మీర్జాపూర్లో నటించి పేరు తెచ్చుకున్న శ్వేత త్రిపాఠి తనకు బాగా నచ్చిన ఓటీటీ సిరీస్ గురించి చెప్పింది. ఆమెకు ‘ది లాస్ట్ ఆఫ్ అజ్’ సిరీస్ చాలా ఇష్టమని తెలిపింది. ఈ సిరీస్లోని వివిధ అంశాలు ఆమెను ఆకట్టుకున్నాయని చెప్పింది.
Key Points
మీర్జాపూర్ హీరోయిన్ శ్వేత త్రిపాఠికి 'ది లాస్ట్ ఆఫ్ అజ్' సిరీస్ బాగా నచ్చింది.
హారర్, యాక్షన్, ఎమోషన్, ఫాంటసీ, అడ్వెంచర్ ఎలిమెంట్స్ ఈ సిరీస్లో ఉన్నాయి.
పెడ్రో పాస్కల్ మరియు బెల్లా రాంసే నటన అద్భుతంగా ఉందని శ్వేత అభిప్రాయపడింది.
భావోద్వేగాలను రేకెత్తించే కంటెంట్ను శ్వేత ఇష్టపడుతుందని ఆమె వెల్లడించింది.
శ్వేత త్రిపాఠికి నచ్చిన ఓటీటీ సిరీస్
ఓటీటీలో వచ్చే కంటెంట్ సాధారణంగా నార్మల్ ఆడియెన్స్కు విపరీతంగా నచ్చుతుంది. వారికి ఎన్నో ఓటీటీ మస్ట్ వాచ్ లిస్ట్ ఉంటాయి. అయితే, ఓటీటీ సిరీస్తోనే ఫేమ్ తెచ్చుకున్న హీరోయిన్స్ కూడా మెచ్చిన వెబ్ సిరీస్లు ఉంటే. అవును, ఈ ఓటీటీ హీరోయిన్కు మరో ఓటీటీ వెబ్ సిరీస్ విపరీతంగా నచ్చిందంట.
ఆ ముద్దుగుమ్మ ఎవరో కాదు శ్వేత త్రిపాఠి. అమెజాన్ ప్రైమ్ లో నేరుగా ఓటీటీ స్ట్రీమింగ్కు వచ్చి సెన్సేషన్ క్రియేట్ చేసిన వెబ్ సిరీస్ మీర్జాపూర్. ఇప్పటికీ మూడు సీజన్స్తో దుమ్ముదులిపిన మీర్జాపూర్ సిరీస్లో గోలుగా అదరగొట్టింది శ్వేత త్రిపాఠి. మీర్జాపూర్ రెండో సీజన్ నుంచి హీరోయిన్గా అలరిస్తోంది శ్వేత త్రిపాఠి.
అలాంటి శ్వేత త్రిపాఠికి ఓ ఓటీటీ వెబ్ సిరీస్ విపరీతంగా నచ్చేసిందట. ఆ వెబ్ సిరీస్లో హారర్, ఎమోషన్, యాక్షన్, ఫాంటసీ, అడ్వెంచర్ వంటి అన్ని రకాల ఎలిమెంట్స్ నచ్చేలా ఉన్నాయని చెప్పుకొచ్చింది శ్వేత త్రిపాఠి. ఇటీవల ఓ ఇంటర్వ్యూలో పాల్గొన్న శ్వేత త్రిపాఠి తనకు పిచ్చిగా నచ్చిన, కచ్చితంగా చూడమని చెప్పిన ఓటీటీ సిరీస్ ది లాస్ట్ ఆఫ్ అజ్.
‘ది లాస్ట్ ఆఫ్ అజ్’ సిరీస్ ప్రత్యేకతలు
జాంబీ హారర్ యాక్షన్ అడ్వెంచర్ ఫాంటసీ థ్రిల్లర్గా తెరకెక్కిన ది లాస్ట్ ఆఫ్ అజ్ వరల్డ్ వైడ్గా విపరీతమైన క్రేజ్ తెచ్చుకుంది. గేమ్ ఆఫ్ థ్రోన్స్ ఫేమ్ పెడ్రో పాస్కల్, బెల్లా రాంసే ప్రధాన పాత్రలు పోషించిన ఈ సిరీస్ తనకెంతో ఇష్టమని చెప్పింది శ్వేత త్రిపాఠి.
“నేను పిచ్చిగా చూస్తున్న షో ది లాస్ట్ ఆఫ్ అజ్. ఆ సిరీస్లో పెడ్రో పాస్కల్ను చూడండి. అలాగే, బెల్లా రామ్సే కూడా. వీరిద్దరు నటనతో కట్టిపడేశారు. ‘ఓ మై గాడ్, ఏం జరగబోతోంది’ అని ప్రతిసారి అనిపిస్తుంది. ఒక వీడియో గేమ్ ఆడిన థ్రిల్ కలుగుతుంది. నేను నిజంగా ఆ సిరీస్కు అతుక్కుపోయాను” అని శ్వేత త్రిపాఠి తెలిపింది.
“ది లాస్ట్ ఆఫ్ అజ్ సీజన్ 2 అయితే నా మనస్సును కదిలించింది. సంగీతం నుంచి రచన వరకు, వారు సృష్టించే ప్రతి సీన్ చాలా బాగుంది. నాకు ఇష్టమైనది పెడ్రో పాస్కల్ పాత్ర. ఆయన పేరు చెబితే చాలు, ముఖ్యంగా ఆయన స్క్రీన్ ప్రజెన్స్ మిమ్మల్ని మెప్పిస్తుంది” అని శ్వేత త్రిపాఠి పేర్కొంది.
శ్వేత అభిప్రాయం
“నేను ఈ సిరీస్ను ఎందుకు సిఫార్సు చేస్తున్నాను అంటే భావోద్వేగాలను రేకెత్తించే కంటెంట్ నాకు ఇష్టం. వేరే ప్రపంచపు కథలను చూసినప్పుడు, అది మనకు సహాయపడుతుంది. భావోద్వేగాలతో కూడిన ఏదైనా నాకు నిజంగా ట్రిక్ చేస్తుంది. లాస్ట్ ఆఫ్ అజ్ చాలా థ్రిల్లింగ్గా ఉంది. సంగీతం, కాస్ట్యూమ్, ప్రొడక్షన్ ప్రతి డిపార్ట్మెంట్ దాని స్థాయిలో చాలా ఉన్నతంగా ఉంది” అని శ్వేత త్రిపాఠి చెప్పుకొచ్చింది.
కాగా, జియో హాట్స్టార్లో ది లాస్ట్ ఆఫ్ అజ్ ఓటీటీ స్ట్రీమింగ్ అవుతోంది. సీజన్ 1 సూపర్ హిట్ కావడంతో ఇటీవలే ది లాస్ట్ ఆఫ్ అజ్ సీజన్ 2 ఓటీటీ రిలీజ్ చేశారు మేకర్స్. ఇంగ్లీష్తోపాటు తెలుగు, హిందీ, మలయాళం, కన్నడ, తమిళ భాషల్లో ది లాస్ట్ ఆఫ్ అజ్ రెండు సీజన్స్ ఓటీటీ స్ట్రీమింగ్ అవుతున్నాయి.
మొత్తంమీద, ‘ది లాస్ట్ ఆఫ్ అజ్’ సిరీస్ చూడటానికి విలువైనది. హారర్, యాక్షన్, ఎమోషన్ అభిమానులు ఈ సిరీస్ను ఆస్వాదించగలరు.
