మలయాళ హీరో బాసిల్ జోసెఫ్ నటించిన మరణమాస్ సినిమా థియేటర్లలో విజయవంతమైంది. ఈ డార్క్ కామెడీ చిత్రం త్వరలోనే సోనీ లివ్ ఓటీటీలో తెలుగుతో సహా అనేక భాషల్లో ప్రసారం కానుంది.
Key Points
మలయాళ సూపర్ హిట్ చిత్రం 'మరణమాస్' ఓటీటీలోకి!
మే 15న విడుదల అయ్యే అవకాశం, కానీ ఒక రోజు ముందుగానే రావచ్చు!
సోనీ లివ్ లో తెలుగుతో సహా ఐదు భాషల్లో స్ట్రీమింగ్!
బాసిల్ జోసెఫ్ హీరోగా నటించిన డార్క్ కామెడీ చిత్రం!
మరణమాస్: విడుదల తేదీ మరియు ఓటీటీ ప్లాట్ ఫామ్
మలయాళ హీరో బాసిల్ జోసెఫ్ హీరోగా నటించిన మరణమాస్ సినిమా ఏప్రిల్ 10వ తేదీన థియేటర్లలో విడుదలైంది. శివప్రసాద్ దర్శకత్వం వహించిన ఈ డార్క్ కామెడీ చిత్రం పాజిటివ్ టాక్ తెచ్చుకొని హిట్ కొట్టింది. దీంతో బాసిల్ జోరు కంటిన్యూ అయింది. ఈ మూవీ ఓటీటీలోకి ఇప్పుడు వస్తుందా అని చాలా మంది ఆత్రుతగా ఎదురుచూస్తున్నారు. ఈవారంలోనే మరణమాస్ చిత్రం ఓటీటీలోక్ రానుంది.
మరణమాస్ చిత్రాన్ని మే 15వ తేదీన స్ట్రీమింగ్కు తీసుకురానున్నట్టు సోనీ లివ్ ఇటీవల వెల్లడించింది. అయితే, మలయాళ చిత్రాలను చెప్పిన తేదీ కంటే ముందు రోజు సాయంత్రమే కొంతకాలంగా తీసుకొస్తోంది సోనీ లివ్ . కొన్ని సినిమాల విషయంలో దీన్ని ఫాలో అయింది. మరణమాస్ విషయంలోనూ అదే చేయనుందట సోనీ లివ్. చెప్పిన దాని కంటే ఒక రోజు ముందు మార్చి 14న సాయంత్రమే మరణమాస్ సినిమాను ఆ ప్లాట్ఫామ్ స్ట్రీమింగ్కు తీసుకురానుందని సమాచారం బయటికి వచ్చింది.
కథాంశం మరియు నటీనటులు
మరణమాస్ సినిమా సోనీ లివ్ ఓటీటీలో ఐదు భాషల్లో స్ట్రీమింగ్కు రానుంది. మలయాళంతో పాటు తెలుగు, తమిళం, కన్నడ భాషల్లో ఎంట్రీ ఇవ్వనుంది. బాసిల్ జోసెఫ్ చిత్రాలకు ఓటీటీలో సూపర్ క్రేజ్ కనిపిస్తోంది. అందులోనూ మరణమాస్కు పాజిటివ్ బజ్ ఉంది. దీంతో సోనీ లివ్ ఓటీటీలో ఈ సినిమా కూడా దుమ్మురేపే అవకాశాలు పుష్కలంగా కనిపిస్తున్నాయి.
మరణమాస్ చిత్రం సీరియల్ కిల్లర్ బ్యాక్డ్రాప్లో ట్విస్టులతో, కామెడీ, థ్రిల్తో సాగుతుంది. ఓ సీరియల్ కిల్లర్ వల్ల అనుమానితుడిగా ల్యూక్ పీపీ (బాసిల్ జోసెఫ్) ఉంటాడు. దీంతో ల్యూక్ను అతడి గర్ల్ ఫ్రెండ్ వదిలేస్తుంది. అయితే, ఓ రోజు అనుకోకుండా ఆ కిల్లర్తోనే తన ప్రేయసిని ల్యూక్ చూస్తాడు. దీంతో ట్విస్ట్ ఎదురవుతుంది. ఆ రాత్రి బస్సులో ఊహించని పరిణామాలు జరుగుతాయి. అసలు ఆ కిల్లర్ ఎవరు, అతడి టార్గెట్ ఏంటి, ల్యూస్ ఎందుకు ఇరుక్కున్నాడు, మిస్టరీ ఏంటి అనే విషయాలు ఈ మరణమాస్ చిత్రంలో ఉంటాయి. క్లైమాక్స్ కూాడా విభిన్నంగా ఉంటుంది.
బాక్స్ ఆఫీస్ వసూళ్లు మరియు విజయం
మరణమాస్ సినిమాను డిఫరెంట్గా తెరకెక్కించారు డైరెక్టర్ శివప్రసాద్. స్క్రీన్ప్లేలో కూడా సర్ప్రైజ్లు ఉంటాయి. ఈ సినిమాలో బాసిల్ జోసెఫ్ తో పాటు రాజేశ్ మాధవన్, సిజు సన్నీ, బాబు ఆంటోనీ, ఆనిష్మ అనిల్ కుమార్, సురేశ్ కృష్మ, పూజా మోహన్రాజా కీలకపాత్రలు పోషించారు.
మరణమాస్ చిత్రం కమర్షియల్గానూ హిట్ అయింది. సుమారు రూ.8కోట్ల బడ్జెట్తో రూపొందిన ఈ సినిమా దాదాపు రూ.19కోట్ల కలెక్షన్లు సొంతం చేసుకుంది. థియేట్రికల్ రన్లో సక్సెస్ అయిన ఈ సినిమా.. సోనీ లివ్ ఓటీటీలో ఈ మేరకు అదరగొడుతుందో చూడాలి. ఈ మూవీని మలయాళ హీరో టొవినో థామస్, టింగ్స్టన్ థామస్, తంజీర్ సలామ్, రఫేల్ తోళోలిపరంబిల్ ప్రొడ్యూజ్ చేశారు. జేకే మ్యూజిక్ ఇచ్చారు. నీరజ్ రెవి సినిమాటోగ్రఫీ చేసిన ఈ చిత్రానికి చామన్ చాకో ఎడిటర్గా వ్యవహరించారు.
చివరగా, మరణమాస్ సినిమా ఓటీటీ విడుదలకు ప్రేక్షకులు ఎదురుచూస్తున్నారు. సోనీ లివ్ లో ఈ సినిమా విజయవంతమవుతుందని భావిస్తున్నారు.
