ప్రముఖ నటుడు కోట శ్రీనివాసరావు గారు కన్నుమూశారు. 750కి పైగా చిత్రాల్లో నటించిన ఆయన, పవన్ కళ్యాణ్, అఖిల్ చిత్రాల్లో పాటలు కూడా పాడారు. ఈ కథనంలో ఆయన సినీ జీవితం గురించి తెలుసుకుందాం.
Key Points
కోట శ్రీనివాసరావు గారు 750 కంటే ఎక్కువ సినిమాల్లో నటించారు.
ఆయన నటుడిగా, విలన్గా, క్యారెక్టర్ ఆర్టిస్ట్గా, హాస్యనటుడిగా గుర్తింపు పొందారు.
అఖిల్ చిత్రంలోని 'హలో బాసు' పాటను ఆయన పాడారు.
పవన్ కళ్యాణ్ చిత్రంలోని 'మందు బాబులం' పాటను కూడా ఆయన పాడారు.
కోట శ్రీనివాసరావు గారి సినీ జీవితం
ప్రముఖ సినీ నటుడు కోట శ్రీనివాసరావు (83) నేడు(2025 జూలై 13) తెల్లవారుజామున తుదిశ్వాస విడిచారు. గత కొన్నేళ్లుగా అనారోగ్యంతో బాధపడుతున్న ఆయన, ఆదివారం తెల్లవారుజామున తుదిశ్వాస విడిచారని సమాచారం. నటుడు కోట శ్రీనివాసరావు తెలుగు సినిమా పరిశ్రమలో సుదీర్ఘ కాలం పాటు నటుడిగా కొనసాగారు. దాదాపు 4 దశాబ్దాల పాటు అనేక రకాల పాత్రలు పోషించి, తెలుగు ప్రేక్షకులను మెప్పించారు.
పాటలు, డబ్బింగ్ ఆర్టిస్ట్ గా కోట
ఆయన 750కి పైగా మూవీల్లో నటించి ప్రజల గుండెల్లో చెరగని ముద్ర వేసుకున్నారు. నటుడిగా, విలన్గా, క్యారెక్టర్ ఆర్టిస్ట్గా, హాస్య నటుడిగా ఆయన గుర్తింపు పొందారు. కాగా ఆయన మరణవార్తతో తెలుగు సినీ పరిశ్రమలో విషాదం నెలకొంది. ఆయన మృతికి పలువురు సినీ ప్రముఖులు, ప్రముఖ రాజకీయ నాయకులు సోషల్ మీడియా వేదికన సంతాపం తెలియజేస్తున్నారు.
సినీ పరిశ్రమ సంతాపం
అయితే కోట శ్రీనివాసరావు కేవలం నటుడిగానే కాకుండా.. డబ్బింగ్ ఆర్టిస్ట్ అండ్ పాటలు పాడి మెప్పించారు. అయితే అఖిల్ చైల్డ్ ఆర్టిస్ట్ గా నటించిన అఖిల్ సిసింద్రీ చిత్రంలో హలో బాసు అంటూ సాగే సాంగ్ను సింగర్స్ మనో, మురళీధర్లతో కలిసి పాడారు. అలాగే పవర్ స్టార్ పవన్ కల్యాణ్ సినిమాలో మందు బాబులం పాట పాడి మరింత క్రేజ్ సొంతం చేసుకున్నారు. ఇక డబ్బింగ్ ఆర్టిస్ట్గా భారతీయుడు, నరసింహ, ప్రేమికుల రోజు, జెంటిల్ మ్యాన్, ప్రియురాలు పిలిచింది, బాబా, ఒకే ఒక్కడు, మజా, శివాజీలలో నటులు గౌండమని, మణివణ్ణన్ లకు తెలుగు డబ్బింగ్ చెప్పారు.
కోట శ్రీనివాసరావు గారి మరణంతో తెలుగు సినిమా పరిశ్రమ ఓ మహానటుడిని కోల్పోయింది. ఆయన సేవలను ఎప్పటికీ మరువలేము.
