📌 Key Points
- మెగాస్టార్ 158: ఏప్రిల్ 20 నుంచి షూటింగ్ ప్రారంభం, అభిమానులకు పండగే!
- బాబీ దర్శకత్వంలో ఊరమాస్ లుక్లో చిరంజీవి, ఫస్ట్ లుక్ సిద్ధం!
- ప్రియమణి హీరోయిన్, కూతురిగా అనశ్వరా రాజన్.. భారీ తారాగణం!
- సంక్రాంతి 2025 విడుదల, బాక్సాఫీస్ వద్ద మెగా సందడి ఖాయం!
మెగాస్టార్ చిరంజీవి, దర్శకుడు బాబీ కాంబినేషన్లో వస్తున్న ‘మెగా 158’ చిత్రం టాలీవుడ్లో హాట్ టాపిక్గా మారింది. ఈ సినిమా వచ్చే నెల 20 నుంచి ప్రారంభం కానుండటంతో మెగా అభిమానుల్లో ఉత్సాహం రెట్టింపు అయింది.
ఏప్రిల్ 20 నుంచి మెగా యాక్షన్ షురూ!
Mega 158: మెగాస్టార్ చిరంజీవి ప్రస్తుతం ఫుల్ జోష్ లో ఉన్నారు. సంక్రాంతి బరిలో వచ్చిన ‘మన శంకర వరప్రసాద్గారు’ చిత్రంతో బ్లాక్బస్టర్ విజయాన్ని అందుకొని బాక్సాఫీస్ కింగ్ అని మరోసారి ప్రూవ్ చేసుకున్నారు. ఈ విజయంతో రెట్టింపు ఉత్సాహంలో ఉన్న ఆయన, ఏమాత్రం విరామం తీసుకోకుండా తన తదుపరి ప్రాజెక్టును పట్టాలెక్కించేందుకు సిద్ధమయ్యారు. తనకి ‘వాల్తేరు వీరయ్య’ వంటి భారీ కమర్షియల్ సక్సెస్ను అందించిన దర్శకుడు బాబీ (కె.ఎస్. రవీంద్ర)తో చిరంజీవి మరో చేస్తుండటం ఇప్పుడు టాలీవుడ్లో హాట్ టాపిక్ గా మారింది.
ఊరమాస్ లుక్లో మెగాస్టార్ అదరగొట్టనున్నారు!
వచ్చే నెల 20(ఏప్రిల్ 20)వ తేదీ నుంచి ఈ క్రేజీ ప్రాజెక్ట్(Mega 158) షూటింగ్ ప్రారంభం కానుందని సమాచారం. ‘వాల్తేరు వీరయ్య’ సినిమాలో వినోదం, మాస్ అంశాలకు ప్రాధాన్యత ఇచ్చిన బాబీ, ఈసారి మెగాస్టార్ కోసం ఒక పవర్ఫుల్ యాక్షన్ ఎంటర్టైనర్ను సిద్ధం చేశారట. పూర్తిస్థాయి యాక్షన్ ప్రధానంగా సాగే ఈ కథలో చిరంజీవి మునుపెన్నడూ లేని విధంగా ఊరమాస్ లుక్లో కనిపించనున్నారని తెలుస్తోంది. భారీ బడ్జెట్తో ఈ సినిమాను తెరకెక్కించనున్నారు మేకర్స్.
సంక్రాంతికి బాక్సాఫీస్ బద్దలు.. రికార్డులు షురూ!
ప్రస్తుతం ఈ సినిమాకు సంబంధించి ప్రీ-ప్రొడక్షన్ పనులు శరవేగంగా జరుగుతున్నాయి. ఇక ఈ సినిమాలో హీరోయిన్ గా ప్రియమణి, చిరంజీవికి కూతురుగా అనశ్వరా రాజన్ ను ఎంపిక చేసినట్టుగా తెలుస్తోంది. కానీ, ఆ విషయంపై ఇంకా అధికారిక ప్రకటన రాలేదు. మరి ‘వాల్తేరు వీరయ్య’ వంటి సెన్సేషనల్ హిట్ తర్వాత వస్తున్న కాంబినేషన్ కావడంతో, అటు అభిమానుల్లోనూ, ఇటు పరిశ్రమ వర్గాల్లోనూ ఈ సినిమాపై భారీ అంచనాలు నెలకొన్నాయి. వచ్చే ఏడాది సంక్రాంతికి విడుదలకు సిద్ధం అవుతున్న ఈ సినిమా ఎలాంటి సెన్సేషన్ క్రియేట్ చేస్తుంది అనేది చూడాలి.
మెగాస్టార్ ‘మెగా 158’తో సంక్రాంతికి రానున్నారు. ఈ సినిమా ఎలాంటి సంచలనాలు సృష్టిస్తుందో చూడాలి. మరిన్ని అప్డేట్స్ కోసం చూస్తూ ఉండండి.
