టాలీవుడ్ నటుడు నవీన్ చంద్ర ‘లెవెన్’ సినిమా ప్రీ రిలీజ్ ఈవెంట్ లో మాట్లాడుతూ, సినిమా నచ్చకపోతే టికెట్ డబ్బులు తిరిగి ఇవ్వడానికి సిద్ధంగా ఉన్నట్లు ప్రకటించాడు. ఈ సినిమా మే 16న విడుదల కానుంది.
Key Points
నవీన్ చంద్ర 'లెవెన్' సినిమా ప్రీ రిలీజ్ ఈవెంట్ లో ఆసక్తికర వ్యాఖ్యలు చేశాడు.
సినిమా నచ్చకపోతే టికెట్ డబ్బులు తిరిగి ఇవ్వాలని హీరో ప్రకటించాడు.
మే 16న 'లెవెన్' సినిమా విడుదల అవుతుంది.
సినిమాలోని యూనిక్ కాన్సెప్ట్ ప్రేక్షకులను ఆకట్టుకుంటుందని నవీన్ చంద్ర నమ్ముతున్నాడు.
లెవెన్ సినిమా ప్రీ రిలీజ్ ఈవెంట్
టాలీవుడ్ హీరో నవీన్ చంద్ర హీరోగా నటించిన బైలింగ్వల్ ఇన్వెస్టిగేటివ్ థ్రిల్లర్ లెవెన్. లోకేశ్ అజ్ల్స్ దర్శకత్వం వహించిన లెవెన్ సినిమా మే 16న థియేట్రికల్ రిలీజ్ కానుంది. ఈ నేపథ్యంలో ఇవాళ (మే 11) లెవెన్ ప్రీ రిలీజ్ ఈవెంట్ నిర్వహించారు. ఈ కార్యక్రమంలో హీరో నవీన్ చంద్ర ఇంట్రెస్టింగ్ విశేషాలు చెప్పుకొచ్చాడు.
హీరో నవీన్ చంద్ర మాట్లాడుతూ.. “అందరికీ నమస్కారం. మనల్ని రక్షించడానికి వీరోచితంగా పోరాడుతున్న మన సైనికులకి బిగ్ సెల్యూట్. జైహింద్. ఈ సినిమా విషయానికొస్తే.. ఇప్పటివరకు సినిమా చూసిన వాళ్లందరూ కూడా చాలా బాగుందని చెప్పారు. వాళ్ల రియాక్షన్స్ చూసినప్పుడు నాకు మరింత కాన్ఫిడెన్స్ వచ్చింది” అని అన్నాడు.
నవీన్ చంద్ర ఆసక్తికర వ్యాఖ్యలు
“మే 15న ఈ సినిమా పెయిడ్ ప్రీమియర్స్ని ప్లాన్ చేశాం. పెయిడ్ ప్రీమియర్స్ నుంచి చూసి ఆడియన్స్ బయటకు వచ్చినప్పుడు నేను అక్కడే నిల్చుని ఉంటాను. ఒకవేళ మీకు సినిమా నచ్చకపోయి ఉంటే మీ టికెట్ని వెనక్కి అడిగే హక్కు మీకు ఉంది. ఒకవేళ సమయం వృథా అయిందని అనిపించినా ప్రశ్నించే హక్కు కూడా మీకు ఉంటుంది” అని షాకింగ్ కామెంట్స్ చేశాడు నవీన్ చంద్ర.
“నేను చేసే కథలు, పాత్రలు బాగుంటాయని ప్రేక్షకులు మొదటి నుంచి ప్రశంసిస్తున్నారు. ఆ గౌరవానికి రిటర్న్గా ఈ సినిమా ఉంటుందని నమ్ముతున్నాను. ఈ సినిమాని నిర్మాతలు ఎంతో ప్యాషన్తో తీశారు. పోస్ట్ ప్రొడక్షన్ కోసం రెడ్ చిల్లీస్ని తీసుకొచ్చారు. అది ఈ సినిమా మీద ఆయనకున్న నమ్మకం. ఆడియన్స్కి గ్రేట్ ఎక్స్పీరియన్స్ ఇవ్వాలని ఉద్దేశంతో ఈ సినిమా కోసం అందరూ చాలా హార్డ్ వర్క్ చేశారు” అని నవీన్ చంద్ర తెలిపాడు.
టికెట్ రిఫండ్ ఆఫర్
“మే 16న సినిమా రిలీజ్ అవుతుంది. నా కథే నా బలం. కచ్చితంగా ఈ సినిమా మీకు నచ్చుతుంది . ఈ సినిమాలో ఉన్న యూనిక్ కాన్సెప్ట్ని ఇప్పటివరకు మీరు ఏ థ్రిల్లర్లో కూడా చూసి ఉండరు. ఒక 30 మినిట్స్ చాలా ఎమోషన్కి గురి అవుతారు. ఆ ఎమోషన్ ఆడియన్స్కి ఒక మెమొరబుల్ ఎక్స్పీరియెన్స్ ఇస్తుంది” అని నవీన్ చంద్ర పేర్కొన్నాడు.
“మా ట్రైలర్ని లాంచ్ చేసిన కమల్ హాసన్ గారికి ధన్యవాదాలు. ఆయన లాంఛ్ చేయడంతో ట్రైలర్ చాలా అద్భుతమైన రీచ్తో వెళ్లింది. ధనుష్ గారు, ఆర్య గారు, సింబు గారు, శ్రీ విష్ణు గారు, సందీప్ కిషన్ గారు, సుహాస్, విశ్వక్ సేన్ అందరికీ ధన్యవాదాలు. నేను అడిగినప్పుడల్లా ఈ సినిమా కోసం అన్ని విధాలుగా సపోర్ట్ చేశారు” అని నవీన్ చంద్ర చెప్పుకొచ్చాడు.
నవీన్ చంద్ర ‘లెవెన్’ సినిమాపై విశ్వాసం వ్యక్తం చేశాడు. ప్రేక్షకుల అభిప్రాయాలను గౌరవించి, అసంతృప్తి ఉంటే టికెట్ డబ్బులు తిరిగి ఇవ్వడానికి సిద్ధంగా ఉన్నట్లు తెలిపాడు.
