ఇండియన్ ఫిల్మ్ ఇండస్ట్రీలో సంచలనం సృష్టించిన కాంతార చాప్టర్ 1 ఓటీటీ విడుదల తేదీ వచ్చేసింది. రిషబ్ శెట్టి నటన, దర్శకత్వంలో తెరకెక్కిన ఈ భారీ చిత్రం అక్టోబర్ 31 నుండి ప్రైమ్ వీడియోలో తెలుగు, తమిళ, మలయాళ భాషల్లో అందుబాటులోకి రానుంది. ఈ ప్రీక్వెల్ చిత్రం అద్భుతమైన కథాంశంతో ప్రేక్షకులను ఆకట్టుకోనుంది.
Key Points
కాంతార చాప్టర్ 1 అక్టోబర్ 31 నుండి ప్రైమ్ వీడియోలో స్ట్రీమింగ్ కానుంది.
రిషబ్ శెట్టి నటిస్తూ, దర్శకత్వం వహించిన ఈ సినిమా ప్రీక్వెల్ కథాంశంతో రూపొందింది.
కదంబ రాజవంశం, పంజుర్లి దైవం పురాణగాథ మూలాలను ఈ చిత్రం లో చూపించారు.
థియేటర్లలో భారీ విజయం సాధించినప్పటికీ, ఈ సినిమా రూ.1000 కోట్ల మార్కును చేరుకోలేదు.
కాంతార చాప్టర్ 1: ఓటీటీ రిలీజ్ వివరాలు
ఇండియన్ ఫిల్మ్ ఇండస్ట్రీలో సంచలనంగా మారిన సినిమాల్లో కాంతార చాప్టర్ 1 ఒకటి. భారీ బడ్జెట్ తో రూపొందిన ఈసినిమా 1000 కోట్లు కలెక్ట్ చేయకముందే ఓటీటీలోకి రాబోతోంది. ఈసినిమాను అక్టోబర్ 31 నుంచి ప్రైమ్ వీడియోలో తెలుగు, తమిళ, మలయాళ భాషల్లో రిలీజ్ చేయబోతున్నారు.
రిషబ్ శెట్టి హీరోగా నటిస్తూ.. డైరెక్ట్ చేసిన ఈసినిమాలో రుక్మిణి వసంత్, గుల్షన్ దేవయ్య, జయరామ్ ముఖ్య పాత్రలు పోషించారు. హోంబలే ఫిల్మ్స్ నిర్మించిన ఈ సినిమా థియేటర్లలో భారీ విజయం సాధించింది.
రిషబ్ శెట్టి విజన్: సినిమా కథా నేపథ్యం
కన్నడ సంస్కృతితో కూడిన కథతో ఈ సినిమా తెరకెక్కింది. ఇటువంటి కథలకు మంచి ఆదరణ ఉంటుందని, ప్రేక్షకులను అవి ఆకట్టుకుంటాయని ‘కాంతార’ నిరూపించింది. ఇక ఈ సినిమా ఓటీటీ రిలీజ్ డేట్ పై అమెజాన్ ప్రైమ్ ప్రకటన రిలీజ్ చేసింది. అక్టోబర్ 31 నుంచి ఈ సినిమాను ప్రపంచ ప్రేక్షకులతో పంచుకోవడానికి ఉత్సాహంగా ఉన్నామని సోషల్ మీడియాలో పోస్ట్ చేసింది.
కాంతార సినిమాకు ప్రీక్వెల్ గా ఈసినిమా రూపొందింది. కదంబ రాజవంశం కాలం నాటి కథ ఇది. పవిత్ర అడవులను కాపాడే పంజుర్లి దైవం పురాణగాథ మూలాలను.. ఈ సినిమా లో చూపించారు. కాంతార మొదటి భాగంలో రిషబ్ శెట్టి తండ్రి పాత్ర చుట్టు.. ఈ సినిమా నడుస్తుంది. ఇందులో దైవిక శక్తులు ఎలా మేల్కొంటాయి, అవి మేల్కొనడానికి కారణాలు వెల్లడించారు.
కలెక్షన్ల అంచనాలు, వాస్తవాలు
కర్ణాటక తీరప్రాంత భూతకోల సంప్రదాయాన్ని ఈ సినిమా అద్భుతంగా చూపించింది. అజనీష్ లోక్నాథ్ సంగీతం సినిమాకు ప్రాణం పోసిందని చెప్పాలి. ప్రపంచ వ్యాప్తంగా రిలీజ్ అయిన కాంతార చాప్టర్ 1 సినిమా అద్భుతమైన రెస్పాన్స్ ను సాధించింది. అయితే కేజీఎఫ్ తరువాత 1000 కోట్ల కలెక్షన్లు సాధించిన సినిమాగా కాంతార చాప్టర్ 1 నిలుస్తుందని అనుకున్నారు. కానీ ఈ సినిమా 800 కోట్ల వరకూ మాత్రమే కలెక్ట్ చేసింది. కన్నడ బాషలో ఓటీటీ రిలీజ్ డేట్ ఇంకా ఇవ్వలేదు. మరి ఈసినిమా కలెక్షన్స్ పై మరేదైనా ప్లాన్ చేస్తున్నారా లేదా అనేది తెలియాల్సి ఉంది.
కాంతార చాప్టర్ 1 థియేటర్లలో భారీ విజయాన్ని సాధించి, విమర్శకుల ప్రశంసలు అందుకుంది. ఇప్పుడు ఓటీటీ ద్వారా ప్రపంచవ్యాప్తంగా ప్రేక్షకులను చేరుకోవడానికి సిద్ధంగా ఉంది. కన్నడ సంస్కృతి, పురాణాలను అద్భుతంగా చూపించిన ఈ సినిమా డిజిటల్ రిలీజ్తో మరింత మందిని అలరించనుంది.
