జూలై 25న విడుదలైన మహావతార్ నరసింహా యానిమేటెడ్ సినిమా బాక్స్ ఆఫీస్ వద్ద అద్భుతమైన విజయాన్ని సాధించింది. 15 రోజుల్లోనే 150 కోట్ల రూపాయలకు పైగా వసూలు చేసి, అనేక రికార్డులను బద్దలు కొట్టింది.
Key Points
మహావతార్ నరసింహా 15 రోజుల్లో 150 కోట్ల రూపాయలకు పైగా వసూలు చేసింది.
భారతదేశంలో అత్యధిక వసూళ్లు సాధించిన యానిమేటెడ్ చిత్రంగా నిలిచింది.
హోంబలే ఫిల్మ్స్ తదుపరి యానిమేటెడ్ చిత్రాలను ప్రకటించింది.
150 కోట్లకు పైగా వసూళ్లు
ఇండియన్ యానిమేటెడ్ ఇతిహాసం మహావతార్ నరసింహా బాక్సాఫీస్ దగ్గర కలెక్షన్ల ఊచకోత ప్రదర్శిస్తోంది. జూలై 25న థియేట్రికల్ రిలీజ్ అయిన ఈ సినిమా బాక్సాఫీస్ వద్ద తన డ్రీమ్ రన్ ను కొనసాగిస్తోంది. నరసింహుని పురాణాల ఆధారంగా తెరకెక్కిన ఈ చిత్రం 15 రోజుల్లో ప్రపంచవ్యాప్తంగా రూ.150 కోట్లు వసూలు చేసినట్లు ఫిల్మ్ మేకర్స్ తెలిపారు. ఇది ఇప్పటికే హనుమాన్, స్పైడర్ మ్యాన్: ఓవర్ ది స్పైడర్-వర్సెస్ రికార్డును బద్దలుకొట్టి భారతదేశంలో అత్యధిక వసూళ్లు సాధించిన యానిమేటెడ్ చిత్రంగా నిలిచింది.
మహావతార్ నరసింహా విడుదలై ప్రేక్షకులు, విమర్శకుల ప్రశంసలు అందుకుంది. రెండు వారాల విజయవంతమైన రన్ తరువాత, ఇది శుక్రవారం హిందీలో రూ .4.7 కోట్ల కలెక్షన్లు నమోదు చేసింది. హిందీ నెట్ మొత్తం రూ .84.44 కోట్లకు చేరుకుంది. వీకెండ్ పాక్షికంగా సెలవులు రావడంతో ఈ సినిమా వసూళ్లను కొనసాగించింది. ఈ చిత్రం ప్రపంచవ్యాప్తంగా రూ.150 కోట్లకు చేరుకుందని హోంబలే ఫిల్మ్స్ సోషల్ మీడియాలో పేర్కొంది. ‘‘ఆగష్టు 8 వరకు వరల్డ్ వైడ్ గా రూ.150 కోట్లకు పైగా గ్రాస్ వసూలు చేసి, అన్ని చోట్లా దుమ్మురేపుతోంది. మీ దగ్గర్లోని థియేటర్లలో విజయవంతంగా నడుస్తున్న దివ్య రూపాన్ని సందర్శించండి’’ అని హోంబలే ఫిల్మ్స్ ఎక్స్ లో పోస్టు చేసింది.
భారతీయ యానిమేషన్ రికార్డు
మహావతార్ నరసింహా యానిమేటెడ్ మూవీని అశ్విన్ కుమార్ దర్శకత్వంలో హోంబలే ఫిలింస్ సమర్పణలో క్లీమ్ ప్రొడక్షన్స్ పతాకంపై శిల్పా ధావన్, కుశాల్ దేశాయ్, చైతన్య దేశాయ్ నిర్మించారు. హిందీ, దక్షిణాది భాషల్లో 3డీ, 2డీలో థియేటర్లలో విడుదలైంది. స్పైడర్ మ్యాన్: అక్రాస్ ది స్పైడర్-వర్సెస్ (2023), ఇన్క్రెడిబుల్స్ 2 (2018), హనుమాన్ (2005) చిత్రాలను అధిగమించి భారతదేశంలో అత్యధిక వసూళ్లు సాధించిన యానిమేటెడ్ చిత్రం గా ఇది నిలిచింది.
హోంబలే ఫిల్మ్స్ యొక్క భవిష్యత్తు ప్రాజెక్టులు
హోంబలే, క్లీమ్ ప్రొడక్షన్ నిర్మాణ సంస్థలు భారతీయ పురాణాల్లోని దేవుళ్ల ఆధారంగా యానిమేటెడ్ చిత్రాలను వరుసగా థియేటర్లలోకి తీసుకు రాబోతున్నాయి. ఇందులో మహావతార్ పరశురామ్ (2027), మహావతార్ రఘునందన్ (2029), మహావతార్ ధవకదేశ్ (2031), మహావతార్ గోకులానంద (2033), మహావతార్ కల్కి పార్ట్ 1 (2035), మహావతార్ కల్కి పార్ట్ 2 (2037) లాంటి యానిమేటెడ్ సిరీస్ లు ఉన్నాయి. మహావతార్ నరసింహాకు అద్భుతమైన రెస్పాన్స్ రావడంతో నెక్ట్ ప్రాజెక్టులపై ఈ ప్రొడక్షన్ సంస్థలు మరింత ఫోకస్ పెట్టబోతున్నాయి.
మహావతార్ నరసింహా సినిమా యొక్క విజయం భారతీయ యానిమేషన్ చిత్రాలకు ఒక కొత్త అధ్యాయాన్ని తెరిచింది. హోంబలే ఫిల్మ్స్ యొక్క భవిష్యత్తు ప్రాజెక్టులపై ప్రేక్షకుల ఆసక్తి పెరిగింది.
