టాలీవుడ్ గ్లోబల్ స్టార్ జూనియర్ ఎన్టీఆర్ గురించి సంచలన వార్త! ఆయన నటన, డ్యాన్స్ మాత్రమే కాదు, ఆయన భోజనప్రియం కూడా అంతే ప్రత్యేకమని తెలుసా? ముఖ్యంగా మటన్ విషయంలో తారక్ వెల్లడించిన ఓ షాకింగ్ నిజం ఇప్పుడు నెట్టింట వైరల్ అవుతోంది. ఈ ఆసక్తికర వివరాలు మీకోసం!
Key Points
గ్లోబల్ స్టార్ ఎన్టీఆర్ మటన్ నల్లీలపై సంచలన వ్యాఖ్యలు వైరల్.
ఒకేసారి 200 నల్లీలు లాగించేసేవాడినని తారక్ షాకింగ్ నిజం వెల్లడి.
ఫైట్ మాస్టర్ విజయ్ కుటుంబం ప్రేమతో వండి పంపిన నల్లీలు.
ఎన్టీఆర్ బరువు పెరగడానికి కారణం ఇదేనని ఆసక్తికర విషయాన్ని చెప్పిన తారక్.
తారక్ మటన్ నల్లీల ప్రేమకథ!
టాలీవుడ్ మాస్ ఆఫ్ మ్యాసెస్, గ్లోబల్ స్టార్ జూనియర్ ఎన్టీఆర్ కు సినిమా రంగంలోనే కాకుండా వ్యక్తిగత జీవితంలో కూడా ఎంతో మందితో మంచి అనుబంధాలు ఉన్నాయి . ఆయన నటన, డ్యాన్స్ ఎంత అద్భుతంగా ఉంటాయో.. భోజనం చేయడం పట్ల కూడా ఆయనకు అంతే మక్కువ ఎక్కువ. అయితే ఒకానొక సమయంలో జూనియర్ ఎన్టీఆర్ చాలా లావుగా ఉండేవారు. గతంలో జరిగిన ఈ మాయ పేరేమిటో సినిమా వేడుకలో తారక్ తను అంతగా లావవడానికి గల కారణాన్ని, తనకు ఇష్టమైన మటన్ వంటకం గురించి పంచుకున్న ఆసక్తికరమైన విషయాలు ఇప్పుడు వైరల్ అవుతున్నాయి.
ఈ ఈవెంట్ లో తారక్ స్వయంగా తనకు నాన్ వెజ్ అంటే ఎంత ఇష్టమో వివరించారు. ముఖ్యంగా మటన్ లో ‘మూలిగెలు’ లేదా ‘నల్లీలు’ (Mutton Nalli/Bone Marrow) అంటే తనకు అమితమైన ఇష్టమని . సాధారణంగా ఎవరైనా హోటల్ లేదా ఇంట్లో తిన్నప్పుడు ఒకటి లేదా రెండు నల్లీలు తింటారు. కానీ ఎన్టీఆర్ విషయంలో అది చాలా భిన్నంగా ఉంటుంది. తనకు నల్లీలు ఇష్టమని తెలిస్తే ఒకటి రెండు కాదు.. ఏకంగా 200 నల్లీల వరకు వండేసేవారని, తాను కూడా వాటిని అంతే ఇష్టంగా లాగించేసేవాడినని తారక్ ఆశ్చర్యకరమైన విషయాన్ని బయటపెట్టారు
200 నల్లీలు… షాకింగ్ సీక్రెట్!
ఈ మాయ పేరేమిటో సినిమా వేడుకలో తారక్ ఇంట్రెస్టింగ్ విషయాలు పంచుకున్నారు. ఈసినిమా హీరో తండ్రి విజయ్ ఫైట్ మాస్టర్. ఆయనతో తారక్ కు చాలా ఏళ్లుగా అనుబంధం ఉంది. ఎన్టీఆర్ సినిమాలకు విజయ్ ఫైట్ మాస్టర్ గా ఉన్నారు. ఆయన, ఆయన భార్య పెట్టే ఫుడ్ వల్లే తాను బాగా లావయ్యానని ఎన్టీఆర్ అన్నారు. తనకు మటన్ నల్లి ఇష్టమని తెలిసి.. విజయ్ భార్య ఎంతో ప్రేమతో భారీ సంఖ్యలో వాటిని వండి.. షూటింగ్ లొకేషన్స్ కు పంపించేదట. . తాను ఎన్నో సార్లు అడగడం.. ఆవిడ ఎంతో ఓపికగా వండి పంపించడం సాగిందని ఆయన గుర్తు చేసుకున్నారు.
ఫైట్ మాస్టర్ దంపతుల ప్రేమ… తారక్ రుణం!
విజయ్, ఆయన భార్య వండి పంపించడమే కాకుండా, స్వయంగా ఎన్టీఆర్ పక్కనే ఉండి, ఆ నల్లీలను వడ్డించి వాటిని ఏ విధంగా రుచి చూడాలో, ‘ఎలా తినాలో కూడా నేర్పించారని’ తారక్ ఎంతో ఆప్యాయంగా పంచుకున్నారు. అడిగినప్పుడల్లా.. ఒకటి కాదు రెండు కాదు ఏకంగా 200 నల్లి బోన్స్ ను వండి పంపించేవారట. అందుకే నేను అప్పుడు అంత లావు ఉన్నాను అని ఆయన అన్నారు. ఈ సందర్భంగా వారిద్దరి పట్ల తనకున్న కృతజ్ఞతను తెలియజేస్తూ.. “ఇది ఎన్ని జన్మల బంధమో తెలియదు, ఈ రుణం కూడా ఏంటో తెలియదు.. అది నేను ఎప్పటికీ తీర్చుకోలేని రుణం” అంటూ ఎన్టీఆర్ ఎమోషనల్ కామెంట్స్ చేశారు.
జూనియర్ ఎన్టీఆర్ మటన్ ప్రేమకథ అభిమానులను ఆశ్చర్యపరుస్తోంది. ఈ ఆసక్తికర విషయాలు తారక్ వ్యక్తిత్వాన్ని మరింత దగ్గర చేస్తాయి. ఇలాంటి మరిన్ని సంచలన, వైరల్ టాలీవుడ్ అప్డేట్స్ కోసం వేచి ఉండండి!
