మెగాస్టార్ చిరంజీవి ‘మన శంకరవరప్రసాద్గారు’ చిత్రంపై అభిమానుల్లో భారీ అంచనాలున్నాయి. ఇటీవలే విడుదలైన ‘మీసాల పిల్ల’ సాంగ్ ప్రోమోకు అద్భుతమైన స్పందన వచ్చింది. ఈ నేపథ్యంలో, బుల్లిరాజు కామెడీతో సాంగ్ ఫుల్ వెర్షన్ విడుదల తేదీపై ఆసక్తికర అప్డేట్ అందించారు.
Key Points
చిరంజీవి-అనిల్ రావిపూడి కాంబోలో 'మన శంకరవరప్రసాద్గారు' చిత్రం మోస్ట్ అవైటెడ్ మూవీ.
'మీసాల పిల్ల' సాంగ్ ప్రోమో విడుదలైన తర్వాత ఫుల్ సాంగ్ కోసం అభిమానుల ఎదురుచూపు.
బుల్లిరాజు కామెడీతో 'మీసాల పిల్ల' పూర్తి సాంగ్ విడుదలపై మేకర్స్ అప్డేట్ ఇచ్చారు.
లిరికల్ వీడియో ఫుల్ సాంగ్ అక్టోబర్ 13న విడుదల కానుంది; సినిమా వచ్చే ఏడాది సంక్రాంతికి రిలీజ్.
మన శంకరవరప్రసాద్గారు: సినిమా విశేషాలు
మెగాస్టార్ చిరంజీవి- అనిల్ రావిపూడి కాంబోలో వస్తోన్న మోస్ట్ అవైటేడ్ చిత్రం మన శంకరవరప్రసాద్గారు (Mana Shankara Vara Prasad Garu Movie). సంక్రాంతికి వస్తున్నాం మూవీతో బ్లాక్బస్టర్ కొట్టిన అనిల్ మరో హిట్కు రెడీ అయిపోయారు. వీరిద్దరి కాంబినేషన్లో మూవీ కావడంతో అభిమానుల్లోనూ అదే రేంజ్లో అంచనాలు పెరిగిపోయాయి. ఇటీవలే నయనతార ఫస్ట్ లుక్ రిలీజ్ చేసిన మేకర్స్.. ఆమె పాత్ర పేరును శశిరేఖగా పరిచయం చేశారు. దసరా కానుకగా సందర్భంగా మీసాల పిల్ల సాంగ్ ప్రోమోను విడుదల చేశారు.
మీసాల పిల్ల సాంగ్ అప్డేట్: బుల్లిరాజు కామెడీ
అయితే ప్రోమో రిలీజ్ తర్వాత మీసాల పిల్ల ఫుల్ సాంగ్ కోసం అభిమానులు ఎదురు చూస్తున్నారు. ఈ నేపథ్యంలో మేకర్స్ నుంచి క్రేజీ అప్డేట్ వచ్చింది. సంక్రాంతికి వస్తున్నాం మూవీతో అలరించిన బుల్లిరాజు మళ్లీ ప్రత్యక్షమయ్యాడు. వచ్చే ఏడాది సంక్రాంతికి మరోసారి అలరించనున్నాడు. తాజాగా రిలీజ్ చేసిన వీడియోలో అనిల్ రావిపూడితో బుల్లిరాజు చేసిన కామెడీ నవ్వులు తెప్పిస్తోంది. మీసాల పిల్ల ఫుల్ సాంగ్ ఎప్పుడు రిలీజ్ చేస్తున్నారని అందరూ నన్ను దొబ్బేస్తున్నారండి అంటూ బుల్లి రాజు భీమ్స్ సిసిరోలియోను అడిగాడు. వెళ్లి డైరెక్ట్గా డైరెక్టర్ను అడుగు అంటూ బుల్లిరాజు సలహా ఇచ్చాడు. ఆ తర్వాత అనిల్ రావిపూడి- బుల్లిరాజు మధ్య జరిగిన సరదా సంభాషణ నవ్వులు తెప్పిస్తోంది.
విడుదల తేదీలు: సాంగ్, సినిమా ఎప్పుడు?
ఈ చిత్రంలోని మీసాల పిల్ల లిరికల్ వీడియో ఫుల్ సాంగ్ అక్టోబర్ 13న రిలీజ్ చేయనున్నట్లు వెల్లడించారు. ఈ పాటకు భీమ్స్ సిసిరోలియే సంగీతమందించారు. కాగా.. వచ్చే ఏడాది సంక్రాంతికి మనశంకర వరప్రసాద్ గారు థియేటర్లలో సందడి చేయనున్నారు.
మొత్తంగా, ‘మన శంకరవరప్రసాద్గారు’ చిత్రంలోని ‘మీసాల పిల్ల’ పూర్తి సాంగ్ అక్టోబర్ 13న విడుదల కానుండటం అభిమానులకు పండగే. అనిల్ రావిపూడి, చిరంజీవి కాంబో సినిమా సంక్రాంతికి థియేటర్లలో సందడి చేయనుంది.
