ప్రభుదేవా నటించిన ‘జాలీ ఓ జింఖానా’ అనే తమిళ కామెడీ థ్రిల్లర్ చిత్రం మే 15 నుంచి ఆహా ఓటీటీలో తెలుగు ప్రేక్షకులకు అందుబాటులోకి రానుంది. ఈ చిత్రం ఆసక్తికరమైన కథాంశంతో ప్రేక్షకులను అలరించేందుకు సిద్ధంగా ఉంది.
Key Points
ప్రభుదేవా నటించిన 'జాలీ ఓ జింఖానా' మూవీ మే 15 నుంచి ఆహా ఓటీటీలో
కామెడీ థ్రిల్లర్లో చనిపోయిన వ్యక్తిని బతికి ఉన్నట్లు నమ్మించే కథ
అనూహ్య ట్విస్టులతో సాగే కథానకం ప్రేక్షకులను ఆకట్టుకుంటుందని భావిస్తున్నారు
తమిళంలో విడుదలై డిజాస్టర్ అయినా, తెలుగు ఓటీటీలో ఆకట్టుకునే అవకాశం ఉంది
జాలీ ఓ జింఖానా: ఆహా ఓటీటీలో విడుదల
ప్రభుదేవా హీరోగా నటించిన తమిళ కామెడీ థ్రిల్లర్ మూవీ జాలీ ఓ జింఖానా తెలుగులోకి వస్తోంది. ఈ కామెడీ థ్రిల్లర్ మూవీ స్ట్రీమింగ్ డేట్తో పాటు ఓటీటీ ప్లాట్ఫామ్ కన్ఫామ్ అయ్యాయి. ఆహా ఓటీటీ లో మే 15 నుంచి ఈ మూవీ స్ట్రీమింగ్ కాబోతోంది. జాలీ ఓ జింఖానా ఓటీటీ రిలీజ్ డేట్ను ఆహా ప్రకటించింది. ఈ మేరకు ఓ పోస్టర్ను అభిమానులతో పంచుకున్నది. తమిళంలో థియేటర్లలో విడుదలైన ఈ మూవీ తెలుగులో మాత్రం డైరెక్ట్గా ఓటీటీలోకి వస్తోంది.
జాలీ ఓ జింఖానా మూవీకి శక్తి చిదంబరం దర్శకత్వం వహించాడు. ఈ కామెడీ థ్రిల్లర్ మూవీలో ప్రేమమ్ ఫేమ్ మడోన్నా సెబాస్టియన్ హీరోయిన్గా నటించింది. అభిరామి, యోగిబాబు కీలక పాత్రల్లో కనిపించారు. విజయ్ బీస్ట్ మూవీలోని జాలీ ఓ జింఖానా అనే పాట నుంచి స్ఫూర్తి పొందుతూ ఈ మూవీకి టైటిల్ను ఫిక్స్ చేశారు. కాన్సెప్ట్ ఇంట్రెస్టింగ్గా ఉన్నా కామెడీ అనుకున్న స్థాయిలో వర్కవుట్ కాకపోవడంతో బాక్సాఫీస్ వద్ద డిజాస్టర్గా నిలిచింది.
అనుకోని పరిస్థితుల్లో హీరో చనిపోతాడు…అతడిని బతికున్నట్లుగా నమ్మించడానికి ఓ ఫ్యామిలీ ఏం చేసింది అనే పాయింట్తో దర్శకుడు శక్తి చిదంబరం ఈ మూవీని తెరకెక్కించాడు. ఈ సినిమాకు అశ్విన్ వినాయగమూర్తి మ్యూజిక్ అందించాడు.
కథానకం: అనూహ్య ట్విస్టులు
తంగసామి తన కూతురు చెల్లమ్మ, (అభిరామి) మనవరాళ్లు భవానీ, యజానీ, శివానీ(మడోన్నా సెబాస్టియన్) తో కలిసి హోటల్ నడుపుతుంటాడు. అనుకోకుండా లోకల్ ఎమ్మెల్యేతో చెల్లమ్మ గొడవపడుతుంది. తంగసామిని ఆ ఎమ్మెల్యే మనుషులు కొట్టడంతో హాస్పిటల్ పాలవుతాడు. తంగసామికి ఆపరేషన్ చేయాలని, అందుకు ఇరవై ఐదు లక్షలు కావాలని డాక్టర్లు అంటారు. సడెన్గా వారి బ్యాంకు అకౌంట్లో ఆపరేషన్కు అవసరమైన డబ్బు డిపాజిట్ అవుతుంది. ఆ డబ్బుతో తంగసామిని బతికించుకుంటారు చెల్లమ్మ, ఆమె కూతుళ్లు.
ఆ డబ్బు కోసం కొందరు లోకల్ రౌడీలు చెల్లెమ్మతో పాటు ఆమె కూతుళ్ల వెంటపడుతుంటాడు. ఈ సమస్య నుంచి గట్టెక్కడానికి లాయర్ పూన్గండ్రన్ సాయం తీసుకోవాలని అనుకుంటారు తల్లీకూతుళ్లు. అతడిని కలవడానికి వెళ్లేసరికి పూన్గండ్రన్ శవమై కనిపిస్తాడు. అతడి శవాన్ని అడ్డుపెట్టుకొని తమకు ఎదురైన సమస్యల నుంచి చెల్లెమ్మ, ఆమె కూతుళ్లు ఎలా గట్టెక్కారు. చనిపోయిన పూన్గండ్రన్ను బతికిన్నట్లుగా నమ్మించడానికి వాళ్లు ఏం చేశారు? అన్నదే ఈ మూవీ కథ.
నటీనటులు మరియు సాంకేతిక నిపుణులు
మలయాళం మూవీ ప్రేమమ్లో ముగ్గురు కథానాయికల్లో ఒకరిగా కనిపించింది మడోన్నా సెబాస్టియన్. ప్రేమమ్ తెలుగు వెర్షన్లో సేమ్ రోల్లో కనిపించింది. ఈ రీమేక్తోనే టాలీవుడ్లోకి ఎంట్రీ ఇచ్చిన మడోన్నా సెబాస్టియన్ ఆ తర్వాత నాని శ్యామ్సింగరాయ్లోనూ నటించింది.
తెలుగులో యాంగర్ టేల్స్ వెబ్సిరీస్లోనూ ప్రధాన పాత్రలో కనిపించింది. మలయాళం లో ప్రేమమ్ తర్వాత బ్రదర్స్ డే, పద్మిని, వైరస్, తమిళంలో దళపతి విజయ్ లియో, కావన్, పా పాండి తో పాటు మరికొన్ని సినిమాల్లో హీరోయిన్గా కనిపించింది.
చివరికి, చనిపోయిన న్యాయవాదిని బతికి ఉన్నట్లు నమ్మించి తమ సమస్యల నుంచి తల్లీకూతుళ్లు ఎలా బయటపడ్డారనేది ఈ చిత్రం ముగింపు. కామెడీ, థ్రిల్లర్ మిశ్రమంతో ఆసక్తికరంగా ఉంటుందని అంచనా.
