మలయాళ సినిమా పరిశ్రమ నుండి వచ్చిన యాక్షన్ థ్రిల్లర్ ‘మురా’ సినిమా, 9 నెలల తర్వాత సన్ నెక్స్ట్ ఓటీటీలో తెలుగులో స్ట్రీమింగ్ కానుంది. సూరజ్ వెంజరమూడు నటించిన ఈ చిత్రం గురించి మరిన్ని వివరాలు ఇక్కడ ఉన్నాయి.
Key Points
మలయాళం యాక్షన్ థ్రిల్లర్ 'మురా' సినిమా సన్ నెక్స్ట్ లో స్ట్రీమింగ్
9 నెలల తర్వాత మరో ఓటీటీ ప్లాట్ఫామ్ లో విడుదల
సూరజ్ వెంజరమూడు నటించిన ఈ సినిమా తెలుగు, తమిళంలోనూ అందుబాటులో ఉంది
నలుగురు స్నేహితుల కథాంశంతో ఉత్కంఠభరితమైన యాక్షన్ సన్నివేశాలు
‘మురా’ సినిమా విడుదల వివరాలు
మలయాళం ఇండస్ట్రీ నుంచి వచ్చిన మరో హిట్ యాక్షన్ థ్రిల్లర్ మూవీ మురా (Mura). ప్రముఖ నటుడు సూరజ్ వెంజరమూడు లీడ్ రోల్లో నటించాడు. ఈ సినిమా గతేడాది డిసెంబర్ 20 నుంచి అమెజాన్ ప్రైమ్ వీడియోలో స్ట్రీమింగ్ అవుతుండగా.. ఇప్పుడు 9 నెలల తర్వాత మరో ఓటీటీలోకి కూడా వస్తోంది.
మలయాళం యాక్షన్ థ్రిల్లర్ సినిమా మురా శుక్రవారం (ఆగస్టు 29) నుంచి సన్ నెక్ట్స్ (Sun Nxt) ఓటీటీలో స్ట్రీమింగ్ కు వస్తోంది. ఈ విషయాన్ని ఆ ఓటీటీ తన ఎక్స్ అకౌంట్ ద్వారా వెల్లడించింది. “ఒక రాత్రి. ఒక లాకర్. ఒక షాట్ వాళ్ల జీవితాలను మార్చేస్తోంది.
కథాంశం మరియు నటీనటులు
మురా రేపటి నుంచి సన్ నెక్ట్స్ లో స్ట్రీమింగ్ కానుంది” అనే క్యాప్షన్ తో ఈ విషయం తెలిపింది. ఈ సినిమా మలయాళంతోపాటు తెలుగు, తమిళంలలోనూ స్ట్రీమింగ్ కానుంది. గతేడాది నవంబర్ లో థియేటర్లలో రిలీజైన ఈ సినిమా నెల రోజుల తర్వాత అంటే డిసెంబర్ 20 నుంచి అమెజాన్ ప్రైమ్ వీడియోలోకి అందుబాటులోకి వచ్చింది.
మురా ఓ యాక్షన్ థ్రిల్లర్ మూవీ. ఇది నలుగురు స్నేహితుల చుట్టూ తిరుగుతుంది. ఆ నలుగురు ఫ్రెండ్స్ ఓ స్థానిక గ్యాంగ్స్టర్ చెప్పడంతో పక్కనే ఉన్న తమిళనాడులో ఓ భారీ దోపిడీకి పాల్పడతారు. అది వాళ్ల జీవితాలను ఎలా మార్చేస్తుంది అన్నదే ఈ మురా మూవీ కథ. మహ్మద్ ముస్తఫా డైరెక్ట్ చేసిన ఈ సినిమాలో అనీ అనే ఓ గ్యాంగ్స్టర్ పాత్రలో సూరజ్ వెజరమూడు నటించాడు. అతనితోపాటు హృదూ హరూన్, జోబిన్ దాస్, అనుజీత్, యదు కృష్ణలు కూడా ముఖ్యమైన పాత్రల్లో కనిపించారు.
సన్ నెక్స్ట్ లో స్ట్రీమింగ్
అప్పుడప్పుడే టీనేజ్ దాటిన ఓ నలుగురు కుర్రాళ్లు.. రౌడీయిజం, గొడవలకు ఆకర్షితులై తప్పుడు దారుల్లో ప్రయాణిస్తే చివరకు వారి జీవితాలు ఎలా ముగిశాయన్నదే మురా మూవీ కథ. ఫాస్ట్ ఫేజ్ యాక్షన్ సీక్వెన్స్, ఛేజింగ్స్, రేసీ స్క్రీన్ప్లేతో సినిమా అయితే బోర్ కొట్టదు. అలాగని మంచి థ్రిల్లర్ మూవీ చూస్తున్న ఫీల్ ఇవ్వదు. కాకపోతే ఓసారి చూసేయొచ్చు. ప్రైమ్ వీడియోలో ఇప్పటి వరకూ ఈ సినిమా చూసి ఉండకపోతే.. ఇప్పుడు సన్ నెక్ట్స్ లో చూసే ప్రయత్నం చేయండి.
మొత్తం మీద, మురా సినిమా యాక్షన్ ప్రియులకు బాగుంటుంది. ప్రైమ్ వీడియోలో చూడనివారు సన్ నెక్స్ట్ లో చూడవచ్చు.
