రిషబ్ శెట్టి నటించిన ‘కాంతార చాప్టర్-1’ బాక్సాఫీస్ వద్ద సంచలనం సృష్టిస్తోంది. 11 రోజుల్లోనే రూ.600 కోట్లకు పైగా వసూళ్లతో దూసుకుపోతోంది. రజినీకాంత్ ‘జైలర్’, విజయ్ ‘లియో’ రికార్డులను అధిగమించి కొత్త చరిత్ర సృష్టిస్తోంది. ఈ సినిమా కలెక్షన్ల వివరాలపై ఒక లుక్.
Key Points
'కాంతార చాప్టర్-1' 11 రోజుల్లో రూ.600 కోట్లకు పైగా వసూళ్లు సాధించింది.
ఈ సినిమా రజినీకాంత్ 'జైలర్', విజయ్ 'లియో' రికార్డులను అధిగమించింది.
ప్రపంచవ్యాప్తంగా రూ.615 కోట్లకు పైగా గ్రాస్ వసూళ్లు సాధించినట్టు సమాచారం.
2025లో అత్యధిక వసూళ్లు సాధించిన రెండో చిత్రంగా నిలిచింది.
కాంతార చాప్టర్-1: కలెక్షన్ల సునామీ
రిషబ్ శెట్టి కాంతార ప్రీక్వెల్ బాక్సాఫీస్ వద్ద దూసుకెళ్తోంది. ఇప్పటికే పలు సూపర్ హిట్ సినిమాలను రికార్డ్స్ తుడిచిపెట్టిన ఈ మూవీ అరుదైన మార్క్ చేరుకుంది. ఈ సినిమా రిలీజైన 11 రోజుల్లోనే రూ.600 కోట్ల క్లబ్లో చేరింది. రెండో వారంలోనూ కలెక్షన్స్ పరంగా తగ్గేదేలే అంటోంది. ఇప్పటికే కన్నడలో కేజీఎఫ్-2 తర్వాత రెండో స్థానంలో కాంతార చాప్టర్-1 నిలిచింది. ఈ వారంలో పెద్ద సినిమాలేవీ లేకపోవడం మరింత కలిసి రానుంది.
జైలర్, లియో రికార్డులు బ్రేక్
కాంతారా చాప్టర్ 1 ఆదివారం నాటికి ప్రపంచవ్యాప్తంగా రూ.615 కోట్లకు పైగా గ్రాస్ వసూళ్లు సాధించింది. దీంతో రజినీకాంత్ జైలర్(రూ.605 కోట్లు), విజయ్ లియో(రూ.606 కోట్లు) లాంటి బ్లాక్బస్టర్ హిట్స్ను అధిగమించింది. అంతేకాకుండా 2025లో అత్యధిక వసూళ్లు సాధించిన రెండో చిత్రంగా ఘనత సాధించింది. ఈ మూవీకంటే విక్కీ కౌశల్, రష్మిక నటింటిన ఛావా (రూ.808 కోట్లు) తొలిస్థానంలో ఉంది. అయితే త్వరలోనే ఈ రికార్డ్ను సైతం బద్దలు కొట్టే ఛాన్స్ ఉంది. దేశవ్యాప్తంగా చూస్తే రూ.439 కోట్ల నెట్ వసూళ్లు సాధించగా.. రూ.525 కోట్ల గ్రాస్ రాబట్టింది.అంతేకాకుండా ఓవర్సీస్లో అదిరిపోయే కలెక్షన్స్ రాబడుతోంది.
ప్రపంచవ్యాప్తంగా భారీ వసూళ్లు
రిషబ్ శెట్టి దర్శకత్వం వహించిన కాంతారా చాప్టర్ 1 2022 బ్లాక్బస్టర్ కాంతారకు ప్రీక్వెల్గా తెరకెక్కించారు. ఈ చిత్రం బాక్సాఫీస్ వద్ద రూ.400 కోట్లకు పైగా వసూళ్లు రాబట్టింది. ఈ చిత్రంలో రుక్మిణి వసంత్, జయరామ్, గుల్షన్ దేవయ్య కీలక పాత్రలు పోషించారు. ఈ మూవీని హోంబాలే ఫిల్మ్స్ బ్యానర్లో భారీ బడ్జెట్తో తెరకెక్కించారు.
మొత్తం మీద, ‘కాంతార చాప్టర్-1’ బాక్సాఫీస్ వద్ద అద్భుతమైన విజయాన్ని నమోదు చేసింది. ఇతర పెద్ద చిత్రాల రికార్డులను బద్దలు కొట్టి, ప్రేక్షకులను ఎంతగానో ఆకట్టుకుంటూ విజయపరంపరను కొనసాగిస్తోంది.
