రిషబ్ శెట్టి నటించిన కాంతార ఛాప్టర్ 1 సినిమా అక్టోబర్ 2న విడుదల కానుంది. ఈ నేపథ్యంలో ఏపీలో సినిమా టికెట్ల ధరలను భారీగా పెంచడానికి ప్రభుత్వం అనుమతి ఇచ్చింది. అంతేకాకుండా, అక్టోబర్ 1 రాత్రి పెయిడ్ ప్రీమియర్ షోలకు కూడా గ్రీన్ సిగ్నల్ లభించింది. ఈ నిర్ణయం పాన్ ఇండియా సినిమాకు అసాధారణం.
Key Points
ఏపీలో కాంతార ఛాప్టర్ 1 సినిమా టికెట్ల ధరల పెంపునకు ప్రభుత్వం అనుమతి.
సింగిల్ స్క్రీన్లలో రూ.75, మల్టీప్లెక్స్ లలో రూ.100 పెరిగిన టికెట్ ధరలు.
అక్టోబర్ 1 రాత్రి 10 గంటలకు పెయిడ్ ప్రీమియర్ షోలకు గ్రీన్ సిగ్నల్.
రిషబ్ శెట్టి నటిస్తూ, దర్శకత్వం వహించిన కాంతారకు ఇది ప్రీక్వెల్.
టికెట్ల ధరల పెంపు వివరాలు
రిషబ్ శెట్టి డైరెక్ట్ చేసి లీడ్ రోల్లో నటించిన మూవీ కాంతార ఛాప్టర్ 1. మూడేళ్ల కిందట పెద్దగా అంచనాలు లేకుండా వచ్చి సంచలన విజయం సాధించిన కాంతారకు ఇది ప్రీక్వెల్. ఈ సినిమా అక్టోబర్ 2న రిలీజ్ కానుండగా.. ఇప్పుడు ఆంధ్రప్రదేశ్ లో మూవీ టికెట్ల ధరలను పెంచడానికి అక్కడి ప్రభుత్వం అనుమతి ఇచ్చింది.
కాంతార ఛాప్టర్ 1 టికెట్ల ధరలు ఇలా..
సాధారణంగా తెలుగులో పెద్ద హీరోల సినిమాలు రిలీజైనప్పుడు ఏపీతోపాటు తెలంగాణలోనూ టికెట్ల ధరలను పెంచడానికి ప్రభుత్వం అనుమతి ఇవ్వడం చూస్తుంటాం. కానీ ఇప్పుడు కాంతార ఛాప్టర్ 1 లాంటి కన్నడ సినిమాకు కూడా ఏపీలో భారీగా టికెట్ల రేట్లు పెంచేందుకు గ్రీన్ సిగ్నల్ ఇచ్చారు.
కాంతార ఛాప్టర్ 1: సినిమా విశేషాలు
ఈ సినిమా సింగిల్ స్క్రీన్ థియేటర్లలో గరిష్ఠంగా రూ.75 ప్లస్ జీఎస్టీ పెంచేందుకు అనుమతి ఇవ్వగా.. మల్టీప్లెక్స్ లలో రూ.100 ప్లస్ జీఎస్టీ పెరగనుంది. దీంతో సింగిల్ స్క్రీన్లలో టికెట్ ధర రూ.236గా, మల్టీప్లెక్స్ లలో రూ.295గా ఉండనుంది. కాంతార ఛాప్టర్ 1 పాన్ ఇండియా సినిమా అయినా.. ఓ తెలుగు రాష్ట్రంలో ఇంత భారీగా ధరలు పెంచడం మాత్రం అసాధారణమే.
అంతేకాదు పెయిడ్ ప్రీమియర్లను కూడా అనుమతి లభించింది. బుధవారం అంటే అక్టోబర్ 1 రాత్రి 10 గంటలకు ఈ ప్రీమియర్ షోలు ఉంటాయి. ఇక పెంచిన టికెట్ల ధరలు అక్టోబర్ 11 వరకు అమల్లో ఉండనున్నాయి. ఈ మేరకు ఏపీ ప్రభుత్వం జీవో జారీ చేసింది.
కాంతార ఛాప్టర్ 1 మూవీ గురించి..
పెయిడ్ ప్రీమియర్ షోలు: తేదీలు
రిషబ్ శెట్టి ఈ కాంతార ఛాప్టర్ 1 సినిమాను డైరెక్ట్ చేయడంతోపాటు లీడ్ రోల్లో నటించాడు. మూడేళ్ల కిందట వచ్చిన కాంతారకు ఇది ప్రీక్వెల్. ఆ సినిమాలో రిషబ్ నటనకు గాను నేషనల్ అవార్డు అందుకున్నాడు. ఇక ఇప్పుడీ ప్రీక్వెల్ మరింత ఆసక్తి రేపుతోంది. ఈ మధ్యే వచ్చిన ట్రైలర్ ఇంట్రెస్టింగా ఉంది. ఇది మరింత ఘనంగా, గ్రాండ్ విజువల్స్, వీఎఫ్ఎక్స్ తో వచ్చింది. అసలు కాంతారలో ఒకప్పుడు ఏం జరిగిందన్నది ఈ సినిమాలో చూపించబోతున్నారు.
ఈ సినిమాలో రుక్మిణి వసంత్ ఫిమేల్ లీడ్ గా నటిస్తోంది. ఆమె ఓ యువ రాణి పాత్ర పోషిస్తోంది. ఆమె ప్రేమలో హీరో పడటంతోనే కాంతార కథ మలుపు తిరిగినట్లుగా ట్రైలర్లో చూపించారు. కాంతార బాక్సాఫీస్ దగ్గర రూ.300 కోట్లకుపైగా వసూలు చేసింది. ఈ నేపథ్యంలో కాంతార ఛాప్టర్ 1ను భారీ బడ్జెట్ తో తెరకెక్కించారు. ఆ తొలి పార్ట్ తో పోలిస్తే ఈ సినిమా ట్రైలర్ పై అభిమానులు పెదవి విరిచారు. ఈ నేపథ్యంలో ఈ సినిమా బాక్సాఫీస్ దగ్గర ఏం చేస్తుందన్నది చూడాలి.
కాంతార ఛాప్టర్ 1పై భారీ అంచనాలున్నాయి. ఏపీలో టికెట్ల ధరల పెంపు, పెయిడ్ ప్రీమియర్ల అనుమతితో సినిమాకు మరింత హైప్ పెరిగింది. ఇది బాక్సాఫీస్ వద్ద ఎలాంటి ప్రభావాన్ని చూపుతుందో చూడాలి.
