జాన్వీ కపూర్ కీలక పాత్రలో నటించిన ‘హోమ్బౌండ్’ మూవీ ఓటీటీలో విడుదల కానుంది. ఇండియా తరపున ఆస్కార్స్కు అధికారికంగా ఎంపికైన ఈ చిత్రం థియేటర్లలో ఆశించినంత ఆడకపోయినా, ఇప్పుడు డిజిటల్ వేదికగా ప్రేక్షకులను అలరించనుంది. రిలీజ్ వివరాలు చూద్దాం.
Key Points
జాన్వీ కపూర్ నటించిన 'హోమ్బౌండ్' ఓటీటీలోకి రానుంది.
ఇండియా నుంచి 98వ అకాడమీ అవార్డ్స్కు అధికారిక ఎంట్రీ ఇది.
ఈ సినిమా నవంబర్ 21న నెట్ఫ్లిక్స్లో డిజిటల్ ప్రీమియర్ అవుతుంది.
దర్శకుడు నీరజ్ ఘైవాన్ రూపొందించిన ఈ చిత్రం విమర్శకుల ప్రశంసలు అందుకుంది.
ఓటీటీలో ‘హోమ్బౌండ్’ విడుదల
ఓటీటీలోకి జాన్వీ కపూర్ నటించిన మూవీ వస్తోంది. ఈసారి ఇండియా నుంచి ఆస్కార్స్ కి అధికారిక ఎంట్రీ అయిన హోమ్బౌండ్ మూవీ ఇది. థియేటర్లలో పెద్దగా రెస్పాన్స్ రాని ఈ సినిమా వచ్చే వారం డిజిటల్ ప్రీమియర్ కానుంది.
జాన్వీ కపూర్ నటించిన మూవీ ఒకటి ఓటీటీలోకి వస్తోంది. ప్రముఖ దర్శకుడు నీరజ్ ఘైవాన్ దర్శకత్వం వహించిన, విమర్శకుల ప్రశంసలు పొందిన ఈ డ్రామా మూవీ ‘హోమ్బౌండ్’. ఈ సినిమా నవంబర్ 21న డిజిటల్ ప్రీమియర్ కానుంది. సెప్టెంబర్ 26న థియేటర్లలో రిలీజైన ఈ సినిమా తర్వాత ఇండియా నుంచి ఆస్కార్స్ కు అధికారిక ఎంట్రీగా నిలిచింది. 98వ అకాడమీ అవార్డ్స్లో ఉత్తమ అంతర్జాతీయ ఫీచర్ ఫిల్మ్ విభాగంలో ఇండియా ఎంపికైంది.
‘హోమ్బౌండ్’ ఓటీటీ రిలీజ్ డేట్
ఇండియా నుంచి ఆస్కార్ ఎంట్రీ
ప్రభుత్వ ఉద్యోగం ద్వారా పొందాలనుకునే గౌరవం, ఆత్మగౌరవానికి ఎదురయ్యే సవాళ్లేంటన్నది ఈ హోహ్బౌండ్ మూవీలో చూడొచ్చు. మత, కుల అసమానతలు వాళ్ల కలలకు ఎలాంటి అడ్డంకులు సృష్టించాయో డైరెక్టర్ ఘైవాన్ ఈ మూవీలో కళ్లకు కట్టినట్లు చూపించాడు.
హోమ్బౌండ్కు అంతర్జాతీయ గుర్తింపు
సినిమా కథా నేపథ్యం, అంతర్జాతీయ గుర్తింపు
ఘైవాన్ 2015లో విమర్శకుల ప్రశంసలు పొందిన ‘మసాన్’ తర్వాత తీసిన రెండవ సినిమా ‘హోమ్బౌండ్’. ఈ కొత్త సినిమా కూడా మసాన్ లాగే ప్రశంసలు అందుకుంది. 2025 కేన్స్ ఫిల్మ్ ఫెస్టివల్లో అన్ సర్టైన్ రిగార్డ్ విభాగంలో ఈ సినిమా వరల్డ్ ప్రీమియర్ సమయంలో ఏకంగా తొమ్మిది నిమిషాల పాటు స్టాండింగ్ ఒవేషన్ అందుకుంది.
దేశీయంగా విడుదలైన తర్వాత కూడా ఘైవాన్ సాహసోపేతమైన దర్శకత్వం, బలమైన డైలాగులు, ముఖ్యంగా లీడ్ యాక్టర్స్ అద్భుతమైన నటన విమర్శకులను ప్రశంసలు అందుకున్నాయి. కుల వివక్ష, సామాజిక కథనాన్ని సున్నితంగా చూపినందుకు ఈ సినిమా ఇండియా నుంచి ఆస్కార్స్ కు అధికారిక ఎంట్రీగా వెళ్లింది. థియేటర్లలో సినిమాను చూడలేకపోయిన అభిమానులు నవంబర్ 21 నుండి నెట్ఫ్లిక్స్ లో చూడవచ్చు.
విమర్శకుల ప్రశంసలు అందుకుని, ఆస్కార్స్ వరకు చేరిన ‘హోమ్బౌండ్’ సినిమాను థియేటర్లలో చూడలేని వారు నెట్ఫ్లిక్స్లో చూసే అవకాశం దక్కింది. ఈ ప్రతిష్టాత్మక చిత్రాన్ని మిస్ చేసుకోకండి.
