తెలుగు సినిమా ప్రేక్షకులను ఆకట్టుకునేలా మిరాయ్ సినిమా ట్రైలర్ విడుదలైంది. అద్భుతమైన VFX, యాక్షన్ సన్నివేశాలు, తేజ సజ్జా, మంచు మనోజ్, శ్రియా శరణ్ ల నటనతో ఈ ట్రైలర్ ఆకట్టుకుంటుంది.
Key Points
అదిరిపోయే VFX మరియు యాక్షన్ సన్నివేశాలతో ట్రైలర్ అదరగొట్టింది.
తేజ సజ్జా హీరోగా, మంచు మనోజ్ పవర్ఫుల్ విలన్గా నటిస్తున్నారు.
శ్రీరాముడి సాయంతో హీరో 9 గ్రంథాలను చేజిక్కించుకునే ప్రయత్నం చేస్తాడు.
అదిరిపోయే VFX మరియు యాక్షన్
మోస్ట్ అవైటెడ్ మూవీస్ లో ఒకటైన మిరాయ్ అంచనాలను మరింత పెంచేసింది. మూవీ హైప్ ను మరింత పెంచేలా ట్రైలర్ అదరగొట్టింది. ‘మిరాయ్ సూపర్ యోధ’ ట్రైలర్ ను ఇవాళ (ఆగస్టు 28) రిలీజ్ చేశారు మేకర్స్. స్పెషల్ ఈవెంట్లో ఈ ట్రైలర్ ను విడుదల చేశారు. అదిరిపోయే వీఎఫ్ఎక్స్, యాక్షన్ సీన్స్ తో ట్రైలర్ వేరే లెవల్ లో ఉంది.
మిరాయ్ సినిమా టైటిల్ అనౌన్స్ చేసినప్పటి నుంచే ఈ పేరుపై, కథపై క్యూరియాసిటీ పెరిగిపోయింది. ఇందులో హీరోగా తేజ సజ్జా , విలన్ గా మంచు మనోజ్ నటిస్తున్నారనే తెలియగానే హైప్ మరో లెవల్ కు చేరుకుంది. అయితే 9 గ్రంథాలను చేజిక్కించుకుని ప్రపంచాన్ని నాశనం చేయాలని చూసే విలన్ ను పవర్ ఫుల్ ఆయుధంతో ఎదుర్కొనే హీరో కథనే మిరాయ్ అని ట్రైలర్ చూస్తే స్పష్టమవుతోంది.
పవర్ఫుల్ విలన్ గా మనోజ్
‘ఈ ప్రమాదం ప్రతి గ్రంథాన్ని చేరబోతుంది’ అనే డైలాగ్ తో స్టార్ట్ అయిన ట్రైలర్ ఆ తర్వాత ఓ ఫెంటాస్టిక్ ఫీల్ ను అందిస్తూ సాగుతోంది. క్రూరమైన విలన్ గా మంచు మనోజ్ ఎంట్రీ అదిరిపోయింది. ‘దాన్ని ఆపడానికి నువ్వు మిరాయ్ ను చేరుకోవాలి’ అని హీరోయిన్ రితిక నాయక్ క్యారెక్టర్ చెబుతుంది. అక్కడ హీరో తేజ సజ్జా ‘నువ్వు అనుకుంటున్న మనిషి, అడ్రస్ నేను కాదు’ అని ఫైటింగ్ సీక్వెన్స్ తో కనిపిస్తాడు.
‘ఈ దునియాలో ఏదీ నీది కాదు భయ్యా అన్నీ అప్పే. ఈ రోజు నీ దగ్గర, రేపు నా దగ్గర’ అంటూ చలాకీగా డైలాగ్ చెప్పేసే హీరో.. నిన్ను నమ్మేవాళ్ల కోసం నిలబడు అనే హీరోయిన్ డైలాగ్ తో ఏం జరిగిందో తెలుసుకోవాలని అనుకుంటాడు. 9 గ్రంథాలు వాడికి దొరికితే పవిత్రమైన గంగా నదిలో పారేది రక్తమే అని జగపతి బాబు క్యారెక్టర్ చెప్పే డైలాగ్ సినిమాలో ఇంటెన్సిటీని తెలియజేస్తుంది.
శ్రియా శరణ్ ప్రత్యేక పాత్ర
శ్రీరాముడు నడిచిన త్రేతా యుగంలో పుట్టిన ఓ ఆయుధాన్ని ఫస్ట్ సొంతం చేసుకోవాలని హీరోకు చెప్తారు. హీరో తల్లిగా శ్రియా స్పెషల్ క్యారెక్టర్ చేసింది. ఆ ఆయుధాన్ని అందుకునే క్రమంలో వచ్చే విజువల్స్, ఆ తర్వాత ఫైటింగ్ సీక్వెన్స్ హైలైట్ గా ఉన్నాయి. విలన్ తో హీరో పోరు కూడా అదిరిపోయేలా ఉంది. ఇదే చరిత్ర, ఇదే భవిష్యత్తు, ఇదే మిరాయ్ అనే హీరో డైలాగ్ చప్పట్లు కొట్టిస్తుంది.
ఈ మహా కార్యాన్ని పూర్తి చేయడానికి నీ శక్తితో పాటు ఓ సాయం అవసరమవుతుందని శ్రియా క్యారెక్టర్ చెప్పగానే వచ్చే రాముడి పాత్ర విజువల్స్ గూస్ బంప్స్ తెప్పిస్తాయి. మిరాయ్ సినిమా సెప్టెంబర్ 12న ప్రపంచవ్యాప్తంగా ఏడు భాషల్లో రిలీజ్ అవుతుంది. దీనికి కార్తీక్ ఘట్టమనేని డైరెక్టర్.
మిరాయ్ ట్రైలర్ అంచనాలను మించిపోయింది. సెప్టెంబర్ 12న విడుదల కానున్న ఈ సినిమా ప్రేక్షకులను అలరించడం ఖాయం.
