📌 Key Points
- ‘జైలర్’ ఫేమ్ నటుడు వినాయకన్కు ‘ఆడు 3’ షూటింగ్లో ప్రమాదం.
- తొడుపుజలో యాక్షన్ స్టంట్ చేస్తూ తీవ్రంగా గాయపడి ఆసుపత్రిలో చేరారు.
- భుజం, మెడ నరాలు దెబ్బతినగా, సకాలంలో చికిత్సతో పక్షవాతం తప్పింది.
- వైద్యులు 6 వారాల విశ్రాంతి సూచించడంతో ‘ఆడు 3’ షూటింగ్ తాత్కాలికంగా నిలిచిపోయింది.
మలయాళ నటుడు, ‘జైలర్’ సినిమాతో తెలుగు ప్రేక్షకులకు దగ్గరైన వినాయకన్కు తీవ్ర ప్రమాదం జరిగింది. ఆయన నటిస్తున్న ‘ఆడు 3’ షూటింగ్లో ఈ ఘటన చోటుచేసుకుంది. తీవ్ర గాయాలైన వినాయకన్ను హుటాహుటిన ఆసుపత్రికి తరలించారు. ప్రస్తుతం ఆయన చికిత్స పొందుతున్నారు.
అసలు ప్రమాదం ఎలా జరిగింది?
మలయాళం నటుడు, ‘జైలర్’ ఫేమ్ వినాయకన్ ప్రమాదానికి గురయ్యారు. వినాయకన్ నటిస్తున్న ‘ఆడు 3’ సినిమా షూటింగ్ సమయంలో ప్రమాదానికి గురయ్యి, తీవ్రంగా గాయపడ్డారు. తొడుపుజలో యాక్షన్ సన్నివేశాల సంబంధించిన స్టంట్ చేస్తూ ప్రమాదానికి గురి కాగా.. సిబ్బంది హుటాహుటిన కొచ్చిలోని ఓ ప్రైవేట్ ఆసుపత్రికి తరలించారు. భుజం, మెడలో నరాలు, కండరాలు తీవ్రంగా దెబ్బతిన్నాయి. సమయానికి ఆసుపత్రికి చేర్చడంతో వైద్యులు నరాల డ్యామేజ్ను గుర్తించారు. దీంతో ఆయన తీవ్ర పక్షవాతం నుంచి తప్పించుకున్నారని వైద్యులు వెల్లడించారు. డాక్టర్లు ఆరు వారాల పూర్తి విశ్రాంతి సూచించడంతో ‘ఆడు 3’ షూటింగ్ను తాత్కాలికంగా నిలిపివేశారు. జయసూర్య హీరోగా నటిస్తున్న ఈ ఎపిక్ ఫాంటసీ చిత్రాన్ని మిధున్ మాన్యువల్ థామస్ దర్శకత్వం వహిస్తున్నారు. వినాయకన్ త్వరగా కోలుకుని మళ్లీ సెట్స్కు రావాలని అభిమానులు ఆకాంక్షిస్తున్నారు.
వినాయకన్ ప్రస్తుత ఆరోగ్య పరిస్థితి ఏంటి?
‘ఆడు 3’ షూటింగ్ తాత్కాలిక నిలిపివేత
వినాయకన్ త్వరగా కోలుకోవాలని అభిమానులు, సినీ ప్రముఖులు ఆకాంక్షిస్తున్నారు. ఆయన త్వరగా సెట్స్కు తిరిగి వచ్చి మళ్లీ తన నటనతో అలరించాలని కోరుకుంటున్నారు. ఈ ప్రమాదం నుంచి ఆయన సురక్షితంగా బయటపడటం ఊరట కలిగించే విషయం.
