📌 Key Points
- కిచ్చా సుదీప్ కూతురు శాన్వి సుదీప్ గాయనిగా ఇప్పటికే గుర్తింపు పొందింది.
- నాని ‘హిట్ 3’ చిత్రంలో పాడి టాలీవుడ్లోకి అడుగుపెట్టింది.
- శాన్వికి నటనపై 100% ఆసక్తి ఉందని కిచ్చా సుదీప్ వెల్లడించారు.
- కూతురు నిర్ణయానికి సంపూర్ణ మద్దతు ఇస్తానని సుదీప్ స్పష్టం చేశారు.
కిచ్చా సుదీప్ కుమార్తె శాన్వి సుదీప్ గాయనిగా ఇప్పటికే పేరు సంపాదించుకుంది. నాని ‘హిట్ 3’ చిత్రంతో టాలీవుడ్లో అడుగుపెట్టింది. ఇప్పుడు నటిగా సినిమాల్లోకి రావాలని శాన్వి ఆసక్తి చూపుతోంది. ఈ విషయంపై తండ్రి సుదీప్ స్పందిస్తూ.. కూతురి నిర్ణయానికి పూర్తి మద్దతు ఇస్తానని చెప్పారు.
శాన్వి సుదీప్ గాత్రానికి ఫిదా అయిన అభిమానులు
కిచ్చా సుదీప్ కూతురు శాన్వి సుదీప్ గాత్రానికి అభిమానులు ఫిదా అయ్యారు. జీ కన్నడ ‘సరిగమప’ స్టేజీఫై ‘అప్పా ఐ లవ్ యూ పా’ అని పాడి ఆకట్టుకుంది. కొన్ని నెలల క్రితం గాయనిగా టాలీవుడ్లోకి అడుగుపెట్టింది.నాని హిట్ 3 చిత్రంలో ఆమె పాట పాడింది.
ఇప్పుడు సుదీప్ కూతురు శాండల్వుడ్లోకి అడుగుపెట్టాలని ఆయన అభిమానులు కోరుకుంటున్నారు. ఈ విషయంపై సుదీప్ను ప్రశ్నించగా, ఓ ఇంటర్వ్యూలో కిచ్చా ఈ విషయాన్ని వెల్లడించారు.
నటనపై శాన్వి సుదీప్ ఆసక్తి: తండ్రి ఏమన్నారు?
ఆమె కచ్చితంగా సినిమా రంగంలోకి రావచ్చు. ఆమెకు నటనపై 100% ఆసక్తి ఉంది. ఆమెకు ఇష్టమై, సెలెక్ట్ అయి, సినిమా అవకాశం వస్తే, ఇండస్ట్రీలోకి రావడానికి మాకేం అభ్యంతరం లేదు అని సుదీప్ చెప్పారు.
ప్రస్తుతం ఇంట్లో దీనిపై ఎలాంటి చర్చ జరగలేదు. ఆమెకు తన సొంత ఆశలు ఉంటాయి. ఇలాగే చేయమని మనం చేయి పట్టుకుని నడిపించలేం. తండ్రిగా ఆమెకు సపోర్ట్ చేస్తాను అంతే అని శాన్వి గురించి సుదీప్ చెప్పారు.
తండ్రిగా సుదీప్ సంపూర్ణ మద్దతు
ఆమే జీవితాన్ని గడపాలి, ఆమే పడాలి, ఆమే లేవాలి. ఆమెకు తెలియాల్సింది ఒక్కటే. ఆమె వెనుక మేమున్నామని. ఏదైనా తప్పు జరిగితే మేమున్నామనే భరోసా ఆమెకు ఉండాలి అంతే అన్నారు.
ఒక అమ్మాయిగా, నా కూతురిగా ఆమెను మేము బలంగా తయారు చేయాలి. కానీ మాపైనే ఆధారపడాలని కాదు. ఆమెకు ఏది ఇష్టమో అది చేస్తుంది, మేము సపోర్ట్ గా నిలుస్తాం అని కిచ్చా చెప్పారు.
శాన్వి సుదీప్ తన జీవితాన్ని సొంతంగా నిర్ణయించుకోవాలని, ఏ నిర్ణయం తీసుకున్నా తండ్రిగా తాను వెనుక ఉండి సంపూర్ణ మద్దతు ఇస్తానని సుదీప్ తెలిపారు. నటిగా శాన్వి ఎంట్రీ సినీ వర్గాల్లో ఆసక్తిని రేపుతోంది.
