📌 Key Points
- బిగ్బాస్లోకి వెళ్లడం వల్ల లాభం కంటే నష్టమే ఎక్కువైందని కరాటే కళ్యాణి వెల్లడించారు.
- బిగ్బాస్ షో అగ్రిమెంట్ కారణంగా తనకు సినిమా అవకాశాలు తగ్గిపోయాయని ఆమె ఆవేదన చెందారు.
- ఈ షో వల్ల ఇండస్ట్రీకి కూడా పూర్తిగా దూరం అవ్వాల్సి వచ్చిందని కరాటే కళ్యాణి పేర్కొన్నారు.
- బిగ్బాస్ వస్తే అవకాశాలు కల్పిస్తామని చెప్పి, తర్వాత పట్టించుకోలేదని కళ్యాణి వాపోయారు.
నటి కరాటే కళ్యాణి బిగ్బాస్ షోపై సంచలన వ్యాఖ్యలు చేసింది. బిగ్బాస్లోకి వెళ్లడం వల్ల తనకు లాభం కంటే నష్టమే ఎక్కువ జరిగిందని, సినిమా అవకాశాలు కోల్పోయి ఇండస్ట్రీకి దూరం అయ్యానని ఆమె పేర్కొంది. ఈ వ్యాఖ్యలు ప్రస్తుతం సోషల్ మీడియాలో చర్చనీయాంశంగా మారాయి.
బిగ్బాస్తో లాభమా? నష్టమా?
ఎంతోమంది ప్రేక్షకుల ఆదరణ పొందిన రియాలిటీ షో బిగ్బాస్ సక్సెస్ ఫుల్గా కొనసాగుతోంది. ఇప్పటికే 8 సీజన్లు పూర్తి చేసుకోగా.. 9వ సీజన్ కూడా ఫైనల్కు వచ్చేసింది. తెలుగులో అతి పెద్ద షోగా రాణిస్తున్న బిగ్బాస్లో సెలబ్రిటీలతో పాటు కామనర్స్ కూడా పాల్గొంటూ తమ పాపులారిటీని పెంచుకుంటున్నారు. అంతేకాకుండా సినిమాల్లో అవకాశాలు పొందుతూ సెలబ్రిటీల్లాగా మారుతున్నారు. ఇక సెలబ్రిటీల విషయానికొస్తే.. స్టార్ హీరోలతో నటించే అవకాశాలు పొందుతున్నారు.
కరాటే కళ్యాణి షాకింగ్ కామెంట్స్
ఈ షో తర్వాత పాపులారిటీ మరింత పెంచుకున్న వారిలో ఎంతో మంది ఉన్నారు. ఇక ఈ షోతో ఫేమ్ తెచ్చుకోవచ్చనే ఉద్దేశంతో కూడా ఇందులో పాల్గొన్న వారెందరో ఉన్నారు. బయటకు వచ్చాక ఫాలోయింగ్తో సొంత బిజినెస్లు పెట్టుకుని డబ్బులు సంపాదిస్తున్నారు. అలాంటి ఈ షో వల్ల కూడా కొందరు నష్టపోయినట్లు కామెంట్లు చేసిన విషయం తెలిసిందే. తాజాగా, నటి కరాటే కళ్యాణి(Karate Kalyani) బిగ్బాస్ షో (Bigg Boss show)గురించి షాకింగ్ కామెంట్స్ చేసింది. ఓ చానల్కి ఇచ్చిన ఇంటర్వ్యూలో ఈ షో కారణంగా తనకు సినిమా అవకాశాలు రావట్లేదని చెప్పింది. ‘‘నేను బిగ్బాస్లోకి వెళ్లడం వల్ల జరిగిన లాభం కంటే నష్టమే ఎక్కువ.
ఇండస్ట్రీ అవకాశాలపై బిగ్బాస్ ప్రభావం
అక్కడికి వెళ్లి సంపాదించిన దానికన్నా రెండింతలు నష్టం వచ్చింది. ఆ షో అగ్రిమెంట్ చేయడం వల్ల అవకాశాలు తగ్గిపోయాయి. సినిమాలు లేవు, చాన్సులు లేవు. దానికి ప్రధాన కారణం నేను బిగ్బాస్కు వెళ్లడమే. ఆ షో వస్తే అవకాశాలు కల్పిస్తామని చెప్పారు. కానీ బయటకు వచ్చాక నన్ను పట్టించుకోలేదు. అది చాలా బాధగా అనిపించింది. బిగ్బాస్ షో వల్ల నేను ఇండస్ట్రీకి కూడా పూర్తిగా దూరం అవ్వాల్సి వచ్చింది’’ అని చెప్పుకొచ్చింది. ఈ కామెంట్స్ సోషల్ మీడియాలో సంచలనంగా మారాయి. అసలు బిగ్బాస్ షో వల్ల ఇంత నష్టం జరుగుతున్నప్పుడు ఎందుకు ఎగబడి ఆ షోలోకి వెళ్తున్నారని నెటిజన్లు కరాటే కళ్యాణిపై మండిపడుతున్నారు.
మొత్తంగా, బిగ్బాస్ షో వల్ల తన కెరీర్ దెబ్బతిందని కరాటే కళ్యాణి చేసిన వ్యాఖ్యలు చాలా మందిని ఆశ్చర్యపరిచాయి. షోలో పాల్గొనడం వల్ల కొంతమందికి లాభాలు చేకూరినా, కొందరికి నష్టాలు కూడా ఉంటాయని ఆమె మాటలు స్పష్టం చేస్తున్నాయి.
