Key Points
కాజల్ అగర్వాల్ ప్రమాదం గురించిన వార్తలు నిరాధారమైనవి.
ఆమె తన ఆరోగ్యం బాగుందని, సురక్షితంగా ఉందని తెలిపింది.
ఈ వార్తలను నమ్మొద్దని ఆమె అభిమానులకు విజ్ఞప్తి చేసింది.
కాజల్ ప్రస్తుతం కొన్ని సినిమాల్లో నటిస్తోంది.
నిరాధార వార్తలు
కాజల్ అగర్వాల్ కు ప్రమాదం జరిగింది.. ఆమె ప్రాణాలతో పోరాడుతోందంటూ వచ్చిన వార్తలు ఆమె అభిమానులను ఆందోళనకు గురి చేశాయి. కానీ దీనిపై ఆమె క్లారిటీ ఇచ్చింది. అలాంటిదేమీ లేదని సోమవారం (సెప్టెంబర్ 8) తన ఎక్స్ అకౌంట్ ద్వారా వెల్లడించింది. ఇలాంటివి నమ్మొద్దని స్పష్టం చేసింది.
టాలీవుడ్ చందమామగా పేరుగాంచిన నటి కాజల్ అగర్వాల్ . ఆమె పెళ్లి తర్వాత అప్పుడప్పుడూ సినిమాలు చేస్తున్నా.. తెలుగు రాష్ట్రాల్లో పెద్ద ఎత్తున అభిమానులు ఉన్నారు. అలాంటి నటికి యాక్సిడెంట్ జరిగిందని, ప్రాణాలతో పోరాడుతోందన్న వార్తలు రావడంతో అభిమానులు ఆందోళన చెందారు. దీంతో కాజల్ వెంటనే తన ఎక్స్ అకౌంట్ ద్వారా స్పందించింది. అవన్నీ నిరాధార వార్తలు, ఫేక్ న్యూస్ అని స్పష్టం చేసింది.
కాజల్ స్పందన
“నాకు ప్రమాదం జరిగిందని, ఇక నేను లేను అంటూ ఓ నిరాధార వార్త వచ్చినట్లు నాకు తెలిసింది. అసలు ఇందులో ఎలాంటి నిజం లేదు. అది చూసి నేను చాలా ఆశ్చర్యపోయాను. ఆ దేవుడి దయ వల్ల నేను చాలా బాగున్నాను. సురక్షితంగా ఉన్నాను. అలాంటి ఫేక్ న్యూస్ ను నమ్మొద్దని నేను కోరుతున్నాను. ఇలాంటి వాటి కంటే సానుకూలత, నిజంపై దృష్టి సారించాలని కోరుకుంటున్నాను. ప్రేమతో మీ కాజల్” అని ఆమె ట్వీట్ చేసింది.
కాజల్ అగర్వాల్ 2007లో వచ్చిన లక్ష్మీ కల్యాణం మూవీతో తెలుగు ప్రేక్షకులకు పరిచయమైంది. చందమామ సినిమాతో మరింత దగ్గరైంది. ఆ తర్వాత మగధీర, ఆర్య 2, డార్లింగ్, బృందావనం, మిస్టర్ పర్ఫెక్ట్ లాంటి సినిమాలతో టాప్ లోకి దూసుకెళ్లింది. 2020లో గౌతమ్ కిచ్లూని పెళ్లి చేసుకున్న తర్వాత క్రమంగా సినిమాలకు దూరమైంది.
అభిమానులకు విజ్ఞప్తి
ఈ మధ్యే ఆమె కన్నప్ప మూవీలో పార్వతి పాత్రలో నటించింది. ఇప్పుడు ది ఇండియా స్టోరీతోపాటు రామాయణ సినిమాలోనూ ఆమె నటిస్తోంది. రామాయణ మూవీలో ఆమె మండోదరి పాత్ర పోషిస్తుండటం విశేషం. ఈ సినిమా తొలి భాగం వచ్చే ఏడాది దీపావళికి, రెండో భాగం 2027 దీపావళికి రిలీజ్ కానున్నాయి.
కాజల్ అగర్వాల్ ఆరోగ్యంగా, సురక్షితంగా ఉండటం అభిమానులకు పెద్ద ఉపశమనం. అవాస్తవ వార్తలను నమ్మకుండా, నిజాలను తెలుసుకోవడం చాలా ముఖ్యం.
