘జైలర్’ బ్లాక్బస్టర్ విజయం
సూపర్ స్టార్ రజినీకాంత్(Rajinikanth), నెల్సన్ దిలీప్ కుమార్(Nelson Dilipkumar) ‘జైలర్’ సినిమా బ్లాక్ బస్టర్ హిట్గా నిలిచింది. స్టార్స్ శివరాజ్ కుమార్, మోహన్లాల్ కీలక పాత్రలో నటించిన ఈ చిత్రం బాక్సాఫీసును షేక్ చేసింది. సూపర్ స్టార్ కెరీర్లోనే అత్యధిక కలెక్షన్లు సాధించిన సినిమాగా నిలిచింది. అయితే ఇందులో తమన్నా భాటియా చేసిన కావాలయ్య ఐటమ్ సాంగ్.. బాగా వర్కౌట్ అయింది. ఈ మూవీ మొత్తానికే తమన్నా హైలెట్గా నిలిచింది. ఇక ఇప్పుడు ఈ చిత్రానికి నెల్సన్ దిలీప్కుమార్ సీక్వెల్ తెరకెక్కించే పనిలో పడ్డారు.
‘జైలర్-2’ పై భారీ అంచనాలు
సన్ పిక్చర్స్ బ్యానర్పై నిర్మిస్తున్నారు. అయితే ఈ మూవీకి సంబంధించిన వార్తలెన్నో సోషల్ మీడియాలో వైరల్ అవుతూ.. సూపర్ స్టార్ అభిమానుల్లో అంచనాలను పెంచుతున్నారు. ఇక ఇందులో బాలకృష్ణ, శివరాజ్ కుమార్ నటిస్తున్నట్లు పుకార్లు వస్తున్న విషయం తెలిసిందే. తాజాగా, ‘జైలర్-2’ సినిమాలో మరో నటి జాయిన్ అయినట్లు సోషల్ మీడియాలో పలు పోస్టులు వైరల్ అవుతున్నాయి. స్పెషల్ సాంగ్ కోసం బాలీవుడ్ హాట్ బ్యూటీ నోరా ఫతేహి(Nora Fatehi)ని మేకర్స్ సంప్రదించగా.. అందుకు ఒప్పుకున్నట్లు సమాచారం.
నోరా ఫతేహి స్పెషల్ సాంగ్
ఇందుకు సంబంధించిన షూటింగ్ కూడా చెన్నైలో ప్రారంభం కాగా.. ఒక హై-ఆక్టేన్ డ్యాన్స్ నంబర్ షూట్ కూడా అక్కడే జరగనున్నట్లు టాక్. ఇందులో నిజమెంత అనేది తెలియనప్పటికీ ప్రజెంట్ ఇందుకు సంబంధించిన పోస్టులు సోషల్ మీడియాలో హాట్ టాపిక్గా మారాయి. ఇక అది చూసిన వారంతా తమన్నాలాగా నోరా కూడా తన డ్యాన్స్ స్టెప్పులతో బాక్సాఫీసును షేక్ చేస్తుందని అభిప్రాయపడుతున్నారు.
నోరా ఫతేహి రాకతో ‘జైలర్-2’ పై అంచనాలు రెట్టింపయ్యాయి. తమన్నా మాదిరిగానే నోరా కూడా తన డ్యాన్స్తో బాక్సాఫీసును షేక్ చేస్తుందని అభిమానులు ఎదురుచూస్తున్నారు. ఈ వార్తలో నిజమెంత అనేది త్వరలో తెలియనుంది.
